ព័ត៌មានជាតិ
មន្ត្រីជាន់ខ្ពស់ ណែនាំអនុវត្តតាមស្តង់ដារវិជ្ជាជីវៈ ដើម្បីឱ្យគ្រូបច្ចេកទេសមាន គុណភាព ប្រសិទ្ធភាព និងប្រសិទ្ធផល
លោក ប៉ុក ប៉ាន់ រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ បានណែនាំឱ្យអនុវត្តតាមស្តង់ដារវិជ្ជាជីវៈដែលមានសមាសភាគសំខាន់ៗ ចំនួន ៤ ដើម្បីឱ្យគ្រូបង្រៀនផ្នែកអប់រំបណ្តុះបណ្តាលវិជ្ជាជីវៈមានគុណភាព ប្រសិទ្ធភាព និងប្រសិទ្ធផល។
ថ្លែងក្នុងពិធីប្រកាសបើកវគ្គវិក្រឹតការគ្រូបច្ចេកទេស លើកទី ៣ ស្តីពី“វិធីសាស្ត្របង្រៀន និងការប្រើប្រាស់ម៉ូឌុលតាមជំនាញ” ដើម្បីគាំទ្រកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ នៅសួនអប់រំបណ្ដុះបណ្ដាលបច្ចេកទេស និងវិជ្ជាជីវៈ រាជធានីភ្នំពេញ កាលពីថ្ងៃទី ២៥ មិថុនា លោក ប៉ុក ប៉ាន់ បានបន្តថា សមាសភាគសំខាន់ៗ ចំនួន ៤ រួមមាន ៖ ១.ចំណេះដឹងវិជ្ជាជីវៈដែលផ្តោតទៅលើចំណេះដឹងអំពីសិស្ស , ចំណេះដឹងអំពីខ្លឹមសារមេរៀន និងចំណេះដឹងអំពីរបៀបរៀនរបស់សិស្ស។ ២.ការប្រតិបត្តិវិជ្ជាជីវៈត្រូវធ្វើផែនការ និងការពិនិត្យតាមដាន វាយតម្លៃលទ្ធផលសិក្សាសិស្ស , ការគ្រប់គ្រងបរិស្ថានសិក្សា និងវិធីបង្រៀន។ ៣.ការសិក្សាវិជ្ជាជីវៈត្រូវស្វ័យសិក្សា និងការចូលរួមកែលម្អការបង្រៀន និង៤.សីលធម៌វិជ្ជាជីវៈត្រូវបង្ហាញពីការយកចិត្តទុកដាក់ និងថែរក្សាសិស្ស ហើយជានិច្ចកាលធ្វើការដើម្បីប្រយោជន៍សិស្ស និងសង្គម , បង្ហាញពីការប្ដេជ្ញាចិត្ត និងចូលរួមចំណែកក្នុងវិជ្ជាជីវៈគ្រូបង្រៀនប្រកបដោយស្មារតីទទួលខុសត្រូវខ្ពស់ , បង្ហាញអាកប្បកិរិយាវិជ្ជមានជាគំរូប្រកបដោយសីលធម៌ និងមានទំនាក់ទំនងដោយសុខដុមជាមួយសិស្ស និងសហគមន៍ , ប្រើប្រាស់ភាពយុត្តិធម៌ និងតម្លាភាព ក្នុងការប្រព្រឹត្តជាមួយសិស្ស សហសេវិក និងសមាជិកផ្សេងៗ របស់សហគមន៍។
លោកបានបន្តថា ការប្រតិបត្តិតាមស្តង់ដារវិជ្ជាជីវៈគ្រូបង្រៀន អាចលើកស្ទួយការបង្រៀន និងរៀនរបស់គ្រូបង្រៀន សម្រាប់ជួយសម្រួលការសិក្សារបស់សិស្សឱ្យទទួលបានលទ្ធផលសិក្សាដែលមានកម្រិតសមស្របអាចទទួលយកបានបើប្រៀបធៀបទៅនឹងស្តង់ដារកម្មវិធីសិក្សា។ កែលំអការបង្រៀន និងរៀន , ផ្តល់ចក្ខុវិស័យសម្រាប់បណ្តុះបណ្តាល និងវិក្រឹតការគ្រូបង្រៀន , កែលំអកម្មវិធីបណ្តុះបណ្តាល និងវិក្រឹតការគ្រូបង្រៀន , រៀបចំផែនការអភិវឌ្ឍន៍សាលារៀន , ធ្វើឱ្យគ្រូបង្រៀនមានលទ្ធភាព និងមានឱកាសជាច្រើនក្នុងការស្វែងរកសេវាការងារធ្វើទាំងក្នុងស្ថាប័នរដ្ឋ និងស្ថាប័នឯកជន , បង្កើនសមត្ថភាពវិជ្ជាជីវៈគ្រូបង្រៀនឱ្យប្រហាក់ប្រហែលប្រទេសក្នុងតំបន់ , និងផ្តល់ជាមូលដ្ឋានគ្រឹះដើម្បីដំឡើងឋានន្តរសក្តិ។
លោក ប៉ុក ប៉ាន់ បានណែនាំដល់គ្រូបច្ចេកទេស ត្រូវប្រកាន់ខ្ជាប់នូវក្រមសីលធម៌គ្រូបង្រៀនដូចជា ការគោរពពេលវេលា សម្លៀកបំពាក់សមរម្យ អាកប្បកិរិយាសមរម្យ យុត្តិធម៌ មិនលំអៀង វិធីសាស្ត្រល្អក្នុងការបង្រៀន ចំណេះដឹង និងបទពិសោធទូលំទូលាយ មនសិការក្នុងការងារ មិនប្រព្រឹត្តអំពើអបាយមុខ និងជាគំរូល្អចំពោះមហាជន។ លើសពីនេះ គ្រូបណ្ដុះបណ្ដាល ក៏ត្រូវមានតួនាទីមួយចំនួន ដូចជា អ្នកច្នៃបង្កើតថ្មី , អ្នកផ្តល់ប្រឹក្សា , អ្នកសហគ្រិនភាព , អ្នកលើកទឹកចិត្ត , អ្នកផ្តល់ពន្លឺនិង កាតាលីករ។ ក្រៅពីនេះ គ្រូបច្ចេកទេស ក៏ត្រូវបុរេសកម្ម និងកសាងសមត្ថភាពជាប្រចាំ ទាំងចំណេះដឹង និងបទពិសោធជាក់ស្តែងជាមួយវិស័យឧស្សាហកម្ម ក៏ដូចជាការលូតលាស់ នៃបច្ចេកវិទ្យាថ្មីៗ ក្នុងសកលលោកផងដែរ។
នៅក្នុងឱកាសនោះដែរ លោក ប៉ុក ប៉ាន់ បានស្នើឱ្យគ្រប់ភាគីពាក់ព័ន្ធចូលរួមផ្សព្វផ្សាយ ជំរុញលើកទឹកចិត្តដល់សិស្ស និស្សិត យុវជន មាតាបិតា អាណាព្យាបាល កម្មករ-និយោជិត និយោជក និងផ្នែកឯកជន ព្រមទាំងសាធារណជនទូទៅ ឱ្យបានយល់ដឹងកាន់តែច្បាស់ និងទូលំទូលាយអំពីសារៈសំខាន់ នៃការអប់រំបណ្តុះបណ្តាលបច្ចេកទេស និងវិជ្ជាជីវៈ។ គ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈទាំងអស់ បន្តរួមសហការជាមួយអគ្គនាយកដ្ឋាន TVET , វិស័យឯកជន យកចិត្តទុកដាក់ចំពោះបេសកកម្មបណ្តុះបណ្តាល ១,៥ លាននាក់ ពិសេសវិន័យការគ្រប់គ្រងថ្នាក់សិក្សា គ្រូបច្ចេកទេស តាមដាន និងវាយតម្លៃគុណភាពសិក្សាវគ្គវិក្រឹតការនេះ ជំរុញបង្កើនសមត្ថភាពគ្រូបច្ចេកទេស កសាង និងបន្តកែលម្អហេដ្ឋារចនាសម្ព័ន្ធរូបវន្តរបស់គ្រឹះស្ថានសិក្សា បំពាក់ឧបករណ៍ បរិក្ខារ និងសម្ភារបណ្ដុះបណ្ដាល។
ទន្ទឹមនឹងនេះ សូមគ្រប់ភាគីពាក់ព័ន្ធទាំងអស់ ជំរុញកូនចៅ ឬយុវជន ឱ្យមកចុះឈ្មោះចូលរៀនក្នុងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស នៅតាមគ្រឹះស្ថានបណ្ដុះបណ្ដាលបច្ចេកទេស និងវិជ្ជាជីវៈ ដែលនៅជិតលំនៅឋានដែលខ្លួនកំពុងរស់នៅ ដើម្បីចាប់យកជំនាញវិជ្ជាជីវៈសម្រាប់អនាគតរបស់ពួកគេ ពិសេសដៃគូអភិវឌ្ឍន៍ និងវិស័យឯកជន បន្តជួយគាំទ្រ ដោយពង្រឹងភាពជាដៃគូ រវាងរដ្ឋ និងឯកជន និងកៀរគរធនធានពីគ្រប់ភាគីពាក់ព័ន្ធឱ្យចូលរួមក្នុងការអភិវឌ្ឍ និងធានានិរន្តរភាព នៃប្រព័ន្ធអប់រំបណ្ដុះបណ្ដាលបច្ចេកទេស និងវិជ្ជាជីវៈ និងផ្ដល់ឱកាសដល់សិក្ខាកាម សិស្ស និស្សិត បានហាត់ការមុននឹងឈានចូលទីផ្សារការងារ និងចូលរួមផ្ដល់ក្នុងការកែលម្អកម្មវិធីបណ្ដុះបណ្ដាលរបស់គ្រឹះស្ថាន ឱ្យឆ្លើយតបនឹងទីផ្សារការងារ៕
អត្ថបទ ៖ សំអឿន
មន្ត្រីជាន់ខ្ពស់ ណែនាំអនុវត្តតាមស្តង់ដារវិជ្ជាជីវៈ ដើម្បីឱ្យគ្រូបច្ចេកទេសមាន គុណភាព ប្រសិទ្ធភាព និងប្រសិទ្ធផល
អ្នកជំនាញលើកទឹកចិត្តឱ្យវិនិយោគិនដាក់ទុនលើវិស័យចម្រុះ កុំពឹងផ្អែកតែវិស័យមួយ
ប្រេងចំណីសត្វរាប់ពាន់តោននៅ វៀតណាម កំពុងចែកចាយដោយសម្ងាត់ ជាអាហារឲ្យមនុស្សទទួលទាន
ជើងខ្លាំងវ័យក្មេង ពេជ្រ សឹង្ហៈ ដាក់គោលដៅប្រឡូកនៅក្រៅប្រទេស និងប្រឹងឲ្យបានតម្លៃខ្លួនខ្ពស់
រដ្ឋមន្ត្រីការពារជាតិអ៊ីរ៉ង់ ទៅដល់ ចិន ក្រោយមានបទឈប់បាញ់ក្នុងសង្គ្រាមជាមួយ អ៊ីស្រាអែល
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
មេទ័ពជើងទឹកអាមេរិក បារម្ភខ្លាំង ក្រោយបាញ់មីស៊ីលតម្លៃ៣៦លានដុល្លារ អស់ច្រើនគ្រាប់ពេក ដើម្បីការពារអ៊ីស្រាអែល
បិទបើកព្រំដែន៖ រដ្ឋមន្ត្រីមហាផ្ទៃកម្ពុជា សួរថៃ ថា ខ្លាចអន់ ឬក៏ច្រឡំថាជាតិសាសន៍គេល្ងង់ជាងខ្លួន?
ដូណាល់ ត្រាំ ក្តៅក្រហាយខ្លាំង ពេលអ៊ីរ៉ង់និងអ៊ីស្រាអែល បំពានបទឈប់បាញ់ដែលលោកប្រកាស
កីឡាករ អ៊ុំ ចំរើន មិននឹកស្មានថាមានថ្ងៃនេះ ខណៈអ្វីដែលខំប្រឹងជាង ១០ឆ្នាំបានសម្រេចហើយ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
ព័ត៌មានអន្ដរជាតិ១៧ ម៉ោង agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម១ សប្តាហ៍ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ៧ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ៣ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៣ ថ្ងៃ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
ព័ត៌មានអន្ដរជាតិ១ សប្តាហ៍ agoក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
-
ព័ត៌មានជាតិ២ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត