សេដ្ឋកិច្ច
អាជីវករ អះអាងថា ទំនិញលើទីផ្សារមិនឡើងថ្លៃ នៅថ្ងៃសែនក្បាលទឹកនេះ
ក្រុមអាជីវករ មមាញឹកខ្លាំងក្នុងការលក់ដូររបស់ខ្លួន ដោយសារមានអតិថិជនច្រើន ជាពិសេសពលរដ្ឋដែលជាប់សែស្រឡាយចិន សម្រុកទិញអីវ៉ាន់ ដើម្បីសែនក្បាលទឹកនៅថ្ងៃទី ១២ ខែ សីហានេះ។
អាជីវករលើកឡើងថា ទោះជាមានអតិថិជនច្រើន ខុសពីថ្ងៃធម្មតាយ៉ាងណាក្តី ក៏តម្លៃទំនិញគ្រប់មុខនៅដដែល ពោលគឺមិនមានការឡើងថ្លៃនោះទេ។
អាជីវករនៅផ្សារទួលទំពូង អ្នកស្រី ធី ចិន្តា ដែលជាអ្នកលក់បន្លែនៅផ្សារ បានប្រាប់”កម្ពុជាថ្មី” ថា នៅថ្ងៃមានពិធីបុណ្យទានម្តងៗ លក់ដាច់ខ្លាំង។ ជាក់ស្តែង ដូចជាថ្ងៃនេះជាដើម គឺជាថ្ងៃសែនក្បាលទឹករបស់បងប្អូនខ្មែរ ជាប់សែស្រឡាយចិន នាំគ្នាសែន។ អ្នកស្រី ចិន្តា អះអាងថា បើទោះបីជាមានតម្រូវការច្រើនយ៉ាងណាក៏ដោយ ក៏អ្នកស្រី មិនឆ្លៀតឱកាសដំឡើងថ្លៃទំនិញឡើយ។ ពោលគឺរក្សាតម្លៃដូចថ្ងៃធម្មតា។
ចំណែក អ្នកស្រី វ៉ាន់នី ជាអាជីវករមួយរួបដែរ បានលើកឡើងថា នៅរដូវសែនក្បាលទឹកនេះ នំពងទាលក់ដាច់ខ្លាំងជាងគេ ព្រោះជាគ្រឿងដែលតម្រូវឱ្យមានក្នុងពិសែនក្បាលទឹកនេះ។ អ្នកស្រីបន្ថែមថា នំពងទាទំហំតូច មានតម្លៃ ២០០០រៀល ខ្នាតកណ្តាល ៦០០០រៀល និងនំខ្នាតធំតម្លៃ ១៥០០០រៀល។
អាជីវករមួយរូបទៀត នៅផ្សារទូលទំពូង សុំមិនបញ្ចេញឈ្មោះ បានឱ្យដឹងថា ក្នុងរយៈពេលប៉ុន្មានថ្ងៃនេះ លក់ដាច់ខ្លាំង។ អតិថិជនភាគច្រើន សម្រុកទិញ នាំពងទា មី គុយទាវ សម្រាប់ធ្វើម្ហូបសែនក្បាលទឹក។ មិនខុសពីអាជីវករខាងលើ អ្នកស្រី បានលើកឡើងដូច្នេះថា« ខ្ញុំលក់ដូរទំនិញច្រើនមុខ ហើយទំនិញទាំងអស់ លក់ក្នុងតម្លៃធម្មតា មិនមានការដំឡើងថ្លៃនោះទេ មានន័យថា ខ្ញុំមិនឆ្លៀតឱកាសគេកំពុងត្រូវការ ខ្ញុំឡើងថ្លៃឡើយ»។
ទោះយ៉ាងណា ផ្ទុយពីការលើកឡើងរបស់អជីវករ អ្នកស្រី ផៃ តឿ ជាពលរដ្ឋមួយរូប ជាប់សែស្រឡាយចិន បានអះអាងថា ទំនិញនៅលើទីផ្សារភាគច្រើនឡើងថ្លៃគ្រប់មុខ។ ជាក់ស្តែង អ្នកស្រី លើកឡើងថា ថ្ងៃធម្មតានាំពងទាខ្នាតធំតម្លៃ ១ម៉ឺនរៀល តែថ្ងៃបុណ្យទាន ជាពិសេសថ្ងៃសែនក្បាលទឹកនេះ ឡើងថ្លៃ ១ម៉ឺន ៥ពាន់រៀល ពោលគឺឡើង ៥ពាន់រៀល។ ក្រៅពីនំពងទា អ្នកស្រី បញ្ជាក់ថា ទំនិញដទៃក៏ឡើងដូចគ្នា។
បុណ្យសែនក្បាលទឹក ជាទំនៀមមួយរស់ជនជាតិចិន វៀតណាម។ ប៉ុន្តែមានប្រទេសជាច្រើន នៅអាស៊ីដែលប្រារព្ធពិធីនេះ ដោយសារតែមានវត្តមានរបស់ប្រជាជនចិន វៀតណាម ឬប្រជាជនដែលជាប់សាច់ឈាម នឹងជនជាតិទាំងពីរនេះ។ បុណ្យសែនក្បាលទឹក ជាឈ្មោះពិធីបុណ្យដែលប្រជាជនខ្មែរហៅសម្គាល់ពិធីបុណ្យសែនឱ្យខ្មោច(ខ្មោចដែលអត់ឃ្លាន) ដែលមានអត្ថន័យស្រដៀង នឹងពិធីបុណ្យភ្ជុំបិណ្ឌរបស់ខ្មែរដែរ។ ពិធីបុណ្យនេះ ប្រារព្ធឡើងនៅថ្ងៃ ១៥កើត ខែទី ៧របស់ច័ន្ទគតិ ដែលស្ថិតនៅក្នុងខែសីហា ក្នុងប្រតិទិនសុរិយគតិ។ ក្នុងថ្ងៃនេះ ប្រជាជនចិន វៀតណាម និងអ្នកជាប់សែលោហិតចិន ធ្វើការគោរពដូនតា ហើយក៏រៀបចំគ្រឿងសំណែនជាច្រើនថ្វាយចំពោះព្រលឹងដែលវង្វេងនៅលើផែនដីនេះ។
ជំនឿនៃការសែន និងសំណែនត្រូវបានធ្វើតាមការជឿដោយរៀងៗខ្លួន គ្រួសារខ្លះគេសែនផ្លែឈើ នំនែកពីព្រឹក ហើយពេលថ្ងៃត្រង់សែនបាយសម្លរម្តងទៀតក៏សន្មត់ថាចប់ ដោយមិនសែនពេលល្ងាចនោះទេ តែគ្រួសារខ្លះក៏សែនល្ងាចម្តងទៀតតាមជំនឿ និងធនធានដែលខ្លួនមាន។ បន្ទាប់ពីការសែនព្រែនរួចហើយ គេនៅមានដុតបូជាក្រដាសសែនផ្សេងៗ មានលុយ មាសប្រាក់ សំលៀកបំពាក់ និងគ្រឿងសែនក្រដាសផ្សេងៗទៀត មានតាំងពីប៉ាស្ព័រ វីសារ សំបុត្រយន្តហោះ រថយន្ត ផ្ទះ ។ល។ ហើយសុំផ្សងមកវិញនូវពរជ័យ សុខសប្បាយ និងរកស៊ីមានបាន៕ អត្ថបទ៖ នាង រតនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ