ព័ត៌មានជាតិ
ថ្មម៉ាបមានប្រភពពីខេត្តកំពង់ស្ពឺ រាប់ម៉ឺនម៉ែត្រគីប យកទៅរៀបក្រាលនៅអាកាសយានដ្ឋានអន្តរជាតិតេជោ
ថ្មម៉ាបមានប្រភពក្នុងស្រុករាប់ម៉ឺនម៉ែត្រគីប ត្រូវបានរៀបចំក្រាលនៅបរិវេណអាកាសយានដ្ឋានអន្តរជាតិតេជោ។ នេះបើតាមលោកឧកញ៉ា ឆារស៍ វ៉ាន់ នាយកគ្រប់គ្រងនៃក្រុមហ៊ុន ខេមបូឌា អ៊ែរផត អ៊ិនវេសមិន (CAIC)។
ក្នុងឱកាសទទួលប្រតិភូទូតប្រទេសហ្វីលីពិន និងអូស្រ្តាលីចុះមកទស្សនកិច្ចស្វែងយល់ពីដំណើរការសាងសង់អាកាសយានដ្ឋានអន្តរជាតិតេជោ លោកឧកញ៉ា ឆារស៍ វ៉ាន់ បានឲ្យដឹងថា ខណៈដែលដំណើរការសាងសង់អាកាសយានដ្ឋានអន្តរជាតិតេជោសម្រេចបានប្រមាណ ៩៤% ក្រុមការងារកំពុងរៀបចំតុបតែងសោភ័ណភាពទាំងខាងក្នុងនិងខាងក្រៅបរិវេណអាកាសយានដ្ឋាន។
ឆ្លើយតបការសាកសួររបស់កម្ពុជាថ្មី តើមានវត្ថុធាតុដើមក្នុងស្រុកណាខ្លះត្រូវបានប្រើប្រាស់នៅអាកាសយានដ្ឋានតម្លៃជាង ១ ៥០០ លានដុល្លារនេះ? លោក ឆារស៍ វ៉ាន់ បានចង្អុលពីថ្មម៉ាបរាប់ម៉ឺនម៉ែត្រគី បដែលនឹងត្រូវរៀបក្រាលនៅបរិវេណអាកាសយានដ្ឋានអន្តរជាតិតេជោ។
លោក ឆារស៍ វ៉ាន់ បានអះអាងថា ថ្មម៉ាបប្រមាណ ៣ ម៉ឺនម៉ែត្រគីប ដែលជាផលិតផលក្នុងស្រុកនឹងត្រូវប្រើប្រាស់រៀបចំនៅក្នុងបរិវេណអាកាសយានដ្ឋានអន្តរជាតិតេជោ។
លោក ឆារស៍ វ៉ាន់ បានគូសបញ្ជាក់ថា ការប្រើប្រាស់ផលិតផលក្នុងស្រុក ក៏ជាចំណែកមួយក្នុងការជួយគាំទ្រនិងលើកតម្លៃផលិតផលជាតិ ផ្សារភ្ជាប់ជាមួយសំណង់អាកាសយានដ្ឋានជាតិដ៏ទំនើប ដែលនឹងក្លាយជាមុខមាត់ជាមោទនភាពសម្រាប់ប្រជាជនកម្ពុជា។
ពាក់ព័ន្ធការជ្រើសរើសថ្មម៉ាបក្រាលនៅអាកាសយានដ្ឋានអន្តរជាតិតេជោ បើតាមសមាគមថ្មអារកម្ពុជាបានគូសបញ្ជាក់ថា គឺមានប្រភពយកមកពីខេត្តកំពង់ស្ពឺ។
អ្នកស្រី ឡេង ដាវី អនុប្រធានសមាគមថ្មអារកម្ពុជាបានគូសបញ្ជាក់ថា នៅតាមអាកាសយានដ្ឋាន ការជ្រើសរើសផលិតផលណាមួយប្រើប្រាស់ត្រូវគិតគូរខ្ពស់ពីបទដ្ឋានបច្ចេកទេស មិនអាចជ្រើសរើសខុសស្តង់ដាកំណត់នោះទេ។
បើតាមអ្នកស្រី ឡេង ដាវី ថ្មម៉ាបខេត្តកំពង់ស្ពឺមានកម្រិតស្តង់ដាទទួលស្គាល់ ទើបក្រុមហ៊ុនអភិវឌ្ឍព្រលានជ្រើសរើសយកទៅបំពាក់នៅអាកាសយានដ្ឋានអន្តរជាតិតេជោ ដែលកំពុងដំណើរការសាងសង់ គ្រោងដាក់ឲ្យដំណើរការនៅអំឡុងខែកក្កដាខាងមុខនេះ។
អនុប្រធានសមាគមថ្មអារកម្ពុជាបានអះអាងថា តាមរយៈគម្រោងថ្នាក់ជាតិធំៗដូចជាគម្រោងអាកាសយានដ្ឋានអន្តរជាតិតេជោ ដែលជ្រើសរើសផលិតផលក្នុងស្រុក ក៏បានរួមចំណែកជួយលើកតម្កើងមុខមាត់ជាតិ និងផ្តល់តម្លៃបន្ថែមសម្រាប់ជំរុញការអភិវឌ្ឍឧស្សាហកម្មក្នុងស្រុកឲ្យរីកចម្រើន៕
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៦ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ