វប្បធម៌ ជំនឿ
ទំនាយជោគវាសនាមនុស្សកើតឆ្នាំទាំង ១២ ក្នុង ខែនេះ ឆ្នាំណាមានសំណាងខ្លះ?
យោងតាមការទស្សន៍ទាយ ពីក្បួនហោរបានចែងពីចំណាតថ្នាក់លេខ១ដល់លេខ៣ នៃក្រុមឆ្នាំទាំង១២ថា មានជោគវាសនាបែបណានាខែនេះ និង ថ្ងៃទៅខាងមុខទៀត។
ខាងក្រោមយើងខ្ញុំនឹងបកស្រាយលម្អិត ពីខែឆ្នាំទាំង១២ថា នឹងមានវាសនា មានសំណាងយ៉ាងណាខ្លះ?
ចំណាត់ថ្នាក់លេខ១ មាន ខាល ម្សាញ់ វក រកា ឆ្នាំកុរ
មនុស្សដែលកើតក្នុងឆ្នាំខាល រាសីរបស់លោកអ្នកល្អប្រសើរ មានឱកាសឡើងឋានន្តរស័ក្ដិខ្ពស់ក្នុងជីវិត មានចាស់ទុំ ចៅហ្វាយនាយ និងមិត្តភ័ក្ដិជួយជ្រោមជ្រែងជានិច្ច ។
មនុស្សកើតឆ្នាំម្សាញ់ អ្នកគឺជាមនុស្សមានសំណាង មានឱកាសបានលាភសំណាង ដោយសារភាពវៃឆ្លាតរបស់អ្នក ឬទទួលបានលុយកាក់ធំពីញាតិមិត្តពីការធ្វើដំណើរជិតឆ្ងាយ។ ម៉្យាងទៀត ក៏អាចមានសំណាងទទួលបានរថយន្តពីជនបរទេសផងដែរ។
មនុស្សដែលកើតក្នុងឆ្នាំវក ល្បែងសំណាងរបស់លោកអ្នកល្អគួរសម ឱកាសមានលាភសំណាងគឺដោយសារតែកេរ្តិ៍ឈ្មោះ និងឋានៈសង្គមប៉ុណ្នោះ។ មនុស្សឆ្នាំវកច្រើនបានសំណាងដែលបង្កើតដោយខ្លួនឯង ក៏ដូចជាការមានមនុស្សពេញវ័យដែលគាំទ្រ ជួយស្វែងរកវិធីដ៏ល្អ ដើម្បីបញ្ចប់បញ្ហាហិរញ្ញវត្ថុដែលខ្លួនបានបង្កើតឡើងមក។
សម្រាប់បុគ្គលដែលកើតក្នុងឆ្នាំរកា រាសីរបស់លោកអ្នកល្អគួរសមដែរ ថែមទាំងផ្ដល់ផលចំណេញ ប្រាក់ចំណូលកាន់តែប្រសើរ ការវិនិយោគផ្សេងៗនឹងទទួលបានជោគជ័យ។ មនុស្សឆ្នាំមាន់ តែងមានកូនចៅនិងក្រុមគ្រួសាររ ឬចៅហ្វាយនាយជំរុញឲ្យអ្នកមានឱកាសធំ ឡើងក្នុងមុខតំណែងការងារល្អណាមួយ។
មនុស្សដែលកើតក្នុងឆ្នាំកុរ ខែនេះអ្នកនឹងមានលាភចូលហូរហៀរ ជាពិសេសរឿងលុយកាក់ ចំណែកឯបញ្ហានិងឧបសគ្គនានា នឹងត្រូវដោះស្រាយក្នុងអំឡុងពេលនេះ អ្នកមានឱកាសទទួលបានលាភសំណាងពីចម្ងាយ។ ក្នុងនោះក៏អាចមានឱកាសបានឡើងផ្ទះថ្មី ឬមានលាភសំណាងពីផ្ទះផងដែរ។
ចំណាត់ថ្នាក់លេខ២ ឆ្នាំឆ្លូវ រោង មមែ និងឆ្នាំ ច
អ្នកកើតឆ្នាំឆ្លូវ រាសីរបស់លោកអ្នកស្ថិតក្នុងសភាពល្អប្រសើរ អ្នកនឹងទទួលបានការជ្រោមជ្រែងពីចាស់ទុំ ថៅកែជាពិសេសនឹងមានសំណាង មានលាភ មានជ័យ ពីមនុស្សជុំវិញយកមកឲ្យ។
មនុស្សដែលកើតក្នុងឆ្នាំរោង រាសីអ្នកគឺមកពីភេទផ្ទុយ ឬដៃគូ។ ក្នុងឆមាសទីពីរនេះ អ្នកគួរតែទៅវត្តដើម្បីធ្វើបុណ្យឲ្យបានញឹកញាប់។ អ្នកនឹងទទួលបានលាភសំណាងពីព្រះសង្ឃ។ បុណ្យកាន់តែច្រើន ឱកាសទទួលបានលាភធំ ។
មនុស្សដែលកើតក្នុងឆ្នាំមមែ លក្ខណៈវិនិច្ឆ័យសំណាងរបស់អ្នក គឺមកពីមិត្តភក្តិ សង្គម ឬសាច់ញាតិ។ ប៉ុន្តែទ្រព្យសម្បត្តិរបស់អ្នកកាលណាមកដល់ អាចនឹងចាយអស់លឿន ក្នុងអំឡុងពេលនេះ អ្នកមិនគួរទុកចិត្តអ្នកណាខ្លាំងពេក ឬទៅធានាអ្វីឲ្យអ្នកណាឡើយ។
មនុស្សដែលកើតក្នុងឆ្នាំច អ្នកមានឱកាសទទួលបានលាភសំណាង ព្រោះសិល្បៈហត្ថកម្មមានក្បាលលើផ្នែកពាណិជ្ជកម្ម ការវិនិយោគ ការគិតទុកជាមុន ការគ្រោងទុករយៈពេលវែង នឹងធ្វើឲ្យអ្នករកលុយបានច្រើន។ អ្នកនឹងមានមនុស្សពេញវ័យរង់ចាំការចង្អុលបង្ហាញ ពីបណ្តាញនៃអត្ថប្រយោជន៍ប្រាក់ចំណូលបន្ថែម។
ចំណាត់ថ្នាក់លេខ៣ ឆ្នាំជូត ឆ្នាំថោះ ឆ្នាំមមី
មនុស្សដែលកើតក្នុងឆ្នាំជូត កម្រិតនៃលាភសំណាងរបស់អ្នកមិនល្អទេ ចូរប្រយ័ត្នកុំយកសន្យា ឬទៅធានាអ្នកណាម្នាក់ក្នុងរយៈពេលនេះ សំណាងហិរញ្ញវត្ថុ អាចនឹងមានបញ្ហារឿងលុយមិនទាន់ពេលវេលា ដូចច្នេះកុំងាយទុកចិត្តមនុស្សច្រើនពេក អាចធ្វើឲ្យអ្នករងរបួសផ្លូវចិត្ត។
មនុស្សដែលកើតក្នុងឆ្នាំថោះ រាសីរបស់លោកអ្នកមិនល្អទេ អាចនឹងមានបញ្ហាដោយសារសាច់ញាតិចាស់ទុំ ឬអ្នកក្នុងគ្រួសារមានជំងឺ ។ ការបរាជ័យក្នុងការគ្រប់គ្រងហិរញ្ញវត្ថុ បំណុលរយៈពេលវែង អាចកើតមានឡើងជាអំឡុងពេលនៃការប្រុងប្រយ័ត្នអំពីបញ្ហាហិរញ្ញវត្ថុ។
មនុស្សដែលកើតក្នុងឆ្នាំមមី សំណាងរបស់អ្នកមិនសូវល្អទេ អាចនឹងមានបញ្ហាដល់សុខភាពខ្លួនឯង ឬជាពិសេសគឺរថយន្តខូច ត្រូវចំណាយពេលធ្វើដំណើរច្រើន។ ដូច្នេះហើយ មានបន្ទុកនៃការចំណាយខ្ពស់ ក្នុងអំឡុងពេលដែលហិរញ្ញវត្ថុរបស់អ្នកខ្វះ មិនអាចបង្វិលលុយទាន់ពេល ឬមិនអាចដំណើរការទៅមុខបាន៕
គ្រូ ណុប
ចុចអាន៖៧ វិធី ផ្លាស់ប្ដូរជោគវាសនា ដោយកែលម្អទម្រង់មុខតាមក្បួនហុងស៊ុយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ