យល់សប្តិឃើញពស់ ជាទូទៅមានន័យថា ម្ចាស់ខ្លួនជិតបានជួបគូគ្រង ឬអាចចាប់ផ្ដើមទំនាក់ទំនងស្នេហ៍ថ្មី ប្រសិនបើអ្នកនោះធ្លាប់បែកបាក់កន្លងមក។ ទោះយ៉ាងណា យល់សប្តិនេះមិនសុទ្ធតែមានអត្ថន័យដូចគ្នាទាំងអស់ឡើយ វាអាស្រ័យលើពណ៌ពស់ដែលបានឃើញផងដែរ។ ក្នុងនោះពស់ពណ៌បៃតង បង្ហាញខ្លួនក្នុងយល់សប្តិ មានន័យថា៖

ពស់បៃតងមួយក្បាល

ជីវិតប្ដីប្រពន្ធមិនរលូនទេ ព្រោះដៃគូ​មិន​ហ៊ាន​និយាយ​បើក​ចំហ ចំពោះបញ្ហាដែលខ្លួនមន្ទិល ដូច្នេះ​វាបាន​ក្លាយ​ភាពរកាំរកូសនៅ​ក្នុង​អាពាហ៍ពិពាហ៍។

ពស់បៃតងពីរក្បាល

ការព្រួយបារម្ភអំពីសុខភាពនឹងត្រូវបានដោះស្រាយ ព្រោះជំងឺតម្កាត់អាចត្រូវព្យាបាល ដោយសារមានមនុស្សជួយយកអាសារ។

ពស់បៃតងច្រើនក្បាល

រាល់ការរង់ចាំរបស់អ្នកមិនខកបំណងទេ អ្នកនឹងទទួលបានមកវិញនូវដំណឹងល្អទាំងការងារ ឋានៈតួនាទី ប្រាក់បៀវត្សរ៍ និងស្នេហា។

ពស់បៃតងវារមករក

វាជាសញ្ញាអំពី​ឧបសគ្គនៅ​ក្នុង​អាជីព ដោយសារអ្នក​មិន​អាច​សម្រេចលទ្ធផល​ដូច​ការ​គ្រោង​ទុក ប៉ុន្តែ​ប្រសិន​បើ​​មិន​ចុះចាញ់ អ្នក​ប្រាកដ​ជា​ទទួល​បាន​ជោគជ័យ៕

អត្ថបទ៖ សន្យា

ចុចអាន៖ យល់សប្តិឃើញ “កាប់ពស់” អត់មានគូ ដូចគេថាមែនឬ?

ចុចអាន៖ ប្រសិនយល់សប្តិឃើញពស់ថ្លាន់ អត្ថន័យគឺបែបនេះ