Connect with us

ព័ត៌មានអន្ដរជាតិ

យន្តហោះចម្បាំងចិន ស្ទាក់ចាប់យន្តហោះដឹកអ្នកកាសែតហ្វីលីពីន ក្នុងតំបន់ជម្លោះ

បានផុស

នៅ

យន្តហោះចម្បាំងចិនមួយគ្រឿងបានចូលមកកៀកនឹងយន្តហោះឆ្មាំឆ្នេរសមុទ្រហ្វីលីពីនដែលដឹកអ្នកកាសែតក្នុងអំឡុងពេលដើរល្បាតលើតំបន់ Scarborough Shoal ដែលមានជម្លោះជាមួយចិនកាលពីថ្ងៃពុធ ដែលបន្ថែមភាពតានតឹងរវាងប្រទេសទាំងពីរថែមទៀត។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី១៤ខែសីហា។

ទិដ្ឋភាពពីលើអាកាសនៃយន្តហោះចម្បាំងរបស់ចិន ដែលកំពុងហោះហើរជិតយន្តហោះឆ្មាំសមុទ្រហ្វីលីពីន ដែលដឹកអ្នកសារព័ត៌មានអំឡុងពេលហោះហើរល្បាត។ (រូបភាព៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរដ្ឋាភិបាលហ្វីលីពីនយន្តហោះចម្បាំងចិនបានចូលមកជិតយន្តហោះហ្វីលីពីនក្នុងចម្ងាយប្រហែល៦១ម៉ែត្រ ដោយហោះពីក្រោយ ពីលើ និងក្បែរយន្តហោះ ខណៈដែលនាវាកងទ័ពជើងទឹកចិនខាងក្រោមបានប្រាប់យន្តហោះហ្វីលីពីនឱ្យ «ចាកចេញភ្លាមៗ» តាមវិទ្យុ។

ការប៉ះទង្គិចគ្នាដ៏តានតឹងនេះមានរយៈពេល ២០ នាទី ហើយបានកើតឡើងតែប៉ុន្មានថ្ងៃបន្ទាប់ពីនាវាចិនពីរគ្រឿងបានបុកគ្នាខណៈពេលដែលកំពុងព្យាយាមបញ្ឈប់នាវាបេសកកម្មហ្វីលីពីនដែលផ្តល់ការផ្គត់ផ្គង់ដល់អ្នកនេសាទក្នុងតំបន់។ សហរដ្ឋអាមេរិកបានហៅសកម្មភាពរបស់ចិនថា «មិនប្រុងប្រយ័ត្ន» ហើយនាវាចម្បាំងអាមេរិកពីរគ្រឿងត្រូវបានគេឃើញនៅក្បែរនោះនៅថ្ងៃតែមួយផងដែរ។

គួរបញ្ជាក់ថាតំបន់ Scarborough Shoal មានចម្ងាយត្រឹមតែ ២០០ គីឡូម៉ែត្រពីប្រទេសហ្វីលីពីនប៉ុណ្ណោះ ហើយស្ថិតនៅក្នុងតំបន់សេដ្ឋកិច្ចប្រទេសនេះ ប៉ុន្តែប្រទេសចិនបានអះអាងថាវាជាផ្នែកមួយនៃទឹកដីរបស់ខ្លួន ទោះបីតុលាការអន្តរជាតិបានច្រានចោលការអះអាងនេះកាលពីឆ្នាំ ២០១៦ក៏ដោយ៕

នាវាឆ្មាំឆ្នេរសមុទ្រចិនដែលកំពុងធ្វើនាវាចរណ៍នៅជិតតំបន់ជម្លោះ Scarborough Shoal។ (រូបភាព៖ Reuters)

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម