កីឡា
រកឃើញក្រុម ៦ បានឡើងវគ្គ ១៦ ក្រុមចុងក្រោយ ជើងឯកបាល់ទះពិភពលោក
គិតត្រឹមព្រឹកថ្ងៃទី១៦ ខែកញ្ញានេះ មានក្រុមចំនួន ៦ បានកក់កៅអី ឡើងទៅវគ្គ ១៦ ក្រុមចុងក្រោយ ជើងឯកបាល់ទះពិភពលោក ឆ្នាំ ២០២៥ គឺ ប៉ូឡូញ ហូឡង់ អាមេរិក ប៊ុលហ្គារី តួកគី និង កាណាដា។
ប៉ូឡូញ បានឡើងទៅកាន់វគ្គ ១៦ ក្រុមចុងក្រោយ បន្ទាប់ពីឈ្នះ រ៉ូម៉ានី ៣-០ និង ឈ្នះ កាតា ៣-០ វគ្គសន្សំពិន្ទុក្នុងពូល B និងប្រកួតចុងក្រោយប៉ះ ហូឡង់ នៅថ្ងៃទី១៧ ខែកញ្ញា ឆ្នាំ ២០២៥។
ហូឡង់ បានឡើងទៅកាន់វគ្គ ១៦ ក្រុមចុងក្រោយ បន្ទាប់ពីឈ្នះ កាតា ៣-១ និង ឈ្នះ រ៉ូម៉ានី ៣-០ ហើយការប្រកួតចុងក្រោយជាមួយ ប៉ូឡូញ ដើម្បីកាត់សេចក្តីក្រុមណាឈរលេខ ១ ក្នុងពូល។
ក្រុមសហរដ្ឋអាមេរិក បានឡើងទៅកាន់វគ្គ ១៦ ក្រុមចុងក្រោយ បន្ទាប់ពីឈ្នះ កូឡុំប៊ី ៣-០ និងឈ្នះ ព័រទុយហ្គាល់ ៣-០ ហើយប្រកួតចុងក្រោយជាមួយ គុយបា ដើម្បីបញ្ចប់សន្សំពិន្ទុពូល D។
ប៊ុលហ្គារី បានឈ្នះ អាល្លឺម៉ង់ ៣-០ និង ឈ្នះ ស្លូវេនី ៣-២ ដើម្បីឡើងទៅកាន់វគ្គ ១៦ ក្រុមចុងក្រោយ ហើយថ្ងៃទី១៧ ខែកញ្ញា ត្រូវប្រកួតជាមួយ ឈីលី ដើម្បីបញ្ចប់ពូល E។
តួកគី បានឡើងទៅកាន់វគ្គ ១៦ ក្រុមចុងក្រោយ បន្ទាប់ពីឈ្នះ ជប៉ុន ៣-០ និង ឈ្នះ លីប៊ី ៣-១ ហើយការប្រកួតចុងក្រោយជាមួយ កាណាដា ដើម្បីបញ្ចប់ពូល G។
កាណាដា បានឈ្នះ លីប៊ី ៣-១ និងឈ្នះ ជប៉ុន ៣-០ ដើម្បីឡើងទៅកាន់វគ្គ ១៦ ក្រុមចុងក្រោយ ហើយត្រូវប្រកួតបញ្ចប់ពុល G ជាមួយ តួកគី។
ក្រុមដែលធ្លាក់រួមមាន ជប៉ុន លីប៊ី ឈីលី កូឡុំប៊ី កាតា និង រ៉ូម៉ានី៕
អត្ថបទ៖ វីរបុត្រ
Photos by Volleyball World
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ