ជូតនិងរាសីចក្រនាគត្រូវគ្នា និងគាំទ្រគ្នា មនុស្សឆ្នាំជូតនឹងឡើងខ្ពស់ត្រដែត

ឆ្នាំនាគ គឺជានិមិត្តរូបនៃកម្លាំង សំណាង និងភាពរុងរឿងព្រមទាំងជួយគ្រប់គ្នា​ដែលមាន​រាសីចក្រ​ជូត (កណ្តុរ​) ឱ្យសម្រេចបាននូវគោលដៅ ក្តីសុបិននានាលើគ្រប់ទិដ្ឋភាពនៃជីវិតគ្រប់១២ខែក្នុងឆ្នាំ២០២៤។

១ អាជីពនិងលុយកាក់

ឆ្នាំ​ ២០២៤នេះ ផ្តល់ឱ្យអ្នកនូវឱកាសជាច្រើនដើម្បីបង្កើនទ្រព្យសម្បត្តិ ជំរុញអាជីព ការបណ្តាក់ទុនឬឱកាសថ្មីៗក្នុងការបង្កើនចំណូល។

តារាសំណាងដូចជា Jin Kui, Lu Xun, Jiang Xing និង San He ដែលគេចអ្នកអស់១៣ឆ្នាំមកហើយ នឹងមក​បំភ្លឺគ្រប់យ៉ាង​មកលើចររាសីមនុស្ស​ឆ្នាំជូត ដែលគ្មានឥទ្ធិពលណាមួយ​រារាំងការនាំសំណាងដល់ក្នុងការងារ ការវិនិយោគ ការផ្សព្វផ្សាយខ្លួនឯង និងទំនាក់ទំនងសង្គមពេញមួយឆ្នាំ២០២៤នេះឡើយ ។ លើហិរញ្ញវត្ថុ ហោរាសាស្ត្របញ្ជាក់ថា ក្នុងអំឡុងឆ្នាំ២០២៤ អ្នកដែលកើតក្នុងឆ្នាំជូត នឹងមានឥទ្ធិពលវិជ្ជមានជាខ្លាំងដោយសក្តានុពលពីតារា Jin Kui 金匮(Golden Lock) ដូចនេះសត្វកណ្តុរនឹងមានឱកាសច្រើនក្នុងការរកចំណូលបន្ថែម ទទួលបានរង្វាន់ ឬទទួលបានអំណោយ។

សត្វកណ្ដុរនឹងរីករាយជាមួយរដូវកាលរកប្រាក់ចំណូលដ៏ល្អ ជាពិសេសនៅក្នុងខែកុម្ភៈ និងខែមីនានេះតែម្តង។ ពួកគេ​អាចទទួលបានឋានៈថ្មី ក្នុងខែមករាចំពោះការងារណាមួយ​ដែលធ្លាប់ប៉ុនប៉ងចង់បាន។

ដើម្បីបង្កើនថាមពលវិជ្ជមាននេះ អ្នកឆ្នាំជូតគួរតែប្រើសម្ភារៈបន្ថែមភាពរុងរឿងនិងទ្រព្យសម្បត្តិ ដូចជាដើមឈើប្រាក់ ត្បូង Citrine ពណ៌លឿងជាដើម។ ថាមពលវត្ថុពីរនេះនឹងជួយទាក់ទាញឱកាស និងទ្រព្យសម្បត្តិកាន់តែច្រើនចូលទៅក្នុងជីវិតរបស់ជូរ។

ទោះជាយ៉ាងណាក៏ដោយ ត្រូវចេះថ្លឹងថ្លែងការខ្វះធាតុទឹកក្នុងឆ្នាំរោងឈើដែលអាចប៉ះពាល់ដល់សុខភាព និងអារម្មណ៍។ដើម្បីធ្វើឱ្យមានតុល្យភាព អ្នកអាចស្វែងរក បន្ថែមធាតុទឹក រូបភាពទឹក ឬកញ្ចក់នៅភាគខាងជើង ខាងកើត ឬអាគ្នេយ៍បន្ទប់គេ​ង។ ប្រើពណ៌ខៀវ ខ្មៅ ឬពណ៌លោហៈ នៅក្នុងការតុបតែងនានា។

វិធីមួយទៀតដើម្បីជំរុញសំណាងរបស់អ្នកឆ្នាំជូត​ក្នុងឆ្នាំ ២០២៤ អាចរករូប​ Qi Lin ដែលនឹងនាំមកនូវឱកាសធំៗ​ក្នុងអាជីព ភាពជោគជ័យ និងរៀនជំនាញថ្មីៗ។

២ ស្នេហានិងគ្រួសារ

យោងតាមហោរាសាស្ត្រចិន ទោះណាជាមនុស្ស​ឆ្នាំកណ្តុរជួបបញ្ហាផ្លូវចិត្តដ៏ស្មុគស្មាញក្នុងប៉ុន្មានខែមុនចូលឆ្នាំចិន ក៏នឹងត្រូវដោះស្រាយបាន​យ៉ាងឆាប់រហ័សនៅដើមឆ្នាំ ២០២៤ ដោយមានជំនួយពីតារាសំណាង San He 三合។ ពួកគេនឹងមានគូស្រករថ្មីឬការងារថ្មី។

លេខសំណាង៖ ១, ៤ ក៏ដូចជាលេខដែលរួមមាន ១ និង ៤ (ដូចជា ១៤ និង ៤១)។

ថ្ងៃ​នាំ​សំណាង៖ ថ្ងៃទី ១៣ និង ២៧ នៃ​ខែ​តាម​ច័ន្ទគតិ​របស់​ចិន ត្រូវ​បាន​គេ​ចាត់​ទុក​ថា​ជា​ថ្ងៃ​សំណាង។

ពណ៌នាំសំណាង៖ ពណ៌ស លឿង និងបៃតង ត្រូវបានគេជឿថានាំសំណាង។

ផ្កា​នាំ​សំណាង​៖ ផ្កា​ធូ​លី​ប សិរី​ព្រឹក​ព្រលឹម និង​ផ្កា​ត្របែក​មាន​ទំនាក់ទំនង​ជាមួយ​លាភ​សំណាង ។

ទិស​នាំ​សំណាង ៖ ទិស​ល្អ​គឺ​ខាងជើង និង​ខាងត្បូង ។

ខែ​នាំ​សំណាង៖ ខែ​ទី ៧ និង​ទី ៩ តាម​ច័ន្ទគតិ​របស់​ចិន ត្រូវ​បាន​គេ​ជឿ​ថា ជា​សំណាង​សម្រាប់​អ្នក​កើត​ឆ្នាំ​ជូត៕

គ្រូ ឯម

ចុចអាន៖ត្រៀមខ្លួន តារានិករ ៥ នឹងមានសំណាងខ្លាំងនៅឆ្នាំ ២០២៤