Connect with us

សេចក្ដីជូនដំណឹង

ក្រុមហ៊ុន Vietjet ទទួលបានពានរង្វាន់ជា “ក្រុមហ៊ុនអាកាសចរណ៍ផ្តល់ជូនតម្លៃសំបុត្រទាបល្អបំផុត” និង”សេវាបដិសណ្ឋារកិច្ចលើយន្តហោះដែលមានតម្លៃទាបបំផុត” ឆ្នាំ2024

បានផុស

នៅ

ភ្នំពេញ – ក្រុមហ៊ុន Vietjet ត្រូវបានគេដាក់ឈ្មោះថាជា “ក្រុមហ៊ុនអាកាសចរណ៍ដែលផ្តល់តម្លៃសំបុត្រទាបបំផុត” និង “សេវាបដិសណ្ឋារកិច្ចលើយន្តហោះដែលមានតម្លៃទាបបំផុត” សម្រាប់ឆ្នាំ2024 ដោយគេហទំព័រ AirlineRatings.com ដែលជាក្រុមហ៊ុនវាយតម្លៃសុវត្ថិភាព និងផលិតផលអាកាសចរណ៍ដ៏ល្បីល្បាញរបស់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្ញៀវធ្វើដំណើរតាមផ្លូវពីសៀមរាបទៅហាណូយ និងភ្ញៀវជាច្រើនទៀតដែលធ្វើដំណើរទៅវៀតណាម និងប្រទេសជាច្រើនទៀត ឥឡូវនេះ អ្នកធ្វើដំណើរជាមួយក្រុមហ៊ុនអាកាសចរណ៍តម្លៃសំបុត្រទាបបំផុត ដែលទទួលបានពានរង្វាន់ថា ជា ក្រុមហ៊ុនអាកាសចរណ៍តម្លៃសំបុត្រទាបល្អបំផុត និង ក្រុមហ៊ុនអាកាសចរណ៍ផ្តល់សេវាបដិសណ្ឋារកិច្ចលើយន្តហោះដែលមានតម្លៃទាបបំផុត។

AirlineRatings បានផ្តល់កិត្តិយស និងទទួលស្គាល់ក្រុមហ៊ុនអាកាសចរណ៍ Vietjet តាមរយៈការផ្តល់ពានរង្វាន់អន្តរជាតិធំៗជាច្រើនឆ្នាំ ថាជាក្រុមហ៊ុនដែលផ្តល់ជូនអតិថិជននូវតម្លៃសំបុត្រទាប មានភាពច្នៃប្រឌិត សេវាកម្មសម្បូរបែបចម្រុះច្រើនមុខ និងមានការផ្តល់ជូនប្រូម៉ូសិនបញ្ចុះតម្លៃជាច្រើនដ៏អស្ចារ្យ។ Vietjet បន្តពង្រីកជើងហោះហើរ A330s និង A321s និងពង្រីកបណ្តាញហោះហើររបស់ខ្លួន ធ្វើឱ្យការធ្វើដំណើរតាមផ្លូវអាកាស កាន់តែងាយស្រួលសម្រាប់អ្នកធ្វើដំណើរទាំងអស់។ Vietjet ក៏ត្រូវបានទទួលស្គាល់ផងដែរថា ជាក្រុមហ៊ុននាំមុខគេក្នុងការផ្តល់ជូនផលិតផលល្អៗ និងសេវាដែលមានតម្លៃសំបុត្រទាប អមដោយការផ្តល់នូវបទពិសោធន៍ធ្វើដំណើរដ៏អស្ចារ្យដល់អតិថិជនរបស់ខ្លួន។

និពន្ធនាយកក្រុមហ៊ុន Airlineratings.com លោក Geoffrey Thomas បានមានប្រសាសន៍ថា “Vietjet មានភាពវៃឆ្លាតបំផុតក្នុងទីផ្សាររបស់ខ្លួន និងមានតម្លៃសំបុត្រធ្វើដំណើរទាបសមរម្យ ដែលនៅពីក្រោយភាពអស្ចារ្យនេះគឺជាផែនការអាជីវកម្មដ៏ឆ្លាតវៃ និងការផ្តល់ជូននូវតម្លៃសំបុត្រ ដែលមានតម្លៃទាបសមរម្យដល់អ្នកធ្វើដំណើររាប់លាននាក់។ ក្រុមហ៊ុនអាកាសចរណ៍ Vietjet មានយន្តហោះ Airbus ដ៏ទំនើបៗជាច្រើន ដែលឥឡូវនេះកំពុងបម្រើការដឹកភ្ញៀវធ្វើដំណើរបានយ៉ាងល្អបំផុត។ ភាពជោគជ័យរបស់ Vietjet បានក្លាយជាផ្នែកមួយដ៏សំខាន់ ជំរុញឱ្យសេដ្ឋកិច្ចរបស់វៀតណាមបរីកចម្រើនតាមរយៈវិស័យទេសចរណ៍ផងដែរ។ គុណតម្លៃរបស់ក្រុមហ៊ុនអាកាសចរណ៍ Vietjet មិនអាចវាស់បានត្រឹមតែចំនួនអ្នកដំណើរប៉ុណ្ណោះ។ នេះជាដំណឹងល្អសម្រាប់សាធារណជន និងភ្ញៀវទេសចរក្នុងតំបន់»។

ក្រុមហ៊ុន Vietjet ពិតជាមានមោទកភាពចំពោះការតភ្ជាប់ជើងហោះហើរដឹកអ្នកដំណើរដ៏រីករាយ និងផ្តល់ជូនតម្លៃសំបុត្រសមរម្យ អមដោយកងនាវាអាកាសចរណ៍ដ៏ទំនើប និងមិនប៉ះពាល់ដល់បរិស្ថាន ផ្តល់សេវាកម្មដ៏ល្អឥតខ្ចោះដោយបុគ្គលិកកាប៊ីនដែលមានជំនាញ និងវិជ្ជាជីវៈ។ អ្នកដំណើរអាចភ្លក់រសជាតិម្ហូបអាហារវៀតណាម និងម្ហូបអន្តរជាតិជាច្រើនមុខ រួមទាំងអាហារពិសេសៗ ដូចជា ហ្វឺ បាញ់ មី កាហ្វេវៀតណាម និងម្ហូបអាហារជាច្រើនមុខទៀត ហើយភ្ញៀវក៏អាចទិញទំនិញមិនជាប់ពន្ធនៅលើយន្តហោះផងដែរ។

ក្រុមហ៊ុន Vietjet ដំណើរការជើងហោះហើរទៅមកប្រចាំថ្ងៃរវាងទីក្រុងសៀមរាប ក្នុងប្រទេសកម្ពុជា និងរដ្ឋធានីហាណូយរបស់វៀតណាម ដោយចំណាយពេលហោះហើរត្រឹមតែ 1 ម៉ោង និង 40 នាទីក្នុងមួយជើង។ Vietjet បានបន្ថែមផ្លូវសៀមរាប-ហាណូយ ទៅកាន់បណ្តាញរបស់ក្រុមហ៊ុនអាកាសចរណ៍កាលពីចុងឆ្នាំមុន។

ក្រុមហ៊ុន AirlineRatings ក៏បានវាយតម្លៃក្រុមហ៊ុន Vietjet ហើយផ្តល់ជូនកម្រិតផ្កាយប្រាំពីរ ដែលជាចំណាត់ថ្នាក់ខ្ពស់បំផុតជាក្រុមហ៊ុនអាកាសចរណណ៍ដែលមានសុវត្ថិភាពបំផុតរបស់ពិភពលោកទាំង 10 និងសុវត្ថិភាពបំផុតអស់រយៈពេលជាច្រើនឆ្នាំ។ Vietjet ក៏ត្រូវបានបោះឆ្នោតជា “ក្រុមហ៊ុនអាកាសចរណ៍ដែលផ្តល់ជូនអតិថិជននូវតម្លៃសំបុត្រប្រចាំឆ្នាំ” ក្នុងឆ្នាំ 2022 ដោយក្រុមហ៊ុន AirlineRatings ផងដែរ។

ពានរង្វាន់ AirlineRatings “Airline Excellence Awards” ត្រូវបានរៀបចំឡើងតាំងពីឆ្នាំ 2013 ដោយវាយតម្លៃពីសុវត្ថិភាព និងគុណភាពសេវាកម្មរបស់ក្រុមហ៊ុនអាកាសចរណ៍ជាង 385 នៅទូទាំងពិភពលោក ដើម្បីផ្តល់កិត្តិយសដល់ក្រុមហ៊ុនអាកាសចរណ៍ល្អបំផុតលើប្រភេទសំខាន់ៗជាច្រើននៅក្នុងឧស្សាហកម្មនេះ។ ក្រុមហ៊ុនអាកាសចរណ៍ឈានមុខគេផ្សេងទៀត ដែលត្រូវបានទទួលស្គាល់នៅឆ្នាំនេះ រួមមាន Qatar Airways, Emirates, Etihad Airways និង Air New Zealand ជាដើម។

សូមបញ្ជាក់ថា ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុង ប្រទេស វៀតណាម ប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរ ទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំង អស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុន អាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផល តែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថា ជាក្រុមហ៊ុនដឹកជញ្ជូនតម្លៃទាបល្អបំផុតដោយ ស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានលម្អិត សូមចូលទៅកាន់៖ www.vietjetair.com

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១១ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៤៥ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម