ព័ត៌មានអន្ដរជាតិ
មេប៉ូលិសកូរ៉េខាងត្បូង ត្រូវចាប់ខ្លួន ព្រោះរារាំងសមាជិកសភាមិនឲ្យបោះឆ្នោត ពេលប្រកាសច្បាប់អាជ្ញាសឹក
យោងតាមការចុះផ្សាយរបស់សារព័ត៌មាន Yonhap នៅថ្ងៃទី១១ខែធ្នូឆ្នាំ២០២៤ មេប៉ូលិសកូរ៉េខាងត្បូងបានក្លាយជាមន្ត្រីជាន់ខ្ពស់ចុងក្រោយគេ ដែលត្រូវបានចាប់ខ្លួន នៅក្នុងការស៊ើបអង្កេតដ៏ធំមួយ ពាក់ព័ន្ធនឹងច្បាប់អាជ្ញាសឹកដែលបរាជ័យរបស់លោកប្រធានាធិបតី Yoon Suk Yeol ដែលបានធ្វើឲ្យប្រទេសធ្លាក់ចូលទៅក្នុងវិបត្តិរដ្ឋធម្មនុញ្ញ។
អគ្គស្នងការនគរបាលជាតិកូរ៉េខាងត្បូង លោក Cho Ji-ho ត្រូវបានចាប់ខ្លួននៅព្រឹកថ្ងៃពុធ ទាក់ទិននឹងបទបះបោរ។ លោក Cho ត្រូវបានគេចោទប្រកាន់ពីការពង្រាយប៉ូលិស ដើម្បីរារាំងសមាជិកសភាមិនឲ្យចូលសភា បន្ទាប់ពីលោក Yoon បានប្រកាសច្បាប់អាជ្ញាសឹកកាលពីយប់ថ្ងៃទី៣ខែធ្នូ។
ភ្លាមៗបន្ទាប់ពីការប្រកាសច្បាប់អាជ្ញាសឹកដ៏គួរឲ្យភ្ញាក់ផ្អើលរបស់លោក Yoon សមាជិកសភា រួមទាំងសមាជិកមួយចំនួននៃគណបក្សរបស់លោក Yoon ផ្ទាល់ បានបំបែកខ្សែការពារជុំវិញសភា ហើយបានចូលទៅបោះឆ្នោតទាមទារឲ្យប្រធានាធិបតីលុបចោលច្បាប់អាជ្ញាសឹកជាបន្ទាន់។
មុនការចាប់ខ្លួនលោក Cho អតីតរដ្ឋមន្ត្រីការពារជាតិកូរ៉េខាងត្បូង លោក Kim Yong-hyun ក៏ត្រូវបានចាប់ខ្លួនជាផ្លូវការផងដែរពីបទបះបោរ ស្របពេលមានការសង្ស័យថា គាត់បានបំផ្លាញព័ស្តុតាង ក្នុងករណីការប្រកាសច្បាប់អាជ្ញាសឹករបស់លោក Yoon។
ដំបូងឡើយ លោក Kim ត្រឹមត្រូវបានគេឃាត់ខ្លួនជាបណ្តោះអាសន្នប៉ុណ្ណោះតាមសេចក្តីសម្រេចរបស់តុលាការ ប៉ុន្តែពេលនេះលោកត្រូវបានចាប់ខ្លួនជាផ្លូវការតែម្តងជុំវិញការចោទប្រកាន់ពីបទមានតួនាទីក្នុងអំឡុងពេលបះបោរ និងប្រើអំណាច ដើម្បីរារាំងការអនុវត្តសិទ្ធិ៕
ដោយ៖ ឈាង
ចុចអាន៖ រដ្ឋមន្ត្រីការពារជាតិកូរ៉េខាងត្បូង ត្រូវចាប់ខ្លួនជាផ្លូវការ ស្របពេលសង្ស័យថា គាត់បំផ្លាញព័ស្តុតាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»