ជីវិតកម្សាន្ដ
តារាសម្ដែង Jet Li ចូលសម្រាកក្នុងមន្ទីរពេទ្យទាំងសភាពស្លេកស្លាំង ដោយមិនដឹងមូលហេតុ
កាលពីថ្ងៃទី ១៧ ខែសីហា តារាសម្តែង Jet Li បានធ្វើឲ្យអ្នកគាំទ្រមានការព្រួយបារម្ភ នៅពេលដែលគាត់បានបង្ហោះរូបថតខ្លួនឯងដេកនៅលើគ្រែមន្ទីរពេទ្យ ជាមួយនឹងទឹកមុខស្លេកស្លាំង។ នៅលើទំព័រផ្ទាល់ខ្លួន តារាប្រុសបានសរសេរថា កាលពីពេលថ្មីៗនេះ ខ្លួនបានឆ្លងកាត់ទុក្ខលំបាកមិនធម្មតាមួយផ្សេងទៀត ធ្វើឲ្យទស្សនិកជនមានអារម្មណ៍ខូចចិត្ត។
យ៉ាងណា រូបថតមួយសន្លឹកនេះបានធ្វើឲ្យមានការចាប់អារម្មណ៍យ៉ាងខ្លាំង ដោយមានមនុស្សជាច្រើនព្រួយបារម្ភថា សុខភាពរបស់តារារូបនេះកាន់តែយ៉ាប់ខ្លាំង។
ក្នុងកំឡុងពេលអាជីពរបស់គាត់ Jet Li បានប្រឈមមុខនឹងផលវិបាកជាច្រើនកាលនៅជាយុវវ័យ នៅពេលដែលគាត់បានហាត់ក្បាច់គុន និងសម្តែងក្នុងខ្សែភាពយន្តបែបសកម្មភាព។ ក្នុងឆ្នាំ ២០១០ គាត់បានប្រកាសជាសាធារណៈថាគាត់មានជំងឺក្រពេញទីរ៉ូអ៊ីត ដែលជាជំងឺដែលបណ្តាលឲ្យបេះដូងលោតញាប់ ញ័រដៃ ស្រកទម្ងន់ និងភ្នែកប៉ោង។ វេជ្ជបណ្ឌិតតម្រូវឲ្យគាត់លេបថ្នាំក្នុងរយៈពេលយូរ ដែលនាំឲ្យមានផលរំខានជាច្រើន ។
ក្នុងរយៈពេលប៉ុន្មានឆ្នាំចុងក្រោយនេះ តារាសម្ដែងវ័យ៦២ឆ្នាំ កម្របានបង្ហាញខ្លួននៅលើកញ្ចក់ទូរទស្សន៍ ជំនួសមកវិញដោយចំណាយពេលលើការងារសប្បុរសធម៌ និងសិក្សាពុទ្ធសាសនាទីបេ។ ក្រោយមក ក្នុងឆ្នាំ ២០២៤ Jet Li បានទាក់ទាញការចាប់អារម្មណ៍នៅពេលដែលគាត់បានត្រលប់មកវិញជាមួយនឹងខ្សែភាពយន្ត «Legend of the Phoenix» ដោយសហការជាមួយ Wu Jing និង Nicholas Tse ។ ការងារនេះត្រូវបានគេរំពឹងថានឹងសម្គាល់ចំណុចរបត់ថ្មីមួយក្នុងអាជីពរបស់គាត់ ប៉ុន្តែត្រូវផ្អាកដោយសារតែរឿងអាស្រូវពាក់ព័ន្ធនឹងតួស្រីក្នុងក្រុមផលិតភាពយន្ត។
គួរជម្រាបជូនថា តារាចិនក្បាច់គុន កើតនៅឆ្នាំ ១៩៦៣ ក្នុងទីក្រុងប៉េកាំង លោក Jet Li បានហាត់កីឡា wushu តាំងពីអាយុ ៨ ឆ្នាំ ហើយត្រូវបានគេដាក់ឈ្មោះថា ក្បាច់គុណដ៏ប្រណិត បន្ទាប់ពីឈ្នះជើងឯកថ្នាក់ជាតិជាបន្តបន្ទាប់។ គាត់បានចូលប្រឡូកក្នុងវិស័យភាពយន្តក្នុងឆ្នាំ ១៩៨២ ជាមួយប្រាសាទ Shaolin បន្ទាប់មកទទួលបានភាពល្បីល្បាញជាអន្តរជាតិតាមរយៈស្នាដៃ Wong Fei Hung, Hero, Huo Yuanjia, Dragon Gate Flying Sword។ ក្នុងឆ្នាំ ២០១៧ គាត់ក៏បានបង្កើតក្បាច់គុន Gong Shou Dao ដែលត្រូវបានបង្កើតឡើងពី តៃជីឈួន៕
អត្ថបទ៖ សាង ស្រីល័ក្ខ
ចុចអាន៖Zhao Lusi បើកចំហពីភាពងងឹត និងការធ្វើបាប នៅពីក្រោយកិត្តិនាមដ៏ល្បីល្បាញសព្វថ្ងៃ
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%