ស្រ្តីលួចលាក់ជាមួយមេខ្លួនឯងកំពុងផ្ទុះល្បី មានប្រវត្តិគ្រួសារជាអ្នកមានអំណាច នៅ អាមេរិក

ព័ត៌មានដែល Kristin Cabot នាយក HR នៃក្រុមហ៊ុន Software Astronomer ត្រូវបានគេចាប់បានថា មានទំនាក់ទំនងស្និទ្ធស្នាលជាមួយនាយកប្រតិបត្តិលោក Andy Byron ដែលជាសហសេវិករបស់ក្រុមហ៊ុនដូចគ្នានៅពេលដែលពួកគេបានទៅមើលការប្រគំតន្ត្រី Coldplay បានក្លាយជាប្រធានបទដ៏ក្តៅគគុកនៅលើវេទិកានានាកាលពីប៉ុន្មានថ្ងៃមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា កាលពីពេលថ្មីៗ​នេះ​ព័ត៌មាន​ជាច្រើន​ទាក់ទង​នឹង​ជីវិត​ឯកជន​របស់​នារី​ម្នាក់​នេះ​បន្ត​ក្លាយជា​ចំណុច​ចាប់អារម្មណ៍។ យោងតាម NY Post នាង Kristin ត្រូវគេនិយាយថា បានរៀបការជាមួយលោក Andrew Cabot ដែលជានាយកប្រតិបត្តិនៃ Privateer Rum និងមានមូលដ្ឋាននៅរដ្ឋ Massachusetts ចាប់តាំងពីឆ្នាំ ២០២៣។

គេដឹងថា កាលពីខែកុម្ភៈ ឆ្នាំនេះ គូស្នេហ៍មួយគូនេះ បានទិញអាផាតមិនមួយ ដែលមានទីតាំងនៅជិតឆ្នេរសមុទ្រ អាត្លង់ទិក ក្នុងតម្លៃ ២.២ លានដុល្លារ។ ផ្ទះមាន ២ ជាន់ បន្ទប់គេង ២។

យោងតាមការស្រាវជ្រាវ Andrew Cabot គឺជាកូនចៅជំនាន់ទី ៦ នៃគ្រួសារ Cabot ដែលជាគ្រួសារចាស់ជាងគេ និងមានជាងគេបំផុតនៅអាមេរិក។ នៅក្នុងអត្ថបទមួយរបស់ New York Times ឆ្នាំ១៩៧២ ទ្រព្យសម្បត្តិរបស់គ្រួសារ Cabot ត្រូវបានគេប៉ាន់ប្រមាណថា មានប្រហែល២០០លានដុល្លារ ដែលស្មើនឹង ១៥.៤ពាន់លានដុល្លារ ក្នុងតម្លៃនាពេលបច្ចុប្បន្ននេះ។

គ្រួសារ Cabot ត្រូវបានគេស្គាល់ថា ជាគ្រួសារមួយក្នុងចំណោមគ្រួសារនៃវណ្ណៈ Boston Brahmin ដែលជាក្រុមអភិជន អ្នកមានអំណាច និងយូរអង្វែងដែលគ្រប់គ្រងលើប្រទេស New England អស់ជាច្រើនសតវត្សមកហើយ។

យោងតាមកំណត់ត្រាពីមុន Cabots ផលិតកាបូនខ្មៅដែលជាធាតុផ្សំសំខាន់នៅក្នុងឧស្សាហកម្មសំបកកង់ ហើយត្រូវបានចូលរួមនៅក្នុងពាណិជ្ជកម្មតាមសមុទ្រនៅសតវត្សទី ១៩ រួមទាំងពាណិជ្ជកម្មទាសករ និងអាភៀន។ លើសពីនេះ គ្រួសារ Cabot មានប្រពៃណីក្នុងការរួមចំណែកដល់ស្ថាប័នអប់រំឈានមុខគេ ដូចជាសាកលវិទ្យាល័យ Harvard, MIT, Norwich University និង Perkins School for the Blind។

មុនពេលជួបជាមួយលោក Andrew Cabot នៅក្នុងកំណត់ត្រារបស់តុលាការរដ្ឋ Massachusetts Kristin បានដាក់ពាក្យសុំលែងលះពីស្វាមីមុនរបស់គាត់គឺលោក Kenneth Thornby នៅក្នុងឆ្នាំ២០១៨ ។ ប្តីប្រពន្ធនេះបាន បានទៅផ្លូវបំបែកជាផ្លូវការនៅឆ្នាំ ២០២២ ។

Kristin ធ្លាប់​លេច​មុខ​ជា​ស្ត្រី​ដែល​មាន​សមត្ថភាព​ម្នាក់​មើល​ការ​ខុស​ត្រូវ​គ្រប់​យ៉ាង​នៅ​ផ្ទះ និង​ជា​ទីប្រឹក្សា​ក្រុមហ៊ុន​ប្តី​នាង។ ក្រោយ​ពី​ចំណង​ស្នេហ៍​ត្រូវ​បាន​លាតត្រដាង ឈ្មោះ​ស្ត្រី​រូប​នេះ​ត្រូវ​បាន​លុប​ចេញ​ពី​គេហទំព័រ​ក្រុមហ៊ុន​គ្រួសារ។ចំណែក​លោក Andrew Cabot វិញ លោក​នៅ​តែ​ទៅ​ធ្វើ​ការ​ដូច​ធម្មតា ហើយ​មិន​បាន​បញ្ជាក់​អ្វី​ពី​រឿង​អាស្រូវ​របស់​ភរិយា​លោក​ឡើយ។ ភាពស្ងៀមស្ងាត់នេះត្រូវបានចាត់ទុកថាពោរពេញដោយទម្ងន់ និងឆ្លាតវៃដើម្បីចៀសវាងវិបត្តិប្រព័ន្ធផ្សព្វផ្សាយ។ ចំពោះ Andy Byron ដែលជា “បុរសនាំមុខ” ក្នុងរឿងអាស្រូវនោះ ថ្មីៗនេះគាត់បានលាលែងពីក្រុមហ៊ុនហើយ៕

អត្ថបទ៖ សាង ស្រីល័ក្ខ

ចុចអាន៖CEO ដែលធ្លាយឃ្លិបឱប​បុគ្គលិក​ខ្លួនឯង តាមពិតមានទ្រព្យសម្បតិ្តរាប់លានដុល្លារ