ជីវិតកម្សាន្ដ

មកដល់ កម្ពុជា កញ្ញា ម៉ៃ យ៉ា សុំទោសអ្នកគាំទ្រ

បានផុស

២ years មុន

នៅ

ថ្ងៃអង្គារ ២៧ សីហា ២០២៤

ដោយ

បវរកញ្ញាភេទទី ៣ តំណាងឲ្យកម្ពុជា កញ្ញា ម៉ៃ យ៉ា បានវិលត្រឡប់មកដល់ប្រទេសកំណើតវិញហើយ បន្ទាប់ពីនាងចេញទៅប្រកួតសម្រស់ Miss International Queen នៅលើឆាកអន្តរជាតិនាទឹកដីប្រទេសថៃ កាលពីថ្មីៗ កន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការវិលត្រឡប់របស់ ម៉ៃ យ៉ា គេឃើញមានការទទួលស្វាគមន៍យ៉ាងកក់ក្ដៅពីសំណាក់អ្នកគាំទ្រ និងបងប្អូនសាច់ញាតិរបស់នាងជាច្រើននាក់ នៅឯព្រលានយន្តហោះភ្នំពេញ ទោះបីជានាងមិនអាចដណ្ដើមបានជ័យជំនះណាមួយពីការប្រកួតខាងលើនេះក៏ពិតមែននោះ។ ដោយឡែកសម្រាប់នាងផ្ទាល់ ក៏បានចេញមុខសុំទោសមហាជនអ្នកគាំទ្រខ្លួនផងដែរ។

បវរកញ្ញាភេទទី ៣ តំណាងឲ្យកម្ពុជា កញ្ញា ម៉ៃ យ៉ា បាននិយាយទៅកាន់អ្នកគាំទ្រខ្លួនដោយខ្លីថា “នាងខ្ញុំ ម៉ៃ យ៉ា ពិតជាសូមទោសប្រជាជនកម្ពុជាខ្លាំងណាស់ ដែលខ្ញុំមិនអាចធ្វើបាន ខ្ញុំបានប្រឹងអស់ពីសមត្ថភាពហើយ”។

ជាការពិតណាស់នៅក្នុងថ្ងៃប្រកួតផ្ដាច់ព្រ័ត្រ កញ្ញា ម៉ៃ យ៉ា មិនមានឱកាសឈានចូល Top ណាមួយ នៃកម្មវិធីប្រកួតសម្រស់ Miss International Queen នេះឡើយ។

បើទោះបីជាយ៉ាងនេះក៏ពិតមែន សម្រាប់កញ្ញា ម៉ៃ យ៉ា នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាដែលនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិ ដើម្បីឲ្យពិភពលោកបានស្គាល់កាន់តែច្បាស់នូវអរិយធម៌ វប្បធម៌ដ៏ល្អផូរផង់ ដែលដូនតាបានបន្សល់ទុក៕

អត្ថបទ ៖ ចាន់រ៉ា