សេដ្ឋកិច្ច
កសិករបណ្ដុះផ្សិតចំបើង ដើម្បីផលិតបន្លែសរីរាង្គឲ្យបានច្រើន តម្រូវទីផ្សារ
កសិករនៅភូមិឃុំកំភុន ស្រុកសេសាន ខេត្តស្ទឹងត្រែង អនុវត្តគម្រោងសាកវប្បកម្មកម្ពុជា បណ្ដុះផ្សិតចំបើងបន្លែសរីរាង្គ ទទួលទិន្នផលខ្ពស់ តម្រូវទីផ្សារបញ្ជាទិញច្រើន អាចរកចំណូលបានជាងដាំបន្លែផ្សេងៗទៀត។
លោក សុវណ្ណ ពិសេដ្ឋ អភិបាលស្រុកសេសាន ជំរុញកសិករ ដែលមានផ្ទៃដី និងលទ្ធភាព សូមឲ្យបង្កើតផលរបរចិញ្ចឹមសត្វ ចិញ្ចឹមត្រី ដាំបន្លែ បណ្ដុះផ្សិត ដើម្បីកែប្រែជីវភាពរស់នៅបានធូរធារ។
លោកបន្តថា មុខរបរទាំងនេះ វាមិនទាមទារឲ្យមានផ្ទៃដីធំដុំទេ សំខាន់ឈរលើកត្តាច្នៃប្រឌិត ប្រឹងប្រែង ព្យាយាម និងខិតខំរៀនសូត្រពីគ្នាទៅវិញទៅមក។ ពិសេសឥឡូវ ដោយមានការយកចិត្តទុកដាក់ពី រាជរដ្ឋាភិបាល គ្រប់ភូមិ គ្រប់ឃុំ តែងតែមានមន្ត្រីកសិកម្មទទួលបន្ទុក យើងអាចទំនាក់ទំនង ដើម្បីសាកសួរព័ត៌មានពីមន្ត្រីបច្ចេកទេសយើងបាន។ ចំពោះខ្ញុំ ខ្ញុំមានអារម្មណ៍ត្រេកអរខ្លាំងណាស់ចំពោះការខិតខំប្រឹងប្រែង ហើយខ្ញុំនឹងសំណូមពរ ពាំនាំនូវស្នាដៃនេះទៅចែកជូនដល់កសិករផ្សេងៗទៀត។
លោក ឈឹម សិទ្ធ កសិករមានមុខរបរបណ្ដុះផ្សិតចំបើង នៅភូមិឃុំកំភុន ស្រុកសេសាន បានទទួលស្គាល់ថា ភាពឧស្សាហ៍ព្យាយាមពិតជាទទួលបានជោគជ័យ។ បច្ចុប្បន្ន លោក កំពុងពង្រីករោងបណ្ដុះផ្សិតចំបើងបន្ថែមទៀត ដើម្បីផលិតឲ្យបានច្រើន សម្រាប់នាំចេញទៅលក់នៅទីផ្សារ បានប្រកួតប្រជែងជាមួយបន្លែនាំចូលពីតំបន់ផ្សេងៗផង។
លោកបន្តថា បច្ចេកទេសបណ្ដុះផ្សិតចំបើង លោក អាចបង្ហាត់បង្ហាញដល់កសិករផ្សេងៗទៀតបានប្រសិនពួកគាត់ចង់ចេះ និងមកសិក្សានៅទីតាំងផ្ទាល់ ដែលកំពុងអនុវត្តជាក់ស្ដែងនេះ។
លោកបន្ថែមថា ពីដំបូងផ្អាប់ចំបើងក្នុងរយៈពេលចាប់ពី ៥ ថ្ងៃ ទៅដល់ ១០ ថ្ងៃ បន្ទាប់មកយកមកមូរដាក់ក្នុងរោង ហើយយើងមានជីកំប៉ុស ជាអាហាររបស់វា ដូចជា សំដីស្រូវ ចំបើង សំបកផ្លែសណ្ដែកសៀង មានកន្ទក់ ចុងអង្ករ យើងលាយបញ្ចូលគ្នា ហើយយកទៅផ្អាប់រយៈពេលមួយយប់មួយថ្ងៃ ទៅដាក់លើចំបើង ហើយបានយើងយកវាទៅចំហុយក្នុងរយៈពេល ៥ ម៉ោង ទុកវាឲ្យត្រជាក់មួយយប់មួយថ្ងៃ ទើបដាក់មេផ្សិតចំបើងនឹងចូល។
លោក កែវ ជឿន កសិករដាំដំណាំបន្លែ នៅភូមិកាតតូត បញ្ជាក់ថា បច្ចុប្បន្នកសិករនាំគ្នាដាំបន្លែច្រើនគ្នា និងខ្លះទៀតផ្លាស់ប្ដូរទម្លាប់ការដាំដុះ គ្រាន់តែកសិករមួយចំនួនពុំទាន់បានសិក្សាបច្ចេកទេសច្បាស់លាស់ ហើយខ្លះទៀត ពុំទាន់មានលទ្ធភាពគ្រប់គ្រាន់នាំយកបច្ចេកទេសថ្មីនេះទៅអនុវត្តនៅឡើយទេ។
លោកថា ការដាំបន្លែជាកត្តាចម្បងក្នុងការដោះស្រាយជីវភាពរស់នៅប្រចាំថ្ងៃ និងកាត់បន្ថយការទៅដើរស៊ីឈ្នួលលក់កម្លាំងពលកម្ម ការពឹងផ្អែកលើផលអនុផលព្រៃឈើ និងការចុះទូកធ្វើនេសាទដែលនាំឲ្យជួបហានិភ័យផ្សេងៗក្នុងរដូវបិទនេសាទ។
សូមបញ្ជាក់ថា ការផលិតបន្លែសរីរាង្គ កសិករខេត្តស្ទឹងត្រែង ផលិតបានលើផ្ទៃដីប្រមាណតែជិត ៦០០ ហិកតាប៉ុណ្ណោះ។ បើគិតជាភាគរយបានតែជាង ១២% ក្នុងផែនការប្រចាំឆ្នាំ ចំនួន ៤.៩២០ ហិកតា ដោយសារតែផ្ទៃដីមួយចំនួន កសិករ បង្វែរពីដាំបន្លែទៅដាំដំណាំរួមផ្សំវិញ ដូចជា ឪឡឹក- តាសក់ស្រូវ- ពោត- ដំឡូងជ្វា -សណ្តែកបាយ និងល្ង ជាដើម ដែលធ្វើឲ្យការផលិតបន្លែមានបរិមាណថយចុះ នៅក្នុងត្រីមាសទី ៣ ឆ្នាំនេះ៕
អត្ថបទ ៖ ងិនលីម
ក្រសួងអប់រំ ប្រកាសឱ្យមន្ទីរអប់រំរាជធានី-ខេត្ត ជ្រើសរើសសិស្សពូកែ ត្រៀមចូលរួមប្រឡងទូទាំងប្រទេស នាខែឧសភា ខាងមុខ
អភិបាលខណ្ឌឫស្សីកែវ ដឹកនាំកម្លាំងចម្រុះចុះពង្រឹងសន្តិសុខ ទប់ស្កាត់បទល្មើសតាមមូលដ្ឋាន
អតីតសេដ្ឋិនី វៀតណាម ដែលរងការកាត់ទោសប្រហារជីវិត អង្វរតុលាការសុំដកអគារមួយខ្នងទុកឲ្យកូនស្រី
កូនស្រីមហាសេដ្ឋីកាស៊ីណូ ហុងកុង ទម្លាយទាំងតូចចិត្តថា បានមរតកតិចជាងបងប្អូនផ្សេងទៀត
ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?