ព័ត៌មានអន្ដរជាតិ

បុរសចិនម្នាក់ អាចរស់បាន៥ថ្ងៃក្នុងរូងភ្នំក្រោមទឹក ដោយអព្ភូតហេតុចម្លែកមួយ

បានផុស

១១ ខែ មុន

នៅ

ថ្ងៃអង្គារ ២៩ កក្កដា ២០២៥

ដោយ

បុរសម្នាក់នៅខេត្តហ៊ូណាន ត្រូវបានគេរកឃើញនៅរស់ដោយអព្ភូតហេតុ បន្ទាប់ពីជាប់ក្នុងរូងក្រោមទឹក៥ថ្ងៃក្នុងជម្រៅ ៩ ម៉ែត្រ។ បើតាមសាចញាតិ ជាអ្នកមុជទឹកស្ម័គ្រចិត្ត គាត់បានបាត់ខ្លួនតាំងពីថ្ងៃទី ១៩ ខែកក្កដា ខណៈកំពុងមុជទឹកក្នុងទន្លេមួយក្នុងតំបន់។ បន្ទាប់មកកម្លាំងសង្គ្រោះមូលដ្ឋានបានចូលរួមក្នុងការស្វែងរកភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីកិច្ចខិតខំប្រឹងប្រែងជាច្រើនថ្ងៃ ក្រុមអ្នកជួយសង្គ្រោះបានរកឃើញលោក នៅក្នុងរូងក្រោមដីដែលមានជម្រៅជាង ៩ ម៉ែត្រ។ ក្នុងល្អាងនេះ ជនរងគ្រោះបានរកឃើញរូងមួយមានខ្យល់ ហើយបានមកជ្រកនៅទីនេះរយៈពេល ៥ ថ្ងៃ។លើសពីនេះ គាត់ក៏ចាប់បានត្រីជាច្រើនសម្រាប់ធ្វើជាអាហារក្នុងពេលដែលគាត់ជាប់គាំង។

បើតាមប្រធានក្រុមជួយសង្គ្រោះ ជនរងគ្រោះមិនដឹងថាគាត់បានចូលក្នុងរូងភ្នំប៉ុន្មានថ្ងៃទាំងយប់នោះទេ។ នៅពេថលដែលអុកស៊ីសែននៅក្នុងធុងនៅសល់តែ ៤% គាត់បានប្រថុយជីវិតរបស់គាត់ ក្នុងការហែលចេញដោយគ្រវីពិល ដើម្បីសុំជំនួយ ហើយត្រូវបានក្រុមជួយសង្គ្រោះរកឃើញដោយសំណាងល្អ។

ពេលបានជួយសង្គ្រោះ បុរសចិននោះគាត់មានសុខភាពមាំមួន និងមានស្មារតីភ្លឺស្វាង។ មនុស្សជាច្រើនចាត់ទុកថានេះជាអព្ភូតហេតុ ប្រហែលជាដោយសារតែគាត់ជាអ្នកមុជទឹក ឆន្ទៈក្នុងការរស់រានមានជីវិតរបស់ជនរងគ្រោះ ពិតជាខ្លាំង ជួយគាត់ឲ្យយកឈ្នះលើគ្រោះថ្នាក់ដែលកំពុងតែកើតឡើងនៅចំពោះមុខ។

យ៉ាងណាមិញ ករណីនេះរំឭកមនុស្សជាច្រើនអំពីរឿងរ៉ាវរបស់សមាជិកពីរនាក់នៃក្រុមបេសកកម្មវិទ្យាសាស្ត្រដែលបាត់ទំនាក់ទំនងអស់រយៈពេលបីថ្ងៃក្នុងខែកុម្ភៈឆ្នាំនេះនៅទីក្រុង Baise ខេត្ត Guangxi ប្រទេសចិន។ អ្នកទាំងពីរក៏បានរកឃើញបន្ទប់មួយដែលមានខ្យល់សម្រាប់ដកដង្ហើម ហើយបន្ទាប់មកត្រូវបានគេជួយសង្គ្រោះដោយជោគជ័យបន្ទាប់ពីបាត់ខ្លួនអស់រយៈពេល ៦៩ ម៉ោង៕