សេដ្ឋកិច្ច
ចរន្តសាច់ប្រាក់ ២៤លានដុល្លាររាល់ខែពីវិស័យឯកជន ជួយពលរដ្ឋជាង ១០ម៉ឺននាក់ ក្នុងខេត្តស្វាយរៀង
បច្ចុប្បន្នរោចក្រសហគ្រាសចំនួន ២៥២ កន្លែង បាននិងកំពុងផ្តល់ការងារដល់ពលរដ្ឋក្នុងខេត្តស្វាយរៀងចំនួនជាង ១០ម៉ឺននាក់។ នេះបើតាមការបញ្ជាក់លោករបស់លោក រស់ ផារិទ្ធ អភិបាលរងខេត្តស្វាយរៀង។
ថ្លែងនៅក្នុងវេទិកាការងារស្ដីពី “ឱកាសការងារ និងកម្មសិក្សាការងារ” កាលពីថ្ងៃទី ២៥ ខែ មិថុនា ឆ្នាំ ២០២២ នៅសាកលវិទ្យាល័យខេត្តស្វាយរៀង លោក រស់ ផារិទ្ធ បានលើកឡើងថា ខេត្តស្វាយរៀង បច្ចុប្បន្ននេះមានតំបន់សេដ្ឋកិច្ចចំនួន១២កន្លែង មានក្រុមហ៊ុន រោងចក្រ សហគ្រាស គ្រឹះស្ថានឯកជន គ្រឹះស្ថានមីក្រូហិរញ្ញ នៅទូទាំងខេត្ត សរុប២៥២កន្លែង ដោយបង្កើតការងារដល់ប្រជាពលរដ្ឋជាង១០ម៉ឺននាក់ គិតជាមធ្យមប្រាក់ចំណូលនៅក្នុងខេត្តទាំងមូលមានប្រមាណ ២៤លានដុល្លារក្នុង១ខែ ដែលអាចចូលរួមចំណែកលើកកម្ពស់ជីវភាព ប្រជាពលរដ្ឋបានល្អប្រសើរ។
លោកអភិបាលរងខេត្ត បានគូសបញ្ជាក់ថា វិស័យឯកជន បានជំរុញឱ្យខេត្តស្វាយរៀង ទទួលបានការអភិវឌ្ឍរីកចម្រើន ដោយសារតែប្រទេសជាតិទទួលបានសុខសន្តិភាព ស្ថិរភាពនយោបាយ ពេញលេញ ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី ដែលបានខិតខំកសាងមាតុភូមិកម្ពុជា ចេញពីគំនរផេះផង់ ក្រោយបញ្ចប់សង្គ្រាមស៊ីវិលរ៉ាំរ៉ៃ។
រាជរដ្ឋាភិបាល បានចាត់ទុកថា វិស័យឯកជន គឺជាក្បាលម៉ាស៊ីនកំណើនសេដ្ឋកិច្ច។ តាមរយៈគោលដៅយុទ្ធសាស្ត្រនេះ តម្រូវឱ្យមានការចូលរួម និងសហការយ៉ាងពេញទំហឹងពីវិស័យរដ្ឋ និងឯកជន ជំរុញការអភិវឌ្ឍព័ត៌មានទីផ្សារការងារកម្ពុជា ឆ្លើយតបនឹងតម្រូវការអភិវឌ្ឍសង្គមសេដ្ឋកិច្ច ក្នុងប្រទេស និងក្រៅប្រទេស។ នេះជាការបន្ថែមរបស់លោក រស់ ផារិទ្ធ។
សូមបញ្ជាក់ថា វេទិកាការងារ ឱកាសការងារ និងកម្មសិក្សាការងារនេះ មានតំណាង អង្គភាព ស្ថាប័ន ធនាគារ មីក្រូហិរញ្ញវត្ថុ រោងចក្រ សហគ្រាស គ្រឹះស្ថាន ចូលរួមសរុបចំនួន ១០អង្គភាព ចូលរួមផ្សព្វផ្សាយពីឱកាសការងារការចុះកម្មសិក្សាការងារ និងដំណឹងសិក្សា អាហាររូបករណ៍ និងច្បាប់ចរាចរណ៍ផ្លូវគោកផងដែរ៕ ដោយ:ភក្ដី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង