ព័ត៌មានអន្ដរជាតិ
ប៉េងប៉ោងសំរាមរបស់កូរ៉េខាងជើងអាចគំរាមកំហែងដល់ភេរវកម្មជីវសាស្រ្ត
យោធាកូរ៉េខាងត្បូង បាននិយាយថា ភាគីប្រទេសកូរ៉េខាងជើងបានបង្ហោះប៉េងប៉ោងសំរាមប្រហែល១០០ឆ្ពោះទៅកាន់កូរ៉េខាងត្បូងកាលពីព្រឹកថ្ងៃអង្គារ ដោយត្រូវគេកត់សម្គាល់កើតឡើងពីរថ្ងៃជាប់គ្នានៃការបង្កហេតុបែបនេះ ខណៈទីក្រុងសេអ៊ូលព្រមានថា ប៉េងប៉ោងសំរាមរបស់កូរ៉េខាងជើងអាចគំរាមកំហែងដល់ភេរវកម្មផ្នែកជីវៈសាស្រ្ត។ យោងការចេញផ្សាយរបស់សារព័ត៌មាន NK។
អគ្គសេនាធិការចម្រុះកូរ៉េខាងត្បូង បានរកឃើញកញ្ចប់សំរាមប្រហែល៦០ដែលបានធ្លាក់នៅជុំវិញផ្នែកខ្លះនៃទីក្រុងសេអ៊ូល និងជុំវិញខេត្ត Gyeonggi។ ប៉េងប៉ោងទាំងនោះមានផ្ទុកសំរាមក្នុងផ្ទះដូចជាក្រដាស ថង់ប្លាស្ទិក និងដបប្លាស្ទិក ខណៈមិនមានសារធាតុគ្រោះថ្នាក់ត្រូវបានគេរកឃើញនោះទេ។
ទោះយ៉ាងណាទីក្រុងសេអ៊ូល បានព្រមានថា ប៉េងប៉ោងសំរាមរបស់កូរ៉េខាងជើងអាចគំរាមកំហែងដល់ជីវភេរវកម្ម ដោយប្រមុខទីភ្នាក់ងារគ្រប់គ្រង និងបង្ការជំងឺកូរ៉េ (KDCA) បានព្រមានថា កូរ៉េខាងត្បូងគួរតែស្តុកទុកវ៉ាក់សាំងសម្រាប់ជំងឺដូចជាជំងឺអុតស្វាយ ដោយសារតែលទ្ធភាពដែលថា ប៉េងប៉ោងសំរាមកូរ៉េខាងជើងអាចគំរាមកំហែងដល់ជីវសាស្ត្រ។
ប្រធាន KDCA លោក Jee Young-mi បាននិយាយក្នុងអំឡុងពេលសវនកម្មក្រសួងសុខភាព និងសុខុមាលភាពរបស់រដ្ឋសភាកាលពីថ្ងៃចន្ទថា«យើងដឹងពីហានិភ័យនៃអំពើភេរវកម្មជីវសាស្រ្តដែលបង្កឡើងដោយប៉េងប៉ោងកខ្វក់ទាំងនេះ ហើយយើងជឿថា វាមានសារៈសំខាន់ណាស់ក្នុងការស្តុកទុកវ៉ាក់សាំងដើម្បីបង្ការ»។
ចាប់តាំងពីចុងខែឧសភាមក កូរ៉េខាងជើងបានបង្ហោះបញ្ជូនប៉េងប៉ោងជាង ៥០០០ ឆ្លងកាត់ព្រំដែនឆ្ពោះទៅកាន់កូរ៉េខាងត្បូង ខណៈការបង្ហោះចុងក្រោយនេះ កូរ៉េខាងជើង បានបញ្ជូនប៉េងប៉ោងផ្ទុកសំរាមចំនួន១២០កញ្ចប់។ យោធាកូរ៉េខាងត្បូងបានប្តេជ្ញាថា នឹងចាត់វិធានការយោធា «តឹងរ៉ឹង» ប្រសិនបើកូរ៉េខាងជើង «បំពាន» ជាមួយនឹងយុទ្ធនាការសំរាមដែលកំពុងបន្តរបស់ខ្លួន ឬធ្វើឱ្យខូចខាតយ៉ាងធ្ងន់ធ្ងរដល់ប្រជាជនកូរ៉េខាងត្បូង។ ទោះយ៉ាងណាកូរ៉េខាងត្បូង បានបដិសេធមិនបាញ់ទម្លាក់ប៉េងប៉ោងដោយផ្ទាល់ដោយលើកឡើងពីការព្រួយបារម្ភអំពីសុវត្ថិភាព។
ជាការឆ្លើយតបទៅនឹងការបង្ហោះប៉េងប៉ោងរបស់កូរ៉េខាងជើង យោធាកូរ៉េខាងត្បូងបាននិងកំពុងបំពោងការផ្សាយឃោសនាប្រឆាំងកូរ៉េខាងជើងជារៀងរាល់ថ្ងៃតាមរយៈឧបករណ៍បំពងសំឡេងនៅតាមព្រំដែនចាប់តាំងពីថ្ងៃទី ២១ខែកក្កដាផងដែរ៕
អត្ថបទ៖ ប៊ុន សុភាព
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ