ប្រសិនយល់សប្តិឃើញពស់ថ្លាន់ អត្ថន័យគឺបែបនេះ

សុបិនឃើញពស់​ ជាញឹកញាប់បកស្រាយអំពីលាភសំណាង និងរឿងល្អៗដែលកើតមានក្នុងជីវិតពិត។ ពស់ប្រភេទអ្វីក៏ដោយ ឱ្យតែបង្ហាញខ្លួនក្នុងសុបិន ភាគច្រើនជាប្រផ្នូលល្អ គួរសប្បាយរីករាយ។

ជាក់ស្ដែងសុបិនឃើញពស់ថ្លាន់ ​តាមជំនឿ ជីវិតនឹងមានលាភធំ សឹងគ្រប់ផ្នែក។ បើយោងតាមសៀវភៅទំនាយ សុបិនឃើញពស់ថ្លាន់ ចាត់ទុកជារឿងល្អសម្រាប់សិស្សានុសិស្ស ព្រោះនឹងមានចាស់ព្រឹទ្ធាចារ្យ ជួយគាំទ្រ ទំនុកម្រុងក្នុងការសិក្សារៀនសូត្រ។ បើអ្នកកំពុងប្រឡង វាជាប្រផ្នូលប្រាប់ថា អ្នកនឹងប្រឡងជាប់ ហើយបានពិន្ទុល្អ។

បើឃើញពស់ថ្លាន់រុំខ្លួន ឬចឹក គឺជាសញ្ញាប្រាប់ថា អ្នកមានអាជីវកម្មតូចធំទាំងឡាយ នឹងទទួលបានប្រាក់ចំណេញកប់ក្ដោង។

ចំពោះគូសង្សារវិញ​ វាជាប្រផ្នូលអនុញ្ញាតឱ្យអ្នករៀបការបានដោយរលូន ប្រកបដោយសេចក្ដីសុខ សុភមង្គល។ សម្រាប់អ្នកដែលមិនទាន់មានដៃគូនៅឡើយ អាចជួបគូគ្រង កំលុងពេលនេះ។

មិនតែប៉ុណ្ណោះ ពស់ថ្លាន់ ក្នុងសុបិន ប្រាប់អ្នកទៀតថា អ្នកអាចត្រូវរង្វាន់ធំ ដោយមិននឹកស្មានដល់៕

អត្ថបទ៖ សន្យា

ចុចអាន៖ គេងសុបិនឃើញពស់វែក ជាសញ្ញាឲ្យប្រុងប្រយ័ត្នខ្លួនមែនទែន

ចុចអាន៖ ឃើញ ទន្សាយ ក្នុងយល់សប្តិ​ជាប្រផ្នូលសំណាងឬគ្រោះ?