ព័ត៌មានអន្ដរជាតិ
អ៊ីរ៉ង់ គំរាមវាយកម្ទេចរោងចក្រចម្រាញ់ប្រេង និងប្រភពថាមពលរបស់អ៊ីស្រាអែល វិញ
ក្រោយលេចឮដំណឹងថា អ៊ីស្រាអែលពិភាក្សាជាមួយអាមេរិកដើម្បីរៀបផែនការវាយកម្ទេចអណ្តូងប្រេងអ៊ីរ៉ង់ ស្រាប់តែពេលនេះមេទ័ពអ៊ីរ៉ង់មេបញ្ជាការរងកងឆ្មាំបដិវត្តន៍ឥស្លាមអ៊ីរ៉ង់ (IRGC) បានប្រកាសថា ខ្លួនក៏នឹងបំផ្លាញវិស័យថាមពលរបស់អ៊ីស្រាអែលដែរ ជាពិសេសរោងចក្រចម្រាញ់ប្រេងតែម្តង។
លោក Ali Fadavi បានគំរាមកាលពីថ្ងៃសុក្រទី៤ខែតុលាឆ្នាំ២០២៤ថា «បើសត្រូវសាងកំហុស យើងនឹងកម្ទេចប្រភពថាមពលរបស់ពួកគេទាំងអស់ ដូចជារោងចក្រចម្រាញ់ប្រេងនិងឧស្ម័នជាដើម។ អ៊ីស្រាអែល មានរោងចក្រថាមពលតែ៣និងរោងចក្រចម្រាញ់ប្រេងមួយចំនួនប៉ុណ្ណោះ។ ដូច្នេះ បើអ៊ីរ៉ង់ វាយប្រហាររោងចក្រទាំងអស់ក្នុងពេលតែមួយ នោះអ៊ីស្រាអែលចប់ហើយ»។
នៅថ្ងៃដដែលនោះ មេដឹកនាំកំពូលអ៊ីរ៉ង់ លោក Ali Khamenei ក៏បញ្ជាក់ច្បាស់ៗផងដែរថា ការវាយប្រហារដោយមីស៊ីលរបស់ប្រទេសខ្លួនគឺ «ស្របច្បាប់និងត្រឹមត្រូវទាំងស្រុង» ហើយថែមប្រកាសថា នេះគ្រាន់តែជាការដាក់ទណ្ឌកម្មតិចតួចប៉ុណ្ណោះរបស់ទីក្រុងតេហេរ៉ង់ ប្រឆាំងនឹងទីក្រុង តែល អាវីវ ហើយអ៊ីរ៉ង់ ត្រៀមខ្លួនជាស្រេចអស់ហើយ ដើម្បីវាយប្រហារអ៊ីស្រាអែលម្តងទៀតប្រសិនបើចាំបាច់។
ការគំរាមរបស់អ៊ីរ៉ង់នេះ កើតឡើងមួយថ្ងៃបន្ទាប់ពីប្រធានាធិបតិអាមេរិកលោក ចូ បៃដិន ប្រាប់ឲ្យដឹងថា ទីក្រុងវ៉ាស៊ីនតោន កំពុងពិភាក្សាជាមួយទីក្រុងហ្ស៊េរុយសាឡិម អំពីលទ្ធភាពបើកដៃឲ្យអ៊ីស្រាអែល វាយប្រហារកម្ទេចអណ្តូងប្រេងរបស់អ៊ីរ៉ង់។
ទោះបីជាយ៉ាងណាក៏ដោយ លោក បៃដិន ធ្លាប់លើកឡើងជាច្រើនលើកច្រើនសាមកហើយថា លោកនឹងមិនគាំទ្រការវាយប្រហាររបស់អ៊ីស្រាអែលលើទីតាំងនុយក្លេអ៊ែរអ៊ីរ៉ង់ដាច់ខាត។
គ្រាន់តែលោកបៃដិន លើកឡើងបែបនេះភ្លាម ស្រាប់តែតម្លៃប្រេងឆៅម៉ាក Brent បានឡើងថ្លៃដល់ទៅ ៥% ភ្លាមៗ ហើយបើគិតចាប់តាំងពីអ៊ីរ៉ង់បាញ់មីស៊ីលរាប់រយគ្រាប់លើអ៊ីស្រាអែលកាលពីថ្ងៃអង្គារទី១ខែតុលាមក តម្លៃប្រេងឆៅរបស់ម៉ាកនេះ បានឡើងថ្លៃដល់១០%ទៅហើយ។
គេកំពុងរង់ចាំមើលថាតើ តម្លៃប្រេងឆៅសកលនឹងហក់ឡើងឬប្រែប្រួលយ៉ាងណាទៀត បើស្ថានការណ៍នៅមជ្ឈិមបូព៌ាហាក់ដូចជាមិនធូរស្រាលទាល់តែសោះ៕
អត្ថបទ៖ សុខ សុវណ្ណ
ចុចអាន៖ អ៊ីស្រាអែល ពិភាក្សាជាមួយអាមេរិក ត្រៀមវាយកម្ទេចអណ្តូងប្រេងអ៊ីរ៉ង់
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន