Connect with us

សេចក្ដីជូនដំណឹង

សាខាក្រុមហ៊ុន ថៃ សាមសុង អេឡិចត្រូនិក ប្រចាំប្រទេសកម្ពុជា ផ្ដល់ការគាំទ្រយ៉ាងមុតមាំដល់កីឡាតេក្វាន់ដូ

បានផុស

នៅ

សាខាក្រុមហ៊ុន ថៃ សាមសុង អេឡិចត្រូនិច ប្រចាំប្រទេសកម្ពុជា រីករាយជាខ្លាំងក្នុងការគាំទ្រដល់ការប្រកួតកីឡាតេក្វាន់ដូ “Korea Ambassador’s cup ២០២២ Taekwondo competition” ដែលប្រព្រឹត្តទៅនៅថ្ងៃទី១៥ ដល់ថ្ងៃទី១៦ ខែកក្កដា ឆ្នាំ២០២២ នៅមជ្ឈមណ្ឌលតេក្វាន់ដូ នាពហុកីឡាដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ក្រុមហ៊ុន សាមសុង ពិតជាមានសេចក្ដីរំភើបរីករាយជាខ្លាំង ក្នុងការចាប់ផ្តើមរួមសហការធ្វើការជាមួយនឹងស្ថានទូតកូរ៉េប្រចាំប្រទេសកម្ពុជា ដើម្បីធ្វើការផ្សព្វផ្សាយឱ្យកាន់តែទូលំទូលាយនៃ World Expo ២០៣០ នៅទីក្រុងប៊ូសាន ក្នុងប្រទេសកូរ៉េខាងត្បូង។

តំណាងរបស់ក្រុមហ៊ុនសាមសុង បានបញ្ជាក់ថា នេះជាកិត្តិយសដ៏វិសេសវិសាលរបស់សាខាក្រុមហ៊ុន ថៃ សាមសុង អេឡិចត្រូនិច ប្រចាំប្រទេសកម្ពុជា ដែលបានរួមចំណែកក្នុងការរៀបចំការប្រកួតជើងឯកតេក្វាន់ដូដ៏រំភើបអស្ចារ្យមួយនេះ។ សូមជម្រាបផងដែរថា វប្បធម៌កូរ៉េចំរុះជាច្រើន(K-culture) ដែលរួមមាន អាហារ តន្ត្រី ភាពយន្ត និងកីឡា បានផ្តល់ជូនដល់យុវជនកម្ពុជានូវការកម្សាន្តសប្បាយៗជាច្រើន។ យើងសង្ឃឹមថា សាមសុងនឹងខិតខំពាំនាំយកសកម្មភាពដ៏រំភើបអស្ចារ្យបែបនេះបន្ថែមទៀតមកជូនដល់យុវជនកម្ពុជា។

ការឧបត្ថម្ភគាំទ្រដល់វប្បធម៌កូរ៉េចំរុះ(K-culture) ទាំងនេះក៏ជាសកម្មភាពមួយក្នុងចំណោមសកម្មភាពផ្សេងៗជាច្រើនទៀតដែលក្រុមហ៊ុន សាមសុងកម្ពុជា ក៏ដូចជាក្រុមហ៊ុនសាមសុងនៅទូទាំងពិភពលោកបានបង្កើតឡើងដើម្បីគាំទ្រដល់ព្រឹត្តិការណ៍ World Expo ២០៣០ នៅទីក្រុងប៊ូសាននៃប្រទេសកូរ៉េ។

ក្រុមហ៊ុន សាមសុង ដែលមានទីតាំងនៅគ្រប់ប្រទេសទាំងអស់ទូទាំងពិភពលោកបាននឹងកំពុងខិតខំផ្សព្វផ្សាយជំរុញទីក្រុងប៊ូសាន ដើម្បីទទួលបានជាការជ្រើសរើសជាទីតាំងសម្រាប់រៀបចំពិព័រណ៍ពិភពលោក World Expo ២០៣០។  ការផ្សព្វផ្សាយពាណិជ្ជកម្ម និងកម្មវិធីជាច្រើនត្រូវបានបង្កើតឡើងគ្រប់ទិសទីដើម្បីសម្រេចគោលដៅនេះ។

សម្រាប់ក្រុមហ៊ុន សាមសុងកម្ពុជា នឹងបន្តធ្វើការងារផ្សេងៗទៀតផងដែរ ដូចជា កម្មវិធីសប្បុរសធម៌ ការតាំងពិព័រណ៍ កិច្ចសហការក្នុងកិច្ចការសង្គម និងសកម្មភាពរបស់ K-culture ផ្សេងៗទៀតនាពេលខាងមុខ ដើម្បីគាំទ្រដល់ព្រឹត្តិការណ៍ World Expo ២០៣០ នៅទីក្រុងប៊ូសាន នៃប្រទេសកូរ៉េ។

សូមបញ្ជាក់ផងដែរថា ការរួមចំណែកលើកកម្ពស់កីឡាតេក្វាន់ដូ ក៏ជាសកម្មភាពមួយដែលក្រុមហ៊ុន ថៃ សាមសុង អេឡិចត្រូនិច ប្រចាំប្រទេសកម្ពុជា បង្កើតឡើងដើម្បីបង្កនូវភាពរំភើបរីករាយក្នុងដំណើរឆ្ពោះទៅកាន់ពិព័រណ៍ពិភពលោក World Expo នេះដែរ។

សាខាក្រុមហ៊ុន ថៃ សាមសុង អេឡិចត្រូនិច ប្រចាំប្រទេសកម្ពុជា នឹងបន្តសហការគាំទ្រដល់សកម្មភាពទាំងនេះជាបន្តទៅទៀត ដើម្បីជំរុញ និងពង្រឹងចំណងមិត្តភាពរវាងប្រទេសទាំងពីរ កម្ពុជា-កូរ៉េ នាពេលអនាគត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១០ នាទី មុន

សាខាក្រុមហ៊ុន ថៃ សាមសុង អេឡិចត្រូនិក ប្រចាំប្រទេសកម្ពុជា ផ្ដល់ការគាំទ្រយ៉ាងមុតមាំដល់កីឡាតេក្វាន់ដូ

ព័ត៌មានអន្ដរជាតិ២៩ នាទី មុន

រុស្ស៊ី បញ្ជាឲ្យយោធាបង្កើនប្រតិបត្តិការខ្លាំងឡើងៗនៅ អ៊ុយក្រែន

ព័ត៌មានជាតិ៣៦ នាទី មុន

សន្និបាតគណបក្សប្រជាជន៖ ជោគជ័យនៃការបោះឆ្នោតឃុំសង្កាត់ ឆ្លុះបញ្ចាំងពីភាពចាស់ទុំនៃដំណើរការប្រជាធិបតេយ្យនៅកម្ពុជា

ព័ត៌មានជាតិ៣៩ នាទី មុន

ក្រៅ​ពី​សាលា​វត្ត​បូព៌ល្បី​ដល់​ក្រៅ​ប្រទេស ​ដឹង​នៅ​ក្រុង​សៀមរាប​ មាន​វិទ្យាល័យ​ប៉ុន្មាន​កន្លែង?

ព័ត៌មានជាតិ៥៧ នាទី មុន

រដ្ឋមន្រី្ដការងារ ៖ និយោជកទាំងអស់ ត្រូវត្រៀមខ្លួនបង់ភាគទាន ២ភាគរយ សម្រាប់ការអនុវត្តរបបផ្នែកប្រាក់សោធន

Sokha Hotels

ព័ត៌មានពេញនិយម