សុបិនឃើញ “ម្ដាយស្លាប់” គួរបារម្ភដែរទេ?

សុបិនឃើញមនុស្សស្លាប់​​ ជាទូទៅតែងតែធ្វើឱ្យសាមីខ្លួនភ្ញាក់ឡើងដោយក្ដីភ័យព្រួយ ព្រោះយល់ថានេះជាប្រផ្នូលមិនល្អ។ ក្នុងនោះបើសុបិនឃើញសាច់ញាតិជិតដិតអានិច្ចកម្ម ជាពិសេសម្ដាយឬឪពុក នឹងរឹតតែបន្ថែមការភ័យព្រួយទ្វេឡើងមួយកម្រិតទៀត។ ជាការពិត សុបិនឃើញម្ដាយស្លាប់ អត្ថន័យរបស់វា មិនល្អជាប៉ុន្មានទេ ប៉ុន្តែក៏កុំទាន់ព្រួយបារម្ភអី ព្រោះសុបិននេះ មិនពាក់ព័ន្ធនឹងសុខទុក្ខម្ដាយរបស់អ្នកឡើយ។

អាជីព និងហិរញ្ញវត្ថុ

តាម​ការ​បកស្រាយ​ពី​សុបិន​បុរាណ ចែង​ថា អ្នក​នឹង​ត្រូវ​គេ​បោកប្រាស់លុយកាក់​ មិនថាដោយផ្ទាល់ ឬតាមអ៊ីនធឺណិតក្ដី។ អំឡុងពេលនេះ ចូរប្រយ័ត្នចំពោះមនុស្សជិតស្និទ្ធជាងគេ ព្រោះដោយសារការជឿទុកចិត្តនេះហើយ ដែលអាចនាំឱ្យហិរញ្ញវត្ថុរបស់រលាយបាត់បង់ត្រឹមមួយប៉ព្រិចភ្នែក។ ចំណែក​ការងារវិញ អាច​ត្រូវ​បាន​គេ​ក្បត់ លួចចាក់ពីក្រោយខ្នង ដោយយកអ្នកធ្វើជាស្ពានឆ្លង ដើម្បីឡើងឋានៈតួនាទី។

ស្នេហា និងគ្រួសារ

ចំពោះជីវិតប្ដីប្រពន្ធ នឹងមានមនុស្សជ្រៀតជ្រែកទំនាក់ទំនងអាពាហ៍ពិពាហ៍ បើទោះបីដឹងថាអ្នកមានម្ចាស់ហើយក្ដី។ ដូច្នេះសាមីខ្លួនផ្ទាល់គួរដាក់គម្លាតឱ្យបានត្រឹមត្រូវ ចៀសវាងបែកបាក់គ្នា ​ដោយសារអ្នកក្រៅ។ យ៉ាងណាមិញ សុបិននេះចំពោះមនុស្សនៅលីវ មានអត្ថន័យល្អទៅវិញ ដោយសារអ្នកនឹងអាចជួបមនុស្ស​គូគាប់ នៅកន្លែងសាធារណៈ ផ្សារទំនើប កន្លែងហាត់ប្រាណ ឬក្នុងវិស័យការងារ៕

អត្ថបទ៖ សន្យា

ចុចអាន៖ យល់សប្តិឃើញឪពុកស្លាប់ មានន័យយ៉ាងណា?

ចុចអាន៖ យល់សប្តិ “បាក់ធ្មេញ” ​នឹងមានសាច់ញាតិឈឺថ្កាត់ ឬស្លាប់?