Connect with us

សេដ្ឋកិច្ច

អាជីវកម្មទេសចរណ៍ក្នុងខេត្តសៀមរាប បើកដំណើរការឡើងវិញជិត ៥០ ភាគរយ

បានផុស

នៅ

​ក្រោយពេលដែលភ្ញៀវទេសចរជាតិ និងអន្តរជាតិ ចាប់ផ្តើមកើនឡើងជាបណ្តើរៗ មូលដ្ឋានអាជីវកម្មទេសចរណ៍ នៅក្នុងខេត្តសៀមរាប រួមមានសណ្ឋាគារ ផ្ទះសំណាក់ ភោជនីយដ្ឋាន ប្រមាណ៤៦ភាគរ ក្នុងចំណោមអាជីវកម្ម​ដែលបានបិទទ្វារ ដោយសាររងផលប៉ះពាល់ពីវិបត្តិជំងឺកូវីដ-១៩ បានបើកដំណើរការឡើងវិញជាបន្តបន្ទាប់។ រីឯមូលដ្ឋានអាជីវកម្មប្រមាណជាងពាក់កណ្តាលទៀត មិនទាន់អាចបើកដំណើរការនៅឡើយទេ ដោយសារតែ​ចំនួនភ្ញៀវទេសចរណ៍ ទើបតែចាប់ផ្តើមដើរកម្សាន្ត និងមានចំនួនតិចតួចនៅឡើយ ដែលធ្វើឱ្យម្ចាស់​អាជីវកម្មមួយចំនួននៅស្ទាក់ស្ទើរ មិនទាន់បើកដំណើរការ។ នេះបើតាមទិន្នន័យរបស់ក្រសួងទេសចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នួន ច័ន្ទតារា នាយកគ្រប់គ្រងសណ្ឋាគារ ស្តារី អង្គរ នៅខេត្តសៀមរាប បានប្រាប់កម្ពុជាថ្មីថា ខេត្តសៀមរាប តែងតែទទួលបានភ្ញៀវទេសចរច្រើន ជាពិសេសនៅថ្ងៃបុណ្យជាតិធំៗ ដូចជាបុណ្យចូលឆ្នាំខ្មែរ បុណ្យអុំទូក និងបុណ្យភ្ជុំបិណ្យនេះជាដើម។ អ្នកគ្រប់គ្រងសណ្ឋាគាររូបនេះ បានបន្តថា លោកត្រៀមខ្លួនរួចជាស្រេច ក្នុងការទទួលភ្ញៀវទេសចរទាំងជាតិ និងអន្តរជាតិ។

សូមបញ្ជាក់ថា ខេត្តសៀមរាប មានមូលដ្ឋានអាជីវកម្មសរុបចំនួន ១១៩៦ ក្នុងនោះ អាជីវកម្ម៦៥១ បន្តផ្អាក និងបិទទ្វារនៅឡើយ។ នាថ្ងៃចុងសប្ដាហ៍ទី១ខែកញ្ញានេះ ខេត្តសៀមរាប ទទួលបានភ្ញៀវទេសចរសរុបជាង ២៤,៨៤៩នាក់ (ក្នុងនោះ២,៨៤៩ នាក់ ជាទេសចរបរទេសក្នុងស្រុកខ្មែរ)៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម