សេដ្ឋកិច្ច

តម្លៃមាសនឹងបំបែកកំណត់ត្រា ៥០០០ ដុល្លារ មួយតម្លឹង

បានផុស

១០ ខែ មុន

នៅ

ថ្ងៃសុក្រ ១២ កញ្ញា ២០២៥

ដោយ

អ្នកជំនាញនៅក្នុងវិស័យហិរញ្ញវត្ថុបានអះអាងថា តម្លៃហាងឆេងមាសនឹងស្ទុះឡើងដល់ជិត ៥០០០ ដុល្លារ ក្នុងមួយតម្លឹង ដោយសារការកាត់បន្ថយអត្រាការប្រាក់របស់ធនាគារកណ្ដាលសហរដ្ឋអាមេរិកនៅថ្ងៃទី ១៧ ខែកញ្ញា និងភាពតានតឹងភូមិសាស្ត្រនយោបាយ និងសង្គ្រាមនៅតែបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities ប្រាប់កម្ពុជាថ្មីនៅថ្ងៃទី ១២ ខែកញ្ញា នេះថា ភាពមិនច្បាស់លាស់នៃភូមិសាស្ត្រនយោបាយ និងភាពតឹងតែងនៅបណ្ដាប្រទេសមួយចំនួននៅលើពិភពលោក ឆ្លុះបញ្ចាំងអំពីអស្ថិរភាពនៃសេដ្ឋកិច្ចពិភពលោក ដូចជាសង្គ្រាមរុស្ស៊ី-អ៊ុយក្រែន, អ៊ីស្រាអែល-អ៊ីរ៉ង់ និងភាពតានតឹងរវាងអាមេរិក-វេនេស៊ុយអេឡា ខណៈបាតុកម្មនៅនេប៉ាល់ជាដើម ដែលបានជះឥទ្ធិពលដល់ស្ថិរភាពសេដ្ឋកិច្ចពិភពលោក រុញច្រានឱ្យតម្លៃមាសស្ទុះឡើង។

ម្យ៉ាងទៀត កំណើនការងារនៅអាមេរិកមិនមានការកើនឡើងនោះទេ ដែលរុញច្រានឱ្យលុយដុល្លារធ្លាក់ថ្លៃ ខណៈសេដ្ឋកិច្ចអាមេរិថយចុះ ដែលបញ្ជាក់ពីតម្លៃមាសបន្តកើនឡើង។

គិតត្រឹមម៉ោង ១២ ថ្ងៃទី ១២ ខែកញ្ញា ឆ្នាំ ២០២៥ ហាងឆេងមាសកំពុងជួញដូរនៅក្នុងតម្លៃ ៤ ៤០២ ដុល្លារ ក្នុងមួយតម្លឹង។ សម្រាប់ហាងលក់មាសនានានៅក្នុងរាជធានីភ្នំពេញ លក់ចេញក្នុងតម្លៃ ៤៣៩ ដុល្លារ ក្នុងមួយជី៕