៨ស្រុកនៅថៃ ប្រកាសអាសន្ន បន្ទាប់ពីទំនប់ចៅប្រាយ៉ា ទម្លាយទឹកខ្លាំង

ស្រុកចំនួន៨នៅក្នុង៣ខេត្តនៃប្រទេសថៃ កំពុងប្រកាសអាសន្នគ្រោះទឹកជំនន់ ស្របពេលទំនប់ ចៅប្រាយ៉ា បញ្ចេញទឹកបន្ថែមទៀត ក្នុងកម្រិតដ៏ច្រើនលើសលប់។ នេះបើតាមការផ្សាយរបស់ The Nation កាលពីថ្ងៃពុធទី១៧ខែកញ្ញាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រោះតែភ្លៀងធ្លាក់មិនឈប់និងព្យុះថ្មី២ទៀតជិតវាយប្រហារនោះ ទំនប់ចៅប្រាយ៉ាមិនអាចទ្រាំទ្របានឡើយ មានតែការរំដោះទឹកចេញជាបន្ទាន់ប៉ុណ្ណោះទើបអាច បន្ទូរបន្ថយស្ថានការណ៍បាន។

មុននេះ ទំនប់បានបង្កើនការបញ្ចេញទឹកដល់ ២ ១០០ម៉ែត្រគូបក្នុងមួយវិនាទីរួចទៅហើយ ប៉ុន្តែដោយ​សារហានិភ័យដែលជិតមកដល់ ទំនប់ក៏ត្រូវបង្ខំបញ្ចេញទឹកឡើងដល់ ២ ៥០០ម៉ែត្រគូបក្នុងមួយវិនាទី។

ច្បាស់ណាស់ វានឹងបង្កជាទឹកជំនន់ធ្ងន់ធ្ងរដល់តំបន់នៅខ្សែទឹកខាងក្រោមជាពិសេសស្រុក Sapphaya ក្នុងខេត្ត Chainat, ស្រុក In Buri, Mueang Sing Buri និង Phrom Buri ក្នុងខេត្ត Sing Buri និងស្រុក Mueang Ang Thong, Wiset Chai Chan, Pa Mok និង Chaiyo ក្នុងខេត្ត Ang Thong។

អាជ្ញាធរបានត្រៀមប្រកាសអាសន្នក្នុងតំបន់ទាំងនោះ ហើយព្រមានពលរដ្ឋឲ្យឆាប់ជម្លៀសទៅទីទួលសុវត្ថិភាព ព្រោះថា ស្ថានភាពទឹកជំនន់នេះនឹងមានទំហំធំធេងនិងធ្ងន់ធ្ងរ៕

អត្ថបទ៖ សុខ សុវណ្ណ

ចុចអាន៖ ថៃ សម្រុកទម្លាយទឹកចេញពីទំនប់ធំៗ មុនពេលព្យុះថ្មី២ ទៀតមកដល់