សន្តិសុខសង្គម

ស្ត្រីម្នាក់ ជិះម៉ូតូពីខេត្តព្រៃវែងមកលោតទឹកសម្លាប់ខ្លួនលើស្ពានជ្រោយចង្វារ ដោយមិនទាន់ដឹងមូលហេតុ

បានផុស

១២ ខែ មុន

នៅ

ថ្ងៃអង្គារ ២២ កក្កដា ២០២៥

ដោយ

អ៊ិន ពិសី

ស្ត្រីវ័យ ៣០ ឆ្នាំ ម្នាក់ ជិះម៉ូតូពីខេត្តព្រៃវែង មកលោតទឹកសម្លាប់ខ្លួនលើស្ពានជ្រោយចង្វារ ដោយមិនទាន់ដឹងមូលហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ០៩ និង ២០ នាទីព្រឹក ថ្ងៃទី ២២ ខែកក្កដា ឆ្នាំ ២០២៥ ស្ថិតនៅចំណុចស្ពានមិត្តភាពកម្ពុជា-ចិន សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

តាមប្រភពពីសាច់ញាតិស្ត្រីរងគ្រោះ បានឲ្យដឹងថា មុនទទួលដំណឹងថាជនរងគ្រោះបានលោតទឹកបញ្ចប់ជីវិតខ្លួន ដោយកាលពីព្រឹកព្រលឹម ប្អូនស្រី(ជនរងគ្រោះ) បានសុំខ្ចីម៉ូតូរបស់ខ្លួន ដើម្បីទៅផ្សារទិញម្ហូប រួចក៏បាត់អស់ជាច្រើនម៉ោង ប៉ុន្តែគ្រាន់តែគិតថា ស្ត្រីរងគ្រោះកំពុងរវល់អ្វីមួយនៅផ្សារ។

ប្រភពដដែលបន្តថា រហូតមកដល់វេលាម៉ោង ០៩ និង ៣០ នាទីព្រឹក ក៏ស្រាប់តែមានសមត្ថកិច្ចប៉ុស្តិ៍នគរបាលរដ្ឋបាលជ្រោយចង្វារធ្វើការទំនាក់ទំនងតាមទូរស័ព្ទ ប្រាប់ថា ប្អូនស្រីរបស់ខ្លួនបានលោតទឹកបញ្ចប់ជីវិតបាត់ទៅហើយ ដោយបន្សល់កាបូបយួរដៃ , ទូរស័ព្ទ ០១ គ្រឿង , ម៉ូតូ ០១ គ្រឿង , ស្បែកជើង ០១ គូ រួមនឹងឯកសារមួយចំនួន នៅលើស្ពានមិត្តភាពកម្ពុជា-ចិន។ ភ្លាមៗ គាត់ប្រញាប់ទំនាក់ទំនងទៅកាន់បងប្អូនដែលរស់នៅភ្នំពេញ ដើម្បីមកមើល និងបញ្ជាក់ប្រាប់ទៅកាន់សមត្ថកិច្ចថា ពិតជារបស់ប្អូនស្រីរងគ្រោះពិតប្រាកដមែន។