ឃុំ ប៉ុណ្ណាដែត ស្នើឱ្យរួមគ្នាអភិរក្សភាសារជាតិ ដោយបញ្ឈប់ការប្រើអក្សរឡាតាំង ជំនួសភាសារខ្មែរ

តារាចម្រៀងលោក ឃុំ ប៉ុណ្ណាដែត បានចេញមុខបំផុសនិងស្នើដល់យុវជនខ្មែរត្រូវរួមគ្នាស្រលាញ់អក្សរសាស្រ្តខ្មែរ ដើម្បីលើតម្កើងអក្សរសាស្ត្រជាតិ ក្រោយបច្ចុប្បន្ន ហាក់មានការនិយមសរសេរពាក្យខ្មែរ តែជំនួសដោយអក្សរឡាតាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃុំ ប៉ុណ្ណាដែត បានរៀបរាប់ភ្ជាប់វីដេអូ នូវមូលហេតុដែលលោកតែងតែអប់រំណែនាំអ្នកជុំវិញខ្លួនឱ្យសរសេរដោយការទទួលខុសត្រូវ។ លោកថា “យើងជាខ្មែរយើងមានភាសាសសេរមានភាសារនិយាយ ដូច្នេះត្រូវតែប្រើ អ្នកខ្លះជោរនឹងភាសាបរទេសមិនព្រមសរសេរភាសាជាតិខ្លាចគេមិនដឹងថាខ្លួនមិនចេះភាសាបរទេស”។

តារាចម្រៀងចាស់វស្សារូបនេះ បន្ថែមថា “យើងទាំងអស់គ្នាត្រូវមានមោទនភាពដែលមានអក្សរព្រោះអក្សរខ្មែរពិបាករៀនណាស់។ ដើម្បីឱ្យអក្សសាស្រ្តជាតិយើងថ្កុំថ្កើនល្អខ្លាំង ត្រូវនាំគ្នាសរសេរអក្សខ្មែរកុំសរសេរអក្សរឡាតាំង”។ តាមរយ:ខ្លឹមសារនេះ គេកត់សម្គាល់ឃើញមានមហាជន និងអ្នកគាំទ្រមួយចំនួនបានបង្ហាញការគាំទ្រផងដែរ។

គួរជម្រាបថា ទាក់ទិននឹងភាសារជាតិនេះដែរ កន្លងមក មានសិល្បករសិល្បការិនីច្រើនរូបមកហើយ ដែលចេញមកឈឺឆ្អាល និងស្នើឱ្យពលរដ្ឋខ្មែរ ពិសេសយុវវ័យដែលជាអ្នកប្រើប្រាស់បណ្តាញទំនាក់ទំនងសង្គមច្រើនបំផុត រួមគ្នាប្រើប្រាស់ភាសារជាតិឱ្យបានត្រឹមត្រូវ ដើម្បីលើកស្ទួយអក្សរសាស្ត្រជាតិ៕ ចាន់រ៉ា