ព័ត៌មានអន្ដរជាតិ
អូស្ត្រាលីបណ្ដេញឯកអគ្គរដ្ឋទូតអ៊ីរ៉ង់ ជុំវិញគម្រោងភេរវកម្មលើទឹកដីខ្លួន
នៅក្នុងចំណាត់ការដែលមិនធ្លាប់មានពីមុនមក អូស្ត្រាលីកំពុងបណ្តេញឯកអគ្គរដ្ឋទូតអ៊ីរ៉ង់ និងបុគ្គលិកការទូតជាច្រើននាក់ បន្ទាប់ពីទីភ្នាក់ងារស៊ើបការណ៍សម្ងាត់របស់ខ្លួន ASIO បានរកឃើញថា អ៊ីរ៉ង់ជាអ្នកនៅពីក្រោយការវាយប្រហារលើជនជាតិជ្វីហ្វយ៉ាងតិចពីរករណីនៅលើទឹកដីអូស្ត្រាលី។
នាយករដ្ឋមន្ត្រីអូស្ត្រាលី Anthony Albanese បានប្រកាសការសម្រេចចិត្តនេះ ដោយបញ្ជាក់ថា កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានរៀបចំការវាយប្រហារលើភោជនីយដ្ឋានដែលគ្រប់គ្រងដោយជនជាតិជ្វីហ្វនៅទីក្រុងស៊ីដនី និងសាលប្រជុំនៅទីក្រុងមែលប៊នកាលពីឆ្នាំមុន។ លោកបានថ្កោលទោសទង្វើទាំងនេះថាជាអំពើឈ្លានពាន និងគ្រោះថ្នាក់ដែលរៀបចំដោយបរទេស។
ឯកអគ្គរដ្ឋទូតអ៊ីរ៉ង់ត្រូវបានទុកពេល៧ថ្ងៃដើម្បីចាកចេញពីប្រទេសអូស្ត្រាលី។ នេះជាលើកដំបូងចាប់តាំងពីសង្គ្រាមលោកលើកទី២ ដែលអូស្ត្រាលីបានបណ្ដេញឯកអគ្គរដ្ឋទូតបរទេសចេញ។ បន្ថែមពីនេះ អូស្ត្រាលីនឹងដាក់អង្គភាព IRGC របស់អ៊ីរ៉ង់ជាផ្លូវការចូលទៅក្នុងបញ្ជីអង្គការភេរវករ។
អូស្ត្រាលីបានផ្អាកប្រតិបត្តិការនៅស្ថានទូតរបស់ខ្លួនក្នុងទីក្រុងតេហេរ៉ង់ ដោយសារហេតុផលសុវត្ថិភាព និងបានជំរុញឲ្យពលរដ្ឋអូស្ត្រាលីទាំងអស់នៅក្នុងប្រទេសអ៊ីរ៉ង់ចាកចេញជាបន្ទាន់។
សូមជម្រាបថា ចំណាត់ការនេះ ធ្វើឡើងបន្ទាប់ពីមានការកើនឡើងយ៉ាងខ្លាំងក្នុងការវាយប្រហារប្រឆាំងនឹងជនជាតិជ្វីហ្វនៅក្នុងប្រទេសអូស្ត្រាលី ចាប់តាំងពីសង្គ្រាមអ៊ីស្រាអែលនិងក្រុមហាម៉ាសផ្ទុះឡើងកាលពីខែតុលាឆ្នាំ២០២៣៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៤ ម៉ោង agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ៣ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត