ចរាចរណ៍

ធ្វើដំណើរល្មើសបម្រាមគោចរបុកចូលផ្ទះប្រជាពលរដ្ឋរងរបួសពីរនាក់

បានផុស

៥ years មុន

នៅ

ថ្ងៃអង្គារ ៦ មេសា ២០២១

ដោយ

បុរសពីរនាក់រួមជាមួយគ្នាដោយរថយន្ដកាមរីមួយគ្រឿងបើកបរក្នុងល្បឿនលឿនជ្រុលចង្កូតទៅបុករបងផ្ទះប្រជាពលរដ្ឋពេញទំហឹង បណ្តាលឲ្យរងការខូចខាតយ៉ាងដំណំ ចំណែករថយន្តរងការខូចខាតផ្នែកខាងមុខស្ទើរទាំងស្រុង និងរងរបួសធ្ងន់ម្នាក់និងម្នាក់ទៀតរងរបួសស្រាល។

ហេតុការណ៍នេះកើតឡើងកាលពីវេលាម៉ោង១២និង៣០នាទីរំលងអាធ្រាត្រ ឈានចូលថ្ងៃទី៦ ខែមេសា ឆ្នាំ២០២១ នៅចំណុចស្ពានលេខ២ ផ្លូវជាតិលេខ៦A ស្ថិតនៅក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វាររាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តកាមរីពណ៌ស្ករមួយគ្រឿង ពាក់ស្លាកលេខភ្នំពេញ2BC-0957បើកបរដោយបុរសម្នាក់ និងរួមដំណើរជាមួយបុរសម្នាក់ទៀត ធ្វើដំណើរទិសដៅពីជើងទៅត្បូងចូលរាជធានីភ្នំពេញ ក្នុងល្បឿនលឿន។ លុះមកដល់ចំណុចកើតហេតុ ក៏រេចង្កូតមកខាងស្ដាំដៃជ្រុលទៅបុករបងផ្ទះប្រជាពលរដ្ឋពេញទំហឹងបណ្តាលឲ្យរបងផ្ទះរងការខូចខាតយ៉ាងដំណំ។ ចំណែករថយន្តខ្ទាតមកកណ្តាលផ្លូវរងការខូចខាតផ្នែកខាងមុខស្ទើរទាំងស្រុង និងរងរបួសធ្ងន់ម្នាក់ស្រាលម្នាក់ ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ។

ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុ និងបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំដោះស្រាយគ្នានៅពេលក្រោយ។

អត្ថបទ ៖ សុខា

Related Topics:គ្រោះថ្នាក់ចរាចរណ៍ខណ្ឌជ្រោយចង្វា

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា