ព័ត៌មានអន្ដរជាតិ
រឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា
សង្គ្រាមឥណ្ឌា-ប៉ាគីស្ថានកាន់តែរីកធំទៅហើយ ដោយអ្នកនាំពាក្យកងទ័ពនៃរដ្ឋាភិបាលទីក្រុងអ៊ីស្លាម៉ាបាដ អះអាងថា តួលេខជនស៊ីវិលស្លាប់ក្នុងការវាយប្រហាររបស់ឥណ្ឌា បានកើនឡើងដល់៣១នាក់ហើយ ខណៈនៅខាងឥណ្ឌាឯណោះ ក៏មានមនុស្សបាត់បង់ជីវិត ៧នាក់និងរបួស ៣០នាក់ផងដែរ។
ឧត្តមសេនីយ៍ Ahmed Sharif អ្នកនាំពាក្យយោធាប៉ាគីស្ថាននិយាយថា មនុស្សចំនួន២៦នាក់ ត្រូវស្លាប់ក្នុងការវាយប្រហារដោយមីស៊ីល ខណៈជនស៊ីវិល៥នាក់ផ្សេងទៀត ស្លាប់ដោយគ្រាប់កាំភ្លើងធំនៅតាមខ្សែបន្ទាត់ព្រំដែន Line of Control។
ទន្ទឹមនោះ មានយន្តហោះមួយគ្រឿងបានធ្លាក់នៅរដ្ឋ Punjab ភាគខាងជើងប្រទេសឥណ្ឌា ប៉ុន្តែភ្លាមៗ គេមិនអាចសន្មត់ថាតើយន្តហោះនោះជាកម្មសិទ្ធរបស់នរណានោះទេ គ្រាន់តែដឹងនោះមិនមែនជាយន្តហោះដឹកអ្នកដំណើរឡើយ។
សូមជម្រាបថា នៅថ្ងៃពុធទី៧ខែឧសភាឆ្នាំ២០២៥ ឥណ្ឌាបានបើកប្រតិបត្តិការយោធា «Sindoor» ដោយកំណត់គោលដៅលើជំរំភេរវករនៅក្នុងទឹកដីប៉ាគីស្ថាន ឆ្លើយតបទៅការបាញ់សម្លាប់អ្នកទេសចរហិណ្ឌូ២៦នាក់ នៅតំបន់កាស្មៀរ កាលពីថ្ងៃទី២២ខែមេសា។
តាមការចុះផ្សាយរបស់ AP, ឥណ្ឌាបានបើកការវាយប្រហារលើទីតាំងចំនួន៩កន្លែងនៅក្នុងប្រទេសប៉ាគីស្ថាន ដែលទីតាំងទាំងនោះមានដូចជា៖
- Bahawalpur (ខេត្ត Punjab)
- Muridke (ខេត្ត Punjab)
- Tehra Kalan (ខេត្ត Punjab)
- Sialkot (ខេត្ត Punjab)
- Ahmedpur East (ស្រុក Bahawalpur នៃខេត្ត Punjab)
- Bhimber (តំបន់កាស្មៀរ)
- Kotli (តំបន់កាស្មៀរ)
- Muzaffarabad (តំបន់កាស្មៀរ)
- Barnala Sector (តំបន់កាស្មៀរ)
ក្នុងការវាយប្រហារទាំងនោះ ឥណ្ឌាអះអាងថាបានចាយពេលអស់២៥នាទី ហើយកម្ទេចគោលដៅបានយ៉ាងជោគជ័យ៕
អត្ថបទ៖ សុខ សុវណ្ណ
ចុចអាន៖ មកស្គាល់អាវុធទំនើបបំផុតនិងមានអនុភាព របស់ឥណ្ឌានិងប៉ាគីស្ថាន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ