ព័ត៌មានអន្ដរជាតិ
ស្ថានទូតកាតាបើកដំណើរការឡើងវិញ ក្រោយបិទ១៣ឆ្នាំនៅស៊ីរី
ប្រទេសកាតា បានលើកទង់ជាតិ និងបើកដំណើរការស្ថានទូតរបស់ខ្លួនឡើងវិញជាផ្លូវការនៅក្នុងរដ្ឋធានីដាម៉ាស ប្រទេសស៊ីរី កាលពីថ្ងៃសៅរ៍ទី២១ខែធ្នូឆ្នាំ២០២៤ជាលើកដំបូងក្នុងរយៈពេល១៣ឆ្នាំ។
ការបើកស្ថានទូតឡើងវិញនេះ ធ្វើឡើងស្របពេលដែលមានអ្នកតំណាងក្នុងតំបន់ និងលោកខាងលិចទៅបំពេញទស្សនកិច្ចនៅប្រទេសស៊ីរីបន្តកន្ទុយគ្នា ដើម្បីជួបជាមួយថ្នាក់ដឹកនាំថ្មី បន្ទាប់ពីការដួលរលំនៃរដ្ឋាភិបាលរបស់អតីតប្រធានាធិបតីលោក Bashar al-Assad កាលពីថ្ងៃទី៨ធ្នូ។
កាលពីជិតមួយសប្តាហ៍មុន គណៈប្រតិភូកាតា បានទៅទស្សនកិច្ចនៅទីក្រុងដាម៉ាស ដើម្បីរៀបចំសម្រាប់ការបន្តបេសកកម្មការទូត ដែលត្រូវបានបិទក្នុងឆ្នាំ២០១១បន្ទាប់ពីការផ្ទុះឡើងនៃសង្រ្គាមស៊ីវិលស៊ីរី។
អ្នកនាំពាក្យក្រសួងការបរទេសកាតា លោក Majed Al Ansari បាននិយាយថា គណៈប្រតិភូបានជួបជាមួយតំណាងរដ្ឋាភិបាលអន្តរកាលរបស់ប្រទេសស៊ីរី ហើយបានអះអាងឡើងវិញនូវការប្តេជ្ញាចិត្តរបស់កាតា ក្នុងការគាំទ្រប្រជាជនស៊ីរីក្នុងការស្វែងរកសន្តិសុខ សន្តិភាព ការអភិវឌ្ឍ និងវិបុលភាព។
លោក Al Ansari បានកត់សម្គាល់ថា កិច្ចប្រជុំក៏បានពិភាក្សាអំពីវិធីដើម្បីបង្កើនលំហូរនៃជំនួយមនុស្សធម៌កាតាទៅកាន់ស៊ីរី និងវាយតម្លៃតម្រូវការបន្ទាន់របស់ប្រជាជនស៊ីរីក្នុងដំណាក់កាលដ៏សំខាន់នេះ។
កាតាគឺជាប្រទេសទីពីរបន្ទាប់ពីតួកគី ដែលបានចាប់ផ្តើមប្រតិបត្តិការការទូតឡើងវិញជាផ្លូវការនៅក្នុងរដ្ឋធានីស៊ីរី ចាប់តាំងពីការដួលរលំរបស់លោក Assad៕
ដោយ៖ ឈាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%