ព័ត៌មានជាតិ
ផែរណបនៅកំពង់ផែស្វយ័តភ្នំពេញ សម្រេចសាងសង់បានជាង ៨៥ ភាគរយ គ្រោងបញ្ចប់អំឡុងខែមិថុនា
គម្រោងអភិវឌ្ឍន៍ចំណតផែរណបពហុបំណង TS១១ របស់កំពង់ផែស្វយ័តភ្នំពេញ សម្រេចបានប្រមាណ ៨៥% គ្រោងបញ្ចប់ការសាងសង់បើកឲ្យដំណើរការប្រើប្រាស់អំឡុងខែមិថុនា ឆ្នាំ២០២២ ខាងមុខ។
លោក ស៊ុន ចាន់ថុល នៅព្រឹកនេះបានចុះទៅពិនិត្យវឌ្ឍនភាពនៃគម្រោងសាងសង់កំពង់ផែរណបដ៏សំខាន់នេះ ដែលនឹងផ្តល់ប្រយោជន៍សម្រាប់ការដឹកជញ្ជូនទំនិញចេញចូលនិងនាំទៅលក់នៅក្រៅប្រទេស។
លោក ស៊ុន ចាន់ថុលបានបញ្ជាក់ថា ក្រោយបញ្ចប់ការអភិវឌ្ឍផែរណបនៅកំពង់ផែស្វយ័តភ្នំពេញ នឹងបន្តគម្រោងអភិវឌ្ឍកំពង់ផែរណប ៧ ទីតាំងទៀត មានដូចជានៅទន្លេបិទ កោះរកា ព្រែកតាម៉ាក់ ឆ្លូង កំពង់ឆ្នាំង។
ដោយឡែកទាក់ទងគម្រោងសាងសង់ស្តារព្រែកអំបិលទៅដល់ខេត្តកែប តាមការសិក្សាជំហានដំបូងបញ្ជាក់ថា មានប្រវែង ១៦៨ គីឡូម៉ែត្រ។ ក្នុងប្រវែង ១៦៨ គីឡូម៉ែត្រ ប្រហែល ១១៥ គីឡូម៉ែត្រជាផ្លូវទឹកដែលអាចធ្វើដំណើរបានទាំងខែប្រាំងនិងវស្សា ហើយត្រូវជីកបន្ថែម ៥ ទៅ ៧ គីឡូម៉ែត្រទៀតដើម្បីធ្លាយភ្ជាប់ទៅសមុទ្រខេត្តកែបតែម្តង។
បើតាមលោក ស៊ុន ចាន់ថុល ក្រោយមានការឯកភាពពីប្រមុខរដ្ឋាភិបាល ក្រសួងសាធារណការនឹងសិក្សាបន្តទៀតលើផលប៉ះពាល់ដូចជាបរិស្ថាន ហេដ្ឋារចនាសម្ពន្ធសម្ព័ន្ធ ផ្លូវ ស្ពាន ដើម្បីឲ្យគម្រោងនេះឈានទៅសម្រេចបាន។
ក្រៅពីអភិវឌ្ឍកំពង់ផែរណបទាំង ៧ កន្លែង លោកស៊ុន ចាន់ថុល បានបញ្ជាក់ថា រដ្ឋាភិបាលក៏មានគម្រោងអភិវឌ្ឍផែយុទ្ធសាស្ត្រនៅស្អាង នៅតាកែវ និងនៅកែប ដើម្បីជំរុញការអភិវឌ្ឍផ្លូវដឹកជញ្ជូនតាមផ្លូវគោក កាត់បន្ថយការប្រើប្រាស់ផ្លូវថ្នល់ដែលបង្កនាំគ្រោះថ្នាក់ និងចំណេញពេលវេលា៕
អត្ថបទ៖ ប៊ុណ្ណារ៉ា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៧ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត