Connect with us

សេដ្ឋកិច្ច

វិស័យធានារ៉ាប់រងកំពុងដើរតួនាទីសំខាន់លើកកម្ពស់វិស័យសន្តិសុខសង្គមនិងវិស័យសេដ្ឋកិច្ច

បានផុស

នៅ

មន្ត្រីជាន់ខ្ពស់ធនារ៉ាប់រងកម្ពុជា បានអះអាងថា វិស័យធានារ៉ាប់រង គឺជាវិស័យហិរញ្ញវត្ថុមិនមែនធនាគារមួយ​ដែលបានដើរតួនាទីជាធាតុផ្សំដ៏សំខាន់ក្នុងការលើកកម្ពស់វិស័យសន្តិសុខសង្គម ក៏ដូចជាវិស័យសេដ្ឋកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក  ប៊ូ ច័ន្ទភីរូ អគ្គនាយក នៃនិយ័តករធានារ៉ាប់រងកម្ពុជាបានមានប្រសាសន៍ថា ទីផ្សារធានារ៉ាប់រងរបស់កម្ពុជា​បានរីកចម្រើនយ៉ាងឆាប់រហ័ស ដោយមានកំណើនជាមធ្យមប្រចាំឆ្នាំ ២៥%។ ជាក់ស្តែង ទោះបីជាមានវិបត្តិសកលនៃជំងឺកូវីដ១៩ក៏ដោយ ក៏ទំហំនៃទីផ្សារធានារ៉ាប់រងក៏កំពុងកើនឡើងយ៉ាងឆាប់រហ័សផងដែរ ដោយបុព្វលាភសរុបកើនឡើងដល់ប្រមាណ៣០០លានដុល្លារអាមេរិកក្នុងឆ្នាំ២០២១ ហើយអត្រាកំណើនជាមធ្យមសម្រាប់រយៈពេល៥ឆ្នាំចុងក្រោយគឺប្រហែល២០%។ជាពិសេស ទីផ្សារធានារ៉ាប់រងបានរក្សាកំណើនជាវិជ្ជមានរបស់ខ្លួនក្នុងកម្រិត ៨% ក្នុងឆ្នាំ២០២០និងប្រហែល១០% ក្នុងឆ្នាំ២០២១។

លោកបានបន្តថា ទោះជាយ៉ាងណាក៏ដោយ វិស័យធានារ៉ាប់រងបានរួមចំណែកដល់សេដ្ឋកិច្ចក្នុងអត្រា​ជ្រៀតចូលនៃ១,១១% និងដង់ស៊ីតេធានារ៉ាប់រងប្រហែល ១៨,៧៥ ដុល្លារអាមេរិកក្នុងមនុស្សម្នាក់ នៅឆ្នាំ២០២១ ដែលបង្ហាញថា ទីផ្សារធានារ៉ាប់រងរបស់កម្ពុជា នៅតែមានសក្ដានុពលបន្ថែមទៀតដើម្បីរីកចម្រើន។ លោកបានបន្ថែមទៀតថា ជាមួយនឹងសក្ដានុពល​នៃការរីកចម្រើននេះ វិស័យធានារ៉ាប់រងក៏កំពុងឈានជើងចូល​ទៅក្នុងការវិនិយោគបច្ចេកវិទ្យាធានារ៉ាប់រង (InsurTech) ដើម្បីលក់ផលិតផលធានារ៉ាប់រងតាមអ៊ីនធឺណិត ដូចជាការលក់តាមរយៈកម្មវិធី គេហទំព័ររបស់ក្រុមហ៊ុន និងក្រុមហ៊ុនទូរគមនាគមន៍ជាអ្នកផ្តល់វេទិកា។

លោកបានបញ្ជាក់ថា« ជាមួយនឹងការរីកចម្រើនយ៉ាងឆាប់រហ័សបែបនេះ យើងទាំងអស់គ្នាត្រូវតែត្រៀម​ខ្លួនដើម្បីសម្របខ្លួនទៅនឹងបដិវត្តន៍ឧស្សាហកម្ម៤.០សម្រាប់ការវិនិយោគ និងការប្រើប្រាស់បច្ចេកវិទ្យាក្នុងវិស័យហិរញ្ញវត្ថុ រួមទាំងហេដ្ឋារចនាសម្ព័ន្ធបច្ចេកវិទ្យា និងធនធានមនុស្សផងដែរ»។

លោកបានឱ្យដឹងទៀតថា ថ្មីៗនេះ និយតករធានារ៉ាប់រងកម្ពុជា (IRC) បានបង្កើត “ផែនការយុទ្ធសាស្រ្តអភិវឌ្ឍន៍​កម្ពុជាសម្រាប់វិស័យធានារ៉ាប់រង ២០២១-២០២៣០ ដើម្បីកំណត់ផែនទីបង្ហាញផ្លូវរួមជាមួយនឹងផែន​ការសកម្មភាពរយៈពេលខ្លី មធ្យម និងរយៈពេលវែងរបស់និយតករធានារ៉ាប់រងនៃប្រទេសកម្ពុជា៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៤ នាទី មុន

ដន្លង Beckham ប្ដឹងអ្នករៀបចំមង្គលការកូនស្រី ទាមទារសំណងជិត ២សែនដុល្លារ

សន្តិសុខសង្គម៣៣ នាទី មុន

តុលាការ​ខេត្តសៀមរាប សម្រេច​ឃុំខ្លួន​ភរិយា​លោក​លី ហាំង​សេង ថៅកែ​ផ្ទះល្វែង ពាក់ព័ន្ធ​ករណី​រំលោភ​លើ​ទំនុកចិត្ត

ព័ត៌មានជាតិ៤១ នាទី មុន

គម្រោង​សាងសង់​សាលា​ដំណាក់​សាមគ្គី​នៅ​តំបន់​ប្រាសាទ​តា​មាន់​សែន​ជ័យ​ជិត​រួចរាល់​ជា​ស្ថាពរ​មួយរយ​ភាគរយ​ហើយ

កីឡា៤៣ នាទី មុន

លោក Conor និយាយ​ពី​ការ​ត្រៀមខ្លួន​របស់​ព្រះខ័ន​រាជ​ស្វាយរៀង ក្នុង​ពានរង្វាន់​លី​គ​ខាប់ ២០២៣

ជីវិតកម្សាន្ដ៥៥ នាទី មុន

ហ្វេនប្រកាសឈប់គាំទ្រ បវរកញ្ញាចក្រវាលវៀតណាម ក្រោយរកឃើញភស្តុតាងបន្លំសញ្ញាបត្រ

Sokha Hotels

ព័ត៌មានពេញនិយម