ព័ត៌មានជាតិ
សហគ្រាសកម្ពុជា ជំរុញឲ្យចាប់យកបច្ចេកវិទ្យាឌីជីថល បង្កើនឧត្តមភាពប្រកួតប្រជែងក្នុងគម្រូអាជីវកម្ម
សហគ្រាសនៅកម្ពុជាទាំងខ្នាតតូច និងខ្នាតមធ្យម ត្រូវបានកំពុងជំរុញឲ្យចាប់យកបច្ចេកវិទ្យាឌីជីថលបញ្ចូលទៅក្នុងគម្រូអាជីវកម្ម ក្នុងគោលដៅជំរុញផលិតភាព និងលើកកម្ពស់ការប្រកួតប្រជែងក្នុងដំណាក់កាលដែលបច្ចេកវិទ្យាកាន់តែវិវឌ្ឍន៍រីកចម្រើន។
ថ្លែងនៅក្នុងកម្មវិធី «តស់ ចាប់យកឌីជីថល» ដែលរៀបចំឡើងនៅព្រឹកនេះ លោក តាំង ងួនលី នាយកប្រតិបត្តិមជ្ឍមណ្ឌលបណ្តុះធុរកិច្ចថ្មីតេជោបានគូសបញ្ជាក់ថា ស្ថិតក្នុងយុគសម័យឌីជីថល ការចាប់យកបច្ចេកវិទ្យាមកប្រើប្រាស់មានភាពចាំបាច់សម្រាប់ជំរុញកំណើន និងការប្រកួតប្រជែងក្នុងប្រតិបត្តិការអភិវឌ្ឍន៍អាជីវកម្ម។
តាមរយៈមជ្ឍមណ្ឌលបណ្តុះធុរកិច្ចថ្មីតេជោ បានដាក់ចេញកម្មវិធីបណ្តុះបណ្តាលបរិវត្តិកម្មឌីជីថលដល់សហគ្រាសទាំងនៅក្នុងប្រព័ន្ធ និងក្រៅប្រព័ន្ធ នៅគ្រប់កម្រិតដើម្បីចាប់យកយកបច្ចេកវិទ្យាឌីចីលបញ្ចូលទៅក្នុងគម្រូអភិវឌ្ឍន៍អាជីវកម្ម។
លោកថា វគ្គបណ្តុះបណ្តាលចាប់យកឌីជីថល រៀបចំឡើងសម្រាប់ម្ចាស់អាជីវកម្ម ឬសហគ្រាស រួមបញ្ចូលទាំងបុគ្គលស្វ័យនិយោជន៍ បានសិក្សាស្វែងយល់អំពីការធ្វើសមាហរណកម្មដំណោះស្រាយឌីជីថល ដែលម្ចាស់សហគ្រាចូលរួមនឹងទទួលបានការយល់ដឹងអំពីទិដ្ឋភាពផ្សេងៗនៃការប្រើប្រាស់ឌីជីថល និងការចាប់យកបច្ចេកវិទ្យាថ្មីៗដើម្បីជំរុញការអភិវឌ្ឍអាជីវកម្មឲ្យទទួលបានជោគជ័យ។
លោក តែ តាំងប៉ ប្រធាននៃសម្ព័ន្ធសមាគមសហគ្រាសធុនតូចនិងមធ្យមនៅកម្ពុជាបានថ្លែងបញ្ជាក់ថា ការចាប់យកបច្ចេកវិទ្យាឌីជីថលនៅក្នុងចំណោមសហគ្រាសនៅកម្ពុជានៅមានកម្រិតនៅឡើយ បើទោះបច្ចេកវិទ្យាមានភាពចាំបាច់សម្រាប់ជំរុញកំណើនក្នុងខ្សែសង្វាក់ផលិតកម្ម។
លោកថា តាមរយៈកម្មវិធីបរិវត្តិកម្មឌីជីថលសហគ្រាស ផ្តល់ឱកាសដល់សហគ្រាសនៅកម្ពុជាទទួលបានការបណ្តុះបណ្តាលដោយអ្នកផ្តល់ដំណោះស្រាយឌីជីថល និងអ្នកជំនាញដោយផ្តើមចេញពីកម្រិតមូលដ្ឋានដល់កម្រិតខ្ពស់។
លោក គី សុខគីម នាយកប្រតិបត្តិនៃមូលនិធិអភិវឌ្ឍន៍ជំនាញបានលើកឡើងថា ការចាប់យកបច្ចេកវិទ្យាបានទាន់ពេល ជួយម្ចាស់សហគ្រាសរក្សាបានស្ថេរភាពនៅក្នុងប្រតិបត្តិការអាជីវកម្ម ក៏ដូចជាជួយបង្កើនឧត្តមភាពក្នុងការប្រកួតប្រជែងនៅលើទីផ្សារ។
លោកបានលើកឡើងថា តាមការសិក្សាកន្លងមក សហគ្រាសនៅកម្ពុជាតិចតួចណាស់បានចាប់យកបច្ចេកវិទ្យាយកទៅប្រើប្រាស់ដើម្បីជំរុញផលិតភាពនៅក្នុងខ្សែសង្វាក់ផលិតកម្ម។
ដោយមានការសហការជាមួយសមាគមធុរកិច្ចផ្សេងៗ លោក គី សុខគីម បានគូសបញ្ជាក់ថា មូលនិធិអភិវឌ្ឍន៍ជំនាញក៏បានចូលរួមផ្តល់ការគាំទ្រដល់ការរៀបចំវគ្គបណ្ដុះបណ្ដាលដល់អ្នកចូលរួមបានប្រមាណជាង ៣ ម៉ឺននាក់ លើការកសាងអភិវឌ្ឍសមត្ថភាពជំនាញឌីជីថល តាមរយៈការជំរុញការចាប់យកបច្ចេកវិទ្យាឌីជីថលមកប្រើប្រាស់ក្នុងសកម្មភាពអាជីវកម្ម ដែលឆ្លើយតបទៅនឹងតម្រូវការជាក់ស្ដែងរបស់សហគ្រាស៕
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន