ព័ត៌មានអន្ដរជាតិ

ចិនប្រាប់ពលរដ្ឋខ្លួននៅអ៊ីស្រាអែលឲ្យចាកចេញជាបន្ទាន់

បានផុស

១០ នាទីutes មុន

នៅ

ថ្ងៃអង្គារ ១៧ មិថុនា ២០២៥

ដោយ

Chheang

ក្រសួងការបរទេសចិន បានចេញសេចក្តីណែនាំជាបន្ទាន់មួយ ដោយអំពាវនាវដល់ពលរដ្ឋរបស់ខ្លួនក្នុងប្រទេសអ៊ីស្រាអែលឲ្យជម្លៀសខ្លួនចេញ «កាន់តែឆាប់កាន់តែល្អ» ដោយលើកឡើងពីស្ថានភាពសន្តិសុខដែលកាន់តែយ៉ាប់យ៉ឺន ចំពេលមានអរិភាពដែលកំពុងឆេះឆួលខ្លាំងរវាងអ៊ីស្រាអែល និងអ៊ីរ៉ង់។

ការខូចខាតបន្ទាប់ពីការវាយប្រហាររបស់អ៊ីរ៉ង់លើអ៊ីស្រាអែលថ្ងៃទី១៦មិថុនា២០២៥ (រូបថត៖ REUTERS)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍មួយដែលបានចេញផ្សាយនៅថ្ងៃអង្គារទី១៦មិថុនានេះ ស្ថានទូតចិននៅទីក្រុង Tel Aviv បានរៀបរាប់ថា «បេសកកម្មចិននៅអ៊ីស្រាអែលសូមប្រកាសឲ្យជនជាតិចិនចាកចេញពីប្រទេសឲ្យបានឆាប់តាមដែលអាចធ្វើបានតាមរយៈច្រកព្រំដែនគោក ដើម្បីបង្ការទុកជាមុនថាពួកគេអាចធានាសុវត្ថិភាពផ្ទាល់ខ្លួនរបស់ពួកគេ»។ បន្ថែមពីនោះ ក្រសួងក៏បានបញ្ជាក់ទៀតថា «ជាការផ្ដល់អនុសាសន៍ សូមចាកចេញក្នុងទិសដៅនៃប្រទេសហ្សកដានី»។

ចំណែកឯស្ថានទូតក្រុងប៉េកាំង ក៏បានប្រកាសដែរថា ជម្លោះ«កំពុងតែបន្តកើនឡើង» ហើយថា «ហេដ្ឋារចនាសម្ព័ន្ធស៊ីវិលជាច្រើនត្រូវបានខូចខាត ការស្លាប់ និងរបួសរបស់ជនស៊ីវិលមានការកើនឡើង ហើយស្ថានភាពសន្តិសុខកាន់តែធ្ងន់ធ្ងរទៅៗ»។

ជាសត្រូវ និងមានជម្លោះអូសបន្លាយរាប់ទសវត្សរ៍ អ៊ីស្រាអែលបានចាប់ផ្តើមយុទ្ធនាការអាកាសដ៏គួរឲ្យភ្ញាក់ផ្អើលមួយកាលពីសុក្រសប្តាហ៍មុន ប្រឆាំងនឹងគោលដៅនៅទូទាំងប្រទេសអ៊ីរ៉ង់ ដោយនិយាយថា ពួកគេមានបំណងបញ្ចៀសសត្រូវរបស់ខ្លួនពីការទទួលបានអាវុធប្រល័យលោក ដែលជាលើកឡើងមួយដែលទីក្រុងតេហេរ៉ង់តែងតែបដិសេធ។

ការផ្ទុះឡើងភ្លាមៗនៅក្នុងអរិភាព បានបង្កឲ្យមានការភ័យខ្លាចនៃជម្លោះកាន់តែរីកធំ ដោយប្រធានាធិបតីអាមេរិកលោក ដូណាល់ ត្រាំ បានជំរុញឲ្យអ៊ីរ៉ង់ត្រឡប់ទៅតុចរចាវិញ បន្ទាប់ពីការវាយប្រហាររបស់អ៊ីស្រាអែលបានបង្អាក់កិច្ចចរចានុយក្លេអ៊ែរដែលកំពុងបន្ត៕

ដោយ៖ ឈាង

ចុចអាន៖ ទោះកំពុងប្រយុទ្ធជាមួយអ៊ីរ៉ង់ តែអ៊ីស្រាអែល មិនបន្ថយដៃឡើយនៅហ្គាហ្សា ដោយសម្លាប់មនុស្សច្រើននាក់ទៀត