ឃើញ ទន្សាយ ក្នុងយល់សប្តិ​ជាប្រផ្នូលសំណាងឬគ្រោះ?

ប្រជាជនសម័យដើមមានជំនឿខ្លាំងអំពីការទស្សន៍ទាយយល់សប្តិទាក់ទងនឹងសត្វ។ មួយក្នុងចំណោមនោះ គឺយល់សប្តិឃើញទន្សាយ។ អ្នកខ្លះជឿថាយល់សប្តិឃើញសត្វទន្សាយ ជាប្រផ្នូលបង្ហាញពីសំណាងនាពេលអនាគត ឯអ្នកខ្លះទៀតជឿថា ទន្សាយបង្ហាញខ្លួនក្នុងយល់សប្តិ ជានិមិត្តរូបនៃសេចក្ដីសុខសាន្ត។

យល់សប្តិឃើញកូនទន្សាយ

ទាយ​ថា ​ក្នុង​អំឡុង​ពេល​នេះ ​អ្នកនឹង​ទទួល​បាន​លាភ​សំណាងធំ​ ជាពិសេសពាក់ព័ន្ធនឹងអាជីព និអាជីវកម្ម។ ប៉ុន្តែមុនពេលទទួលបានសំណាងនោះ ប្រហែលជាមានបញ្ហារំខានបន្តិចបន្តួច។

យល់សប្តិឃើញទន្សាយ ស

ក្នុងជីវិតពិត ​អ្នក​ត្រូវ​ប្រយ័ត្ន​ជម្លោះជាមួយ​គ្រួសារ ឬបញ្ហាទំនាក់ទំនងប្ដីប្រពន្ធ។ ចូរព្យាយាមអត់ធ្មត់ រក្សាអារម្មណ៍ឱ្យស្ងប់ ហើយប្រើហេតុផលមកនិយាយដោះស្រាយ។

យល់សប្តិឃើញទន្សាយ ខ្មៅ

ទស្សន៍ទាយ​ថា ​ត្រូវ​ប្រយ័ត្នខ្ពស់​ចំពោះ​សុខភាព​មនុស្ស​ពេញវ័យ នៅ​ក្នុង​គ្រួសារ។

យល់សប្តិឃើញទន្សាយច្រើន

​យល់សប្តិនេះ ជាប្រផ្នូល​ទាក់ទង​នឹង​ការផ្លាស់ប្ដូរការងារ​។ អ្នក​នឹង​មាន​ការ​ផ្លាស់​ប្តូរ​ក្នុង​ទិស​ដៅ​ល្អ ​ដូច​ជា​ការ​ទទួល​បាន​ការងារ​ថ្មី ឬឡើងតំណែង។

យល់សប្តិឃើញទន្សាយកើតកូន

ក្នុងអំឡុងពេលនេះ អ្វីដែលអ្នកប៉ងនឹងសម្រេចដូចប្រាថ្នា។ ប៉ុន្តែចំពោះមនុស្សពេញវ័យដែលកំពុងស្ថិតក្នុងទំនាក់ទំនងស្នេហា ចូរប្រុងប្រយ័ត្ន កុំទុកចិត្តនរណាងាយៗឱ្យសោះ៕

អត្ថបទ៖ សន្យា

ចុចអាន៖ យល់សប្តិឃើញលេខឆ្នោត អត្ថន័យមិនល្អទេ!