Connect with us

សេដ្ឋកិច្ច

តូតាល់អេនើជី ខួប១០០ឆ្នាំ

បានផុស

នៅ

ទីក្រុងប៉ារីស ថ្ងៃទី 28 ខែមីនា ឆ្នាំ 2024 – ថ្ងៃនេះមានបុគ្គលិកជាង 100,000នាក់ របស់ក្រុមហ៊ុន TotalEnergies នៅក្នុងប្រទេសចំនួន 120 នៅទូទាំងពិភពលោក មានសេចក្តីសោមនស្សរីករាយ និងមានមោទនភាពជាខ្លាំង ក្នុងការប្រារព្ធខួប 100ឆ្នាំ នៃការបង្កើតក្រុមហ៊ុននេះឡើង។ សម្រាប់ខួប ១០០ឆ្នាំ របស់ក្រុមហ៊ុន តូតាល់អេនើជី នេះផងដែរគឺជាផ្នែកមួយនៃប្រវត្តិសាស្ត្រពិភពលោកអំពីផ្នែកថាមពល ចាប់តាំងពី ទសវត្សរ៍ឆ្នាំ 1920 រហូតមកដល់បច្ចុប្បន្ននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្ត និងចក្ខុវិស័យ ដ៏អស្ចារ្យ

នៅថ្ងៃទី 28 ខែមីនា ឆ្នាំ 1924 ក្រុមហ៊ុន Compagnie Française des Pétroles ត្រូវបានបង្កើតឡើងនៅប្រទេសបារាំង ដែលជាប្រទេសមួយដែលគ្មានប្រភពប្រេងនៅឡើយ។ ពួកយើងបានធ្វើការសម្រេចចិត្តជាមួយនឹងចក្ខុវិស័យមួយនេះត្រូវបានចាត់ទុកថាជាចំណុចចាប់ផ្ដើមនៃសតវត្សដ៏អស្ចារ្យ។ ដើម្បីធានាបាននូវការផ្គត់ផ្គង់ថាមពលសម្រាប់ប្រទេសបារាំង ក្រុមហ៊ុនរបស់យើងបានធ្វើដំណើរទៅកាន់គ្រប់ទិសទីទូទាំងពិភពលោកដោយបាន សិក្សាពីផ្នែកបច្ចេកវិទ្យា និងភូមិសាស្ត្រនយោបាយជាច្រើន ដើម្បីទទួលបាននូវភាពរីកចម្រើនក្នុងសតវត្សនេះ។

ការចាប់ផ្ដើមសម្រាប់រយៈពេល 100 ឆ្នាំ

ពួកយើងមិនមានលទ្ធភាពគ្រប់គ្រាន់សម្រាប់ទាញយកធនធានក្នុងស្រុក ដូចជាគូប្រជែងរបស់យើងនាសម័យនោះឡើយ។ ហេតុដូចនេះហើយ ទើបយើងចាំបាច់ត្រូវប្រើប្រាស់សមត្ថភាពដែលមានប្រៀបជាងគូប្រជែងក្នុងការ ពង្រីកទីផ្សារអន្តរជាតិ ជាមួយនឹងសមត្ថភាពបច្ចេកទេសដែលយើងមានស្រាប់។ កត្តាទាំងពីរនេះហើយ បានជំរុញស្មារតីរបស់យើង ឲ្យមានដំណើរការឈានមុខរហូតដល់សព្វថ្ងៃ។ ប៉ុន្មានឆ្នាំមកនេះ យើងនៅតែបន្តជម្រុញ ទាំងបច្ចេកទេស និងភូមិសាស្រ្តផ្សេងទៀត ខណៈពេលដែលយើងកំពុងតែសម្របខ្លួនទៅនឹងតម្រូវការ និងការរំពឹងទុករបស់អតិថិជន។ នេះជារបៀបដែលយើងបានធ្វើអោយមានដំណើរការរីកចម្រើនគួរឱ្យកត់សម្គាល់ក្នុងអំឡុងសតវត្សទី២០នាសម័យនោះ។ លើសពីនេះ យើងក៏ទទួលបានជំនាញ និងបទពិសោធន៍បន្ថែមដោយបានសហការគ្នាជាមួយក្រុមហ៊ុន Petrofina និង Elf-Aquitaine ហើយថ្មីៗនេះ យើងក៏បានចាប់ផ្ដើមសហការជាមួយ Maersk Oil, Saft ឬ Direct Energie ផងដែរ ។

ចាប់ផ្ដើមក្លាយជាក្រុមហ៊ុនដែលផលិតពហុថាមពល

ស្របពេលដែលប្រេងឥន្ធនៈបានដើរតួជាថាមពលដ៏សំខាន់នៅក្នុងសតវត្សទី២០ ឧស្ម័នធម្មជាតិ និងថាមពលដែលបានកាត់បន្ថយឧស្ម័នកាបូនឌីអុកស៊ីត បានក្លាយជាប្រភពនៃប្រព័ន្ធថាមពលសម្រាប់ថ្ងៃស្អែក។ ឧស្ម័នធម្មជាតិគឺចាំបាច់ក្នុងអំឡុងពេលអន្តរកាលនៃថាមពល ដែលជាជំនួយក្នុងអំឡុងពេលដែលការកើនឡើងនៃការប្រើប្រាស់ថាមពលកកើតឡើងវិញនៅមានកំណត់ ហើយក៏សម្រាប់ប្រើប្រាស់ជំនួសធ្យូងថ្មដែលបង្កើតឧស្ម័នកាបូនឌីអុកស៊ីតច្រើនជាង២ដងនៅពេលផលិតជាថាមពល។ បច្ចុប្បន្ននេះក្រុមហ៊ុន TotalEnergies គឺក្រុមហ៊ុនដ៏ធំបំផុតទីបីក្នុងពិភពលោក នៅក្នុងការបំប្លែងឧស្ម័នធម្មជាតិរាវដែលហៅកាត់ថា (LNG) ។ ហើយនៅក្នុងថាមពលអគ្គិសនីវិញ យើងគឺជាអ្នកអភិវឌ្ឍន៍ថាមពលពន្លឺព្រះអាទិត្យ និងថាមពលខ្យល់ដែលជាថាមពលខ្លាំងបំផុតមួយនៅក្នុងពិភពលោកនេះផងដែរ។ ថាមពលអគ្គិសនីនេះ គឺជាបេះដូងរបស់ ថាមពលដែលបានកាត់បន្ថយកាបូនឌីអុកស៊ីត ហើយនៅក្នុងសតវត្សទី 21 អគ្គិសនីនឹងក្លាយទៅជាថាមពលដ៏សំខាន់ជាងគេ។

ការផ្លាស់ប្តូរថាមពល

ចាប់តាំងពីឆ្នាំ 2020 មកយើងបាននឹងកំពុងអនុវត្តយ៉ាងម៉ឺងម៉ាត់នូវយុទ្ធសាស្ត្រផ្លាស់ប្តូរថាមពល ដោយផ្អែកទៅលើគោលការណ៍សំខាន់ចំនួនពីរធំៗគឺ អ៊ីដ្រូកាបូន (រួមបញ្ជូលទាំង LNG) និងថាមពលអគ្គិសនី។ យើងមានមហិច្ឆតាយ៉ាងមុតមាំ ដើម្បីសម្រេចបាននូវការផ្លាស់ប្តូររបស់យើងដោយជោគជ័យ និងគាំទ្រអតិថិជនរបស់យើងជាមួយនឹងការផ្លាស់ប្ដូរនេះ។ បញ្ហាប្រឈមរបស់យើងនោះគឺ ការផ្គត់ផ្គង់ពិភពលោកនូវថាមពលដែលមានតម្លៃសមរម្យសម្រាប់ការអភិវឌ្ឍន៍ និងការកាត់បន្ថយការបំភាយនៃឧស្ម័នផងដែរ។ នេះគឺជាការផ្លាស់ប្តូរប្រកបដោយ “ភាពត្រឹមត្រូវ តាមលំដាប់លំដោយ និងសមធម៌” ដែលអំពាវនាវដោយ COP28 ។ ដោយសារតែមានការចង្អុលបង្ហាញ យើងនឹងបន្តកែសម្រួល ដើម្បីសម្របទៅតាមតម្រូវការរបស់អតិថិជន ក៏ដូចជាផ្នៃកមួយនៃការអភិវឌ្ឍន៍សម្រាប់រយៈពេល 100 ឆ្នាំទៅមុខទៀតផងដែរ។


អំពី TotalEnergies

TotalEnergies គឺជាក្រុមហ៊ុនពហុថាមពលសកលមួយដែលបានផលិត និងមានទីផ្សារថាមពលដូចជា ប្រេង ឥន្ធនៈ ឧស្ម័នធម្មជាតិ និងឧស្ម័នបៃតង ថាមពលកកើតឡើងវិញ រួមទាំងថាមពលអគ្គិសនីផងដែរ។ បុគ្គលិកជាង 100,000 នាក់របស់យើង បានប្តេជ្ញាចិត្តថា ថាមពលទាំងអស់នេះ នឹងធានាបាននូវតម្លៃសមរម្យជាងមុន និរន្តរភាពជាងមុន កាន់តែគួរឱ្យទុកចិត្ត និងអាចឱ្យមនុស្សប្រើប្រាស់បានច្រើនតាមដែលអាចធ្វើទៅបាន។ ក្រុមហ៊ុន TotalEnergies មានទីតាំង ជិត 130 ប្រទេស បានយកការអភិវឌ្ឍន៍ប្រកបដោយនិរន្តរភាព យកបេះដូងធ្វើជាគម្រោង និងប្រតិបត្តិការរបស់ខ្លួន។

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម