​ធុញធប់ឡើងជណ្ដើរជើងរាល់ថ្ងៃ បុរសចិន​ម្នាក់ សង់​ជណ្តើរយន្ត​ ជិះតែម្នាក់ឯងយ៉ាងរំភើយ

ផ្អែកតាមការចុះផ្សាយពីសារព័ត៌មាន Liaoshen Evening News អ្នកស្រុកវ័យចំណាស់ម្នាក់នៅភាគឦសានប្រទេសចិន បានទទួលរហស្សនាមថា បុរសដែកនៃអគារលំនៅដ្ឋាន សម្រាប់ការបង្កើតជណ្តើរយន្តតែមួយគត់ ដែលគាត់បានប្រើអស់រយៈពេល៥ ឆ្នាំកន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ បន្ទាប់ពីការច្នៃប្រឌិតដ៏ប៉ិនប្រសប់របស់គាត់ទទួលបានការចាប់អារម្មណ៍លើអ៊ីនធឺណិត និងទាក់ទាញអ្នកប្រើប្រាស់អ៊ីនធឺណិតជាច្រើន អាជ្ញាធរក្នុងតំបន់ក្នុងទីក្រុង Huludao ខេត្ត Liaoning រួមជាមួយគណៈកម្មាធិការលំនៅដ្ឋានបានជំរុញឲ្យគាត់រុះរើវាជាបន្ទាន់។

កំពូលអ្នកច្នៃប្រឌិតចិនរូបនោះត្រូវគេស្គាល់ថា ជាលោក Wang បានសាងសង់ជណ្តើរយន្តរបស់គាត់ ដែលជាការរចនាមួយដែលគាត់បាននឹកឃើញដល់កន្រ្តក់ខ្សែកាបនៅឆ្នាំ ២០២០ នៅពេលដែលគាត់មិនអាចទ្រាំទ្រនឹងការឡើងជណ្តើរ ដើ ម្បីទៅដល់ផ្ទះជាន់ទីប្រាំរបស់គាត់បានដោយងាយស្រួល។

លោក Wang បានរៀបចំគម្រោងមួយនេះពេញមួយឆ្នាំ ដោយធ្វើការស្រាវជ្រាវតាមអ៊ីនធឺណិត និងការទិញសម្ភារៈ ដែលមានតម្លៃសរុប ៨ពានយន់ (១,១០០ ដុល្លារ)។ គាត់បានរចនា ផ្សារ និងដំឡើងប្រព័ន្ធទាំងមូលដោយខ្លួនគាត់ផ្ទាល់។ ជណ្តើរយន្តតូចនេះមានទំហំតូចល្មមអាចដាក់បានតែកៅអី ដោយមានខ្សែភ្ជាប់ពីបង្អួចរបស់លោកទៅនឹងបង្គោលភ្លើងដែលមានទីតាំងនៅតាមផ្លូវក្បែរប្លុកលំនៅដ្ឋានរបស់គាត់តែបុណ្ណោះ។

យ៉ាងណា នៅក្នុងសមិទ្ធិផលគួរឲ្យកត់សម្គាល់មួយ លោកបានដាក់ពាក្យស្នើសុំ និងទទួលបានដោយជោគជ័យនូវប៉ាតង់សម្រាប់ការច្នៃប្រឌិតរផ្ទាល់ខ្លួន ពីរដ្ឋបាលកម្មសិទ្ធិបញ្ញាជាតិរបស់ប្រទេសចិនក្នុងខែតុលា ឆ្នាំ ២០២០។

មន្ត្រីម្នាក់មកពីការិយាល័យត្រួតពិនិត្យទីផ្សារក្រុងបាននិយាយថា ពួកគេទើបតែរកឃើញអត្ថិភាពនៃការកើនឡើងមិនធម្មតានេះ នៅពេលដែលវារីករាលដាលនៅលើបណ្តាញសង្គម។

មន្ត្រីដែលចង់មិនបញ្ចេញឈ្មោះបានពន្យល់ថា បន្ទាប់ពីពិនិត្យមើលច្បាប់សុវត្ថិភាពឧបករណ៍ពិសេស យើងបានកំណត់ថា វាមិនមានលក្ខណៈសម្បត្តិគ្រប់គ្រាន់ជាឧបករណ៍ពិសេសឡើយ។ រួមគ្នាជាមួយសមាជិកនៃគណៈកម្មាធិការលំនៅដ្ឋាន មន្ត្រីរូបនេះបានចំណាយពេលជាច្រើនថ្ងៃដើម្បីបញ្ចុះបញ្ចូលលោក Wang ឲ្យដកជណ្តើរយន្តរបស់គាត់ចេញនៅដើមខែមិថុនា។

ទោះជាយ៉ាងណាក៏ដោយ រឿងរ៉ាវដ៏ប្លែកភ្នែកមួយនេះបានជំរុញឲ្យមានការជជែកដេញដោលគ្នាយ៉ាងគគ្រឹកគគ្រេងក្នុងចំណោមអ្នកប្រើប្រាស់អ៊ីនធឺណេតចិនដីគោក ដែលមានការចូលមើលចំនួន ៥លានដងនៅលើវេទិកាប្រព័ន្ធផ្សព្វផ្សាយសង្គមដ៏ពេញនិយមមួយ។

អ្នកអត្ថាធិប្បាយតាមអ៊ីនធឺណិតខ្លះបានកត់សម្គាល់ថា គាត់ពិតជាមនុស្សពូកែច្នៃប្រឌិត ប៉ុន្តែអ្នកផ្សេងទៀតថា ជណ្តើរយន្ត​បណ្តោះអាសន្ន​នេះ វា​មើល​ទៅ​គ្រោះថ្នាក់​ណាស់! បើប្រើប្រាស់មិនស្រួលអាចនាំឲ្យបង្កហានិភ័យដលមនុស្សជុំវិញខ្លួនជាក់ជាមិនខានឡើយ៕

អត្ថបទ៖ សាង ស្រីល័ក្ខ

ចុចអាន៖ស្រ្តី​អង់គ្លេសម្នាក់ រួច​ផុត​ពី​ការ​ស្លាប់​២​ដង ដោយសារកែ​ដើម​ទ្រូង​