ព័ត៌មានជាតិ

បន្លែសរីរាង្គខេត្តមណ្ឌលគិរីមួយថ្ងៃ ប្រមូលលក់ចេញបាន ១ តោន ខណៈអតិថិជនហ៊ានទិញឲ្យតម្លៃខ្ពស់

បានផុស

១ year មុន

នៅ

ថ្ងៃសុក្រ ២១ កុម្ភៈ ២០២៥

ដោយ

ការ៉ុត ស្ពៃក្ដោប ស្ពៃបូកគោ ម្ទេសហាវៃ ប៉េងប៉ោះធំ ខ្ទឹមបារាំង ខ្ទឹមក្រហម សាលាដស្រួយ ដើមខាត់ណា ខាត់ណាផ្កា ត្រូវបានសហគមន៍នៅភូមិចម្ការតែ ក្នុងក្រុងសែនមនោរម្យ ខេត្តមណ្ឌលគិរីអះអាងថា ក្នុងមួយថ្ងៃអាចប្រមូលលក់បានជាង ១ តោន តាមរយៈក្រុមហ៊ុនដៃគូសហកាសក្នុងទិញយកទៅចែកចាយលក់បន្តនៅតាមផ្សារទំនើបធំៗនៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លឿង វាន់ថន កសិករដាំបន្លែនៅសហគមន៍ភូមិចម្ការតែ ក្នុងក្រុងសែនមនោរម្យ ខេត្តមណ្ឌលគិរីបានប្រាប់ដល់ក្រុមអ្នកសារព័ត៌មានដែលបានចុះដល់ចម្ការ ក្នុងបេសកកម្មចុះផ្សព្វផ្សាយពីសក្ដានុពលរបស់ខេត្តមណ្ឌលគិរី ដឹកនាំដោយក្លិបអ្នកកាសែតកម្ពុជាថា បន្លែដែលសហគមន៍ដាំដុះមានច្រើនមុខ តាមការកុម្ម៉ង់របស់ក្រុមហ៊ុន។

ដោយអនុវត្តតាមកិច្ចសន្យាជាមួយក្រុមហ៊ុនដៃគូ បន្លែដែលសហគមន៍ដាំដុះផ្តោតសំខាន់លើសុវត្ថិភាព ហើយត្រូវអនុវត្តតាមបច្ចេកទេសតាមការណែនាំពីមន្រ្តីជំនាញ។

ខណៈបន្លែសរីរាង្គរបស់សហគមន៍ដាំដុះក់គិតគូរខ្ពស់ពីសុវត្ថិភាពដល់អ្នកទទួលទាន លោក លឿង វាន់ថា អះអាងថា នៅពេលប្រមូលផលមិនបារម្ភខ្វះទីផ្សារ ដោយសារមានកិច្ចសន្យាជាមួយក្រុមហ៊ុនដែលចុះមកប្រមូលទិញយកទៅលក់បន្តនៅតាមទីផ្សារធំៗដូចជាអ៊ីអន និងជីបម៉ុង ហើយក៏ទទួលបានតម្លៃខ្ពស់៕