សេដ្ឋកិច្ច
ខេត្តកែបចាប់ផ្តើមសាងសង់កំពង់ផែដឹកទំនិញលើកដំបូងតម្លៃជិត ២ លានដុល្លារ
គម្រោងសាងសង់ចំណតជលយាន្តសេះសឬ (កំពង់ផែសេះស) ដែលជាកំពង់ផែដឹកទំនិញលើកដំបូងរបស់ខេត្តកែប គឺជាការវិនិយោគរួមគ្នារវាងរដ្ឋ និងឯកជន ក្នុងរយៈពេល ១៥ឆ្នាំ មានសមត្ថភាពឲ្យសាឡាងដឹកទំនិញចេញចូលបានក្នុងរង្វង់ពី ១០តោន ទៅ ១០០០តោន ។ កំពង់ផែសេះសដែលស្ថិតនៅក្នុងខេត្តកែបមានតម្លៃជិត២ លានដុល្លារត្រូវបានរាជរដ្ឋាភិបាលផ្តល់ភ្លើងខៀវឲ្យធ្វើការសាងសង់ហើយដើម្បីបម្រើដល់វិស័យដឹកជញ្ជូននិងវិស័យទេសចរណ៍។ នេះបើយោងសេចក្តីប្រកាសព័ត៌មានរបស់រដ្ឋបាលខេត្តកែបកាលពីថ្ងៃទី ១ កញ្ញា ។
សេចក្តីប្រកាសព័ត៌មានបានឱ្យដឹងថា រដ្ឋបាលខេត្តកែបនឹងដាក់ឱ្យដំណើរការការអនុវត្តគម្រោងវិនិយោគសាងសង់ចំណតជលយាន(កំពង់ផែសេះស) ចាប់ពីថ្ងៃទី ១៥ ខែ កញ្ញា ឆ្នាំ ២០២១ តទៅ ។
សេចក្តីប្រកាសព័ត៌មានបន្តថា ការអនុវត្តគម្រោងវិនិយោគនេះក្នុងគោលបំណងដើម្បីចូលរួមអភិវឌ្ឍសេដ្ឋកិច្ចជាតិបង្កើតឱកាសការងារលើកកម្ពស់កម្រិតជីវភាពរស់នៅប្រចាំថ្ងៃ និងកាត់បន្ថយភាពក្រីក្ររបស់ប្រជាពលរដ្ឋនៅក្នុងខេត្តកែប។ ទីតាំងសាងសង់កំពង់ផែសេះសស្ថិតក្នុងសង្កាត់អូរក្រសារក្រុងកែបខេត្តកែបនៅលើផ្ទៃដី៨ហិកតា។ គម្រោងនេះស្ថិតក្នុងគម្រោងសាងសង់ ប្រតិបត្តិការនិងផ្ទេរ (BOT)រយៈពេល១៥ ឆ្នាំវិនិយោគដោយវិស័យឯកជន ។
បើតាមលិខិតរបស់ក្រសួងសេដ្ឋកិច្ច និងហិរញ្ញវត្ថុចុះថ្ងៃទី១៥ ខែ កុម្ភៈ ឆ្នាំ ២០២១ គម្រោងនេះត្រូវចំណាយទុនវិនិយោគចំនួន១,៩៥០,៥៦០ ដុល្លារហើយអនុញ្ញាតឱ្យរំលស់ទុនមកវិញតាមរយៈការធ្វើអាជីវកម្មភាស៊ីចំណតជលយាន(កំពង់ផែសេះស)ក្នុងរយៈពេល ១៥ឆ្នាំចប់និងបន្ត១៥ ឆ្នាំទៀតគិតចាប់ពីចំណតជលយានបានសាង សង់រួច និងសម្ពោធដាក់ឱ្យប្រើប្រាស់ជាផ្លូវការនៅឆ្នាំ២០២៣ ។ ក្រុមហ៊ុនត្រូវបង់ចំណូលថវិកាឱ្យខេត្តក្នុង ១ ឆ្នាំចំនួន១១លានរៀលនិងត្រូវបង្កើន ៥ ភាគរយរៀងរាល់ ៥ ឆ្នាំម្តងព្រមទាំងបង់ពន្ធតាមការកំណត់នៃច្បាប់ជាធរមាន ។ នៅពេលចប់អាណតិ្តកិច្ចសន្យាអ្នកវិនិយោគត្រូវប្រគល់ទីតាំងចំណតជលយាននិងសំណង់ទាំងអស់ជូនរដ្ឋគ្រប់គ្រងទុកជាសម្បត្តិរដ្ឋដោយគ្មានលក្ខខណ្ឌអ្វីឡើយ។
ប្រធានមន្ទីរទេសចរណ៍ខេត្តកែបលោក សោម ចិន្តា បានស្វាគមន៍ចំពោះគម្រោងនេះហើយបានចាត់ទុកថាជាការខិតខំរបស់អាជ្ញាធរក្នុងការអភិវឌ្ឍខេត្តកែបដើម្បីបម្រើ ឱ្យវិស័យទេសចរណ៍ ។ លោកបានលើកឡើងថាកំពងផែសេះសនឹងរួមចំណែកកាន់តែខ្លាំងលើសកម្មភាពទេសចរណ៍របស់ខេត្តកែបដែលជាខេត្តសក្តានុពលឆ្នេរសមុទ្ររបស់កម្ពុជាដោយមានកោះចំនួន ១២ និង ថ្មប៉ប្រះទឹក ១សម្រាប់បម្រើឱ្យវិស័យទេសចរណ៍។ចំណតនេះមិនមែនសម្រាប់តែជាកំពង់ផែទំនិញនោះទេប៉ុន្តែវាក៏សម្រាប់ជាកំពង់ផែបម្រើឱ្យវិស័យទេសចរណ៍ដើម្បីសម្រួលដល់សកម្មភាពដឹកជញ្ជូនទំនិញនិងកសិផលចេញចូលខេត្តកែប ហើយក៏សម្រួលដល់ការចូលចតរបស់ទូកកាណូតសហគមន៍នេសាទផងដែរ ។
គួរបញ្ជាក់ជូនថាបច្ចុប្បន្នកម្ពុជាមានកំពង់ផែសរុប ១០៥ កន្លែងក្នុងនោះកំពង់ផែទន្លេ ៧៨ និង កំពង់ផែសមុទ្រ ២៧ កន្លែង ៕
អត្ថបទ៖ ណារី
មុនលាចាកលោក តួប្រុសរឿង នាងណាត ថៃ បន្សល់ស្នាដៃធំ ៥ សុទ្ធតែល្បីរន្ទឺប្រចាំប្រទេស
រុស្ស៊ី ថា អាមេរិក គួរតែប្រញាប់ប្រាប់ព័ត៌មានរឿងវាយប្រហារភេរវកម្មនៅក្រុងមូស្គូឲ្យហើយមក
លោក សុះ ម៉ាច ថា អ្នកសិល្ប:ខុសពីអ្នកជំនួញខ្លះយកចំណេះដឹងទៅបោកអ្នកល្ងង់ជាងខ្លួនឲ្យរងទុក្ខ
ផ្តន្ទាទោស ឃាតករបាញ់សម្លាញ់ប្រពន្ធមានកូនក្នុងផ្ទៃ៤ខែ ព្រោះភ្លើងប្រចណ្ឌដាក់ពន្ធនាគារអស់មួយជីវិត
ប្រធានក្លិប Barcelona ចង់ឲ្យ Xavi ផ្លាស់ប្តូរការសម្រេចិត្ត
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»