សេដ្ឋកិច្ច
កម្ពុជា ជាដៃគូដ៏រស់រវើក និងទាក់ទាញក្នុងសហគមន៍អាស៊ាន
ការថ្លែងនេះ ធ្វើឡើងក្នុងឱកាសអញ្ជើញជាអធិបតី បើកកិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៤ នៅថ្ងៃទី២ ខែមេសា ឆ្នាំ២០២៤ នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍ថា កម្ពុជាជាដៃគូដ៏រស់រវើក និងទាក់ទាញក្នុងសហគមន៍អាស៊ាន។
សម្ដេចធិបតី ហ៊ុន ម៉ាណែត មានប្រសាសន៍ថា កម្ពុជាជាដៃគូដ៏រស់រវើក និងទាក់ទាញក្នុងសហគមន៍អាស៊ាន ទីតាំងប្រកបដោយឧត្ដមភាពរបស់កម្ពុជា ផ្ដល់នូវការតភ្ជាប់រលូននៅទូទាំងតំបន់ និងបង្កើតឱ្យមានប្រព័ន្ធអេកូឡូស៊ី នៃសហការ ដែលផ្ដោតទៅលើការការផ្ដល់ប្រយោជន៍ទៅវិញទៅមក និងសុខមាលភាពនៅក្នុងតំបន់។
សម្ដេចធិបតី មានប្រសាសន៍បន្តថា ជាយទ្ធសាស្ត្ររបស់កម្ពុជា បានចូលរួមកិច្ចព្រមព្រៀងពាណិជ្ជកម្មសំខាន់ៗ រួមទាំងក្នុងតំបន់ និងសាកលលោក ដូចជា កិច្ចប្រជុំភាពជាដៃគូរសភាអាស៊ី-អឺរ៉ុប (ASEP) កិច្ចតំបន់ពាណិជ្ជកម្មសេរីអាស៊ាន WTO (អង្គការពាណិជ្ជកម្មពិភពលោក) ធ្វើឱ្យកម្ពុជាជាតួអង្គប្រកបដោយសមាហរណកម្មខ្ពស់មួយនៅក្នុងទីផ្សារសាកល។
សម្ដេចធិបតី បញ្ជាក់ថា ជាច្រើនទសវត្សរ៍កន្លងមកនេះ កម្ពុជាបានឆ្លងកាត់ការផ្លាស់ប្ដូរគួរឱ្យកត់សម្គាល់ដែលបានវិវឌ្ឍទៅជាសេដ្ឋកិច្ចទំនើប ដែលមានសមាហរណកម្មក្នុងសេដ្ឋកិច្ចសាកល។ សេដ្ឋកិច្ចកម្ពុជាបានបង្ហាញពីភាពធន់គួរឱ្យកត់សម្គាល់ មុននឹងមានជំងឺកូវីដ១៩ កម្ពុជារក្សានូវអត្រាសេដ្ឋកិច្ចជាមធ្យម លើសពី ៧% ក្នុង ១ឆ្នាំ អស់រយៈពេល ២ទសវត្សរ៍។ ទោះបីជាមានការបន្ទុចបង្អាក់នាពេលថ្មីៗនេះក្ដី សេដ្ឋកិច្ចកម្ពុជាបានស្ទុះងើបឡើងវិញ ក្នុងអាត្រា ៥,៦% ក្នុងឆ្នាំ២០២៣ និងព្យាករណ៍ថានឹងមានកំណើន ៦,៦ % ក្នុងឆ្នាំ២០២៤ ហើយនឹងអាចត្រឡប់ទៅរកអត្រាកំណើនមុនវិបត្តិកូវីដ ក្នុងរង្វង់ ៧% ឆ្នាំ២០២៨ ដែលការណ៍នេះ បង្ហាញ អនាគតសេដ្ឋកិច្ចប្រកបដោយក្ដីសង្ឃឹមរបស់កម្ពុជា។
គួរបញ្ជាក់ថា កិច្ចប្រជុំកំពូលធុរកិច្ចអាស៊ាន-កម្ពុជា (Cambodia-ASEAN Business Summit) ឆ្នាំ២០២៤ ធ្វើឡើងក្រោមមូលបទ «បញ្ចេញសក្តានុពលអាស៊ាន៖ ការតភ្ជាប់ បច្ចេកវិទ្យា និងកំណើនប្រកបដោយបរិយាប័ន្ន (Unleashing ASEAN’s Potential: Connectivity, Technology, and Inclusive Growth)»។
កិច្ចប្រជុំកំពូលធុរកិច្ចអាស៊ាន-កម្ពុជា មានគោលដៅជំរុញសក្តានុពលអាស៊ាន ដែលកម្ពុជា គឺជាចំណុចស្នូល និងលើកយកប្រធានបទសំខាន់ៗ មកជជែកពិភាក្សារួមមាន៖ តំណភ្ជាប់ខ្សែបញ្ជូនថាមពលអាស៊ាន ចីរភាពនិងថាមពលកកើតឡើងវិញរបស់អាស៊ាន, កម្ពុជា គឺជាច្រកទ្វារទៅកាន់អាស៊ាន និង ការប្រើប្រាស់បច្ចេកវិទ្យាដើម្បីកំណើនប្រកបដោយបរិយាប័ន្ន៕
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+២៣ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ៣ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល