ព័ត៌មានអន្ដរជាតិ
លោក Trudeau ជំទាស់ដាច់អហង្ការដែល ត្រាំ ចង់បានកាណាដាធ្វើជារដ្ឋទី៥១របស់អាមេរិក
នាយករដ្ឋមន្ត្រីកាណាដា លោក Justin Trudeau បានច្រានចោលយ៉ាងដាច់អហង្ការចំពោះការលើកឡើងរបស់ប្រធានាធិបតីទើបជាប់ឆ្នោតអាមេរិក លោក ដូណាល់ ត្រាំ ដែលថា លោកអាចប្រើ «ការបង្ខំផ្នែកសេដ្ឋកិច្ច» ដើម្បីធ្វើឲ្យកាណាដាក្លាយជារដ្ឋទី៥១របស់សហរដ្ឋអាមេរិក។
លោក Trudeau បានបង្ហោះសារនៅលើបណ្ដាញសង្គម X កាលពីថ្ងៃទី៧ខែមករាឆ្នាំ២០២៥ថា មិនមានឱកាសសូម្បីតែបន្តិចដែលប្រទេសរបស់លោកនឹងក្លាយជាផ្នែកមួយរបស់អាមេរិក។
នាយករដ្ឋមន្ត្រីកាណាដា បានបន្ថែមថា៖ «បុគ្គលិក និងសហគមន៍នៅក្នុងប្រទេសរបស់យើងទាំងពីរ ទទួលបានអត្ថប្រយោជន៍ពីការធ្វើជាដៃគូពាណិជ្ជកម្ម និងសន្តិសុខធំបំផុតរបស់គ្នាទៅវិញទៅមក»។
ប្រតិកម្មរបស់លោក Trudeau ធ្វើឡើងប៉ុន្មានម៉ោងបន្ទាប់ពីលោក ត្រាំ ត្រូវបានគេសួរថាតើគាត់កំពុងពិចារណាប្រើប្រាស់កម្លាំងយោធា ដើម្បីទទួលបានកាណាដាដែរឬទេ។ លោក ត្រាំ បានតបប្រាប់អ្នកយកព័ត៌មានថា លោកនឹងមិនប្រើកម្លាំងយោធាទេ ប៉ុន្តែជាការបង្ខំផ្នែកសេដ្ឋកិច្ចលើកាណាដាទៅវិញ។
លោក ត្រាំ បានត្អូញត្អែរជាយូរមកហើយអំពីអតិរេកពាណិជ្ជកម្មរបស់កាណាដាជាមួយសហរដ្ឋអាមេរិក ហើយបានប្រាប់ថា ព្រំដែនគ្រាន់តែជា «បន្ទាត់ដែលគូរដោយសិប្បនិម្មិត» ប៉ុណ្ណោះ។
លោកបានរៀបរាប់ថា៖ «អ្នកដកខ្សែបន្ទាត់ដែលគូរដោយសិប្បនិម្មិតនោះ ហើយមើលថាតើវាដូចអ្វី។ វាក៏នឹងល្អជាងមុនសម្រាប់សន្តិសុខជាតិផងដែរ។ កុំភ្លេចថា ជាមូលដ្ឋាន យើងការពារប្រទេសកាណាដា»។ បន្ថែមពីនេះ លោកអះអាងថា អាមេរិកគឺជា ឧបត្ថម្ភធនដល់កាណាដាក្នុងកម្រិត ២០០ពាន់លានដុល្លារក្នុងមួយឆ្នាំ។
ឱនភាពពាណិជ្ជកម្មសរុបរបស់អាមេរិកនៅក្នុងទំនិញ និងសេវាកម្មជាមួយកាណាដា មានចំនួន ៤០,៦ពាន់លានដុល្លារក្នុងឆ្នាំ២០២៣។ នេះបើយោងតាមទិន្នន័យរបស់ការិយាល័យជំរឿនសហរដ្ឋអាមេរិក។ ឱនភាពនេះ ត្រូវបានជំរុញដោយការនាំចេញថាមពល ដោយអាមេរិកទិញប្រេងឆៅពីកាណាដាច្រើនជាង ៤លានបារ៉ែលក្នុងមួយថ្ងៃៗក្នុងអំឡុងពេលប៉ុន្មានខែកន្លងទៅ៕
ដោយ៖ ឈាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ