ព័ត៌មានអន្ដរជាតិ

តៃវ៉ាន់គ្រោងជំរុញគម្រោង AI ដើម្បីជំរុញសេដ្ឋកិច្ច ជាង ៥០០ ប៊ីលានដុល្លារ

បានផុស

១២ ខែ មុន

នៅ

ថ្ងៃព្រហស្បតិ៍ ២៤ កក្កដា ២០២៥

ដោយ

តៃវ៉ាន់គ្រោងនឹងចាប់ផ្តើមគំនិតផ្តួចផ្តើម «គម្រោងហេដ្ឋារចនាសម្ព័ន្ធបញ្ញាសិប្បនិម្មិត (AI) សំខាន់ៗចំនួន ១០» ដែលនឹងជួញដល់សេដ្ឋកិច្ចច្រើនជាង ៥១០ ប៊ីលានដុល្លារ ត្រឹមឆ្នាំ ២០៤០ ខណៈកោះនេះព្យាយាមក្លាយជាប្រទេសនាំមុខលើផ្នែកAI។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយករដ្ឋមន្ត្រីតៃវ៉ាន់ លោក Cho Jung-tai បាននិយាយលើហ្វេសប៊ុកកាលពីល្ងាចថ្ងៃអង្គារថា តៃវ៉ាន់មានបំណងបង្កើនវិស័យបច្ចេកវិទ្យាព័ត៌មាន និងទំនាក់ទំនង (ICT) របស់ខ្លួន និងសមត្ថភាពផលិតគ្រឿងអេឡិចត្រូនិកឈានមុខគេក្នុងពិភពលោក ដើម្បីក្លាយជាប្រទេសមានឥទ្ធិពលផ្នែក AI និងជា «កោះបច្ចេកវិទ្យាឆ្លាតវៃ»។

ក្រោមគំនិតផ្តួចផ្តើមនេះ តៃវ៉ាន់បានកំណត់យកបច្ចេកវិទ្យាស្នូលចំនួន ៣ ជាយុទ្ធសាស្ត្រអាទិភាព៖ បច្ចេកវិទ្យាស៊ីលីកុន ហ្វូតូនិច បច្ចេកវិទ្យាកង់ទិក និង AI មនុស្សយន្ត។ គំនិតផ្តួចផ្តើមដដែល មានគោលដៅបង្កើតការងារចំនួន ៥០០ ០០០ កន្លែង និងបង្កើតមន្ទីរពិសោធន៍ស្រាវជ្រាវកម្រិតអន្តរជាតិចំនួន ៣ ។

គម្រោងទាំង ១០ ក៏រួមបញ្ចូលផងដែរនូវការអភិវឌ្ឍន៍ AI ដែលមានសមត្ថភាពក្នុងការកសាង និងគ្រប់គ្រងបច្ចេកវិទ្យា AI ក្នុងស្រុក និងហេដ្ឋារចនាសម្ព័ន្ធបច្ចេកវិទ្យា និងកិច្ចខិតខំប្រឹងប្រែងដើម្បីធ្វើឱ្យមានតុល្យភាពនៃការអភិវឌ្ឍន៍ AI នៅទូទាំងតំបន់ផ្សេងៗគ្នារបស់តៃវ៉ាន់។

លើសពីនេះ រដ្ឋាភិបាលតៃវ៉ាន់ក៏អំពាវនាវឱ្យពង្រីកការវិនិយោគលើការនុវានវត្តន៍ AI ជាមួយនឹងការផ្តល់ទុនវិនិយោគជាង ៣,០៨ ប៊ីលានដុល្លារ៕