Connect with us

សេដ្ឋកិច្ច

លោក បណ្ឌិត គីសេរីវឌ្ឍន៍៖ ៣ចំណុចជំរុញ​កំណើនសេដ្ឋកិច្ចមានសន្ទុះកើនឡើងលឿន

បានផុស

នៅ

សេដ្ឋកិច្ចកម្ពុជា កំពុងងើបឡើងវិញជាបណ្តើរៗ ក្រោយរាជរដ្ឋាភិបាល ទប់ស្កាត់វិបត្តិកូវីដ-១៩ ទទួលបានជោគជ័យ និងបើកទូលាយសម្រាប់ភ្ញៀវទេសចរ និងអ្នកវិនិយោគទាំងជាតិ និងអន្តរជាតិ។ រដ្ឋាភិបាល ក៏កំពុងដាក់ចេញនូវយុទ្ធសាស្រ្តនានា ដើម្បីពន្លឿនវិស័យសេដ្ឋកិច្ចឱ្យរីកចម្រើនថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការរួមចំណែកផ្តល់មតិលោកបណ្ឌិត គី សេរីវឌ្ឍន៍ អ្នកវិភាគ​សេដ្ឋកិច្ច​ នៅរាជ​បណ្ឌិត្យសភាកម្ពុជា​ បានលើកឡើងបីចំណុច ដើម្បីជំរុញកំណើនសេដ្ឋកិច្ចកម្ពុជា ឱ្យមានសន្ទុះកើនឡើងលឿន។ ចំណុចទី១ លោកថា ត្រូវរៀបចំប្រព័ន្ធអនុវត្តច្បាប់ឱ្យបានត្រឹមត្រូវ។ លោកបណ្ឌិតពន្យល់ថា អ្នកនិយោគចូលមក​ គឺខ្លាចច្បាប់ចរាចរណ៍មិនត្រូវបានអនុវត្ត។ «យើងមើលឃើញតែការបើកបរក្នុងប្រទេសអ្នកវិនិយោគខ្លាចបាត់ហើយ ដូច្នេះត្រូវរៀបចំប្រព័ន្ធគោរពច្បាប់ឱ្យបានល្អ»។

ចំណុចទី២ គឺការបណ្តុះបណ្តាលវិជ្ជាជីវៈ។ លោកថា ការបណ្តុះបណ្តាលវិជ្ជាជីវៈ គឺសំខាន់ណាស់ ព្រោះកម្មករយើង គ្មានវិជ្ជាជីវៈ គ្មានជំនាញ ត្រូវតែផ្តល់ជំនាញឱ្យពួកគេ។ ធ្វើយ៉ាងម៉េចទើបឱ្យពួកគេទៅបណ្តុះបណ្តាលបាន? លោកថា ត្រូវតែឱ្យប្រាក់ខែខុសគ្នាទៅតាមកម្រិតសញ្ញាបត្រ ធ្វើដូច្នេះទើបមនុស្សទៅទទួលយកការបណ្តុះបណ្តាល។

ចំណែកចំណុចទី៣ ផលិតកម្មនៅក្នុងស្រុក។ លោកបណ្ឌិត គី សេរីវឌ្ឍន៍ បានគូសបញ្ជាក់ដូច្នេះថា «មិនមែនពុះឡូតិ៍លក់ មិនមែនធ្វើអចលនទ្រព្យទិញដីលក់ដីក្លាយជាអ្នកមានទេ។ លក់ដីពេលនឹងចាយ ចាយអស់លក់ដីមួយដុំទៀត ស្មើនឹងលក់ទ្រព្យសម្បត្តិចាយ ដូច្នេះជំរុញវិស័យសេដ្ឋកិច្ចមិនមែនវិស័យអចលនទ្រព្យទេ ជំរុញវិស័យសេដ្ឋកិច្ច គឺវិស័យផលិតកម្ម អ្នកត្រូវតែផលិតនៅក្នុងស្រុក ដែលអាចជួយឱ្យសេដ្ឋកិច្ចយើងមានសន្ទុះលឿន និងរឹងមាំ។ វិស័យអចលនទ្រព្យ គឺជាវិស័យផុយស្រួយ នៅពេលថ្ងៃណាជាប់គាំង មនុស្សនឹងអត់បាយហូប សេដ្ឋកិច្ចមិនដើរ អត់ចំណូល ដូច្នេះមិនអាចពឹងលើវិស័យអចលនទ្រព្យជំរុញវិស័យសេដ្ឋកិច្ចបានទេ»។

យោងតាមការវាយតម្លៃជាបឋមរបស់មូលនិធិរូបិយវត្ថុអន្តរជាតិ(IMF)បានឱ្យដឹងថា សេដ្ឋកិច្ច កម្ពុជា នៅក្នុងឆ្នាំនេះអាចនឹងសម្រេចបានក្នុងរង្វង់៥,១% និងនៅឆ្នាំ២០២៣នឹងកើនឡើងដល់៦.២%។

ទន្ទឹមនឹងនេះ សហភាពអឺរ៉ុប ក៏បានត្រៀមកញ្ចប់ហិរញ្ញប្បទានប្រមាណ ១៤៣២,៦៣ លានអឺរ៉ូ ដោយផ្តោតសំខាន់លើការពង្រឹងការស្តារសង្គម-សេដ្ឋកិច្ច ព្រមទាំងបញ្ហាអន្តរវិស័យរួមមានសិទ្ធិមនុស្ស, សមភាពយេនឌ័រ, ភាពអង់អាចរបស់ស្ត្រី និងយុវជន, ការប្រែប្រួលអាកាសធាតុ និងការអភិវឌ្ឍប្រកបដោយចីរភាពនៅកម្ពុជាផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២១ នាទី មុន

កូរ៉េខាងជើង ធ្វើតេស្តមីស៊ីលប្រភេទថ្មី បាញ់ចេញពីនាវាមុជទឹក

ព័ត៌មានជាតិ៤៤ នាទី មុន

លោកជំទាវបណ្ឌិត ពេជ ចន្ទមុន្នី៖ សមាគមគ្រូពេទ្យស្ម័គ្រចិត្តយុវជនសម្ដេចតេជោ ព្យាបាលជំងឺជូនពលរដ្ឋដោយបេះដូង ដោយទឹកចិត្ត និងស្នាមញញឹម

វប្បធម៌ ជំនឿ៤៧ នាទី មុន

គន្លឹះ៦យ៉ាង គ្រូហុងស៊ុយតែងប្រាប់ឲ្យធ្វើដើម្បីទាក់ទាញលុយកាក់ចូលកាបូប

សន្តិសុខសង្គម៦០ នាទី មុន

ឃាត់ខ្លួនមន្ត្រីនគរបាលម្នាក់រួមទាំងបក្ខពួក ដក​ហូតគ្រឿងញៀនជាង៥គីឡូ ក្នុងយុទ្ធនាការរឹតបន្តឹងច្បាប់ចរាចរណ៍ផ្លូវគោក

ព័ត៌មានអន្ដរជាតិ១ ម៉ោង មុន

ត្រាំ ព្រមានផ្ទុះសង្គ្រាមលោកលើកទី៣ ក្រោយទាហានអាមេរិក ស្លាប់នៅ ហ្ស៊កដានី

Sokha Hotels

ព័ត៌មានពេញនិយម