ព័ត៌មានអន្ដរជាតិ
អ្នកជំនាញ៖ ការអត់ការងារធ្វើ អាចក្លាយជាហានិភ័យថ្មីសម្រាប់សេដ្ឋកិច្ចអាមេរិក បន្ទាប់ពីអតិផរណា
អស់រយៈពេលជាច្រើនឆ្នាំមកហើយ អតិផរណាគឺជាហានិភ័យដ៏ធំបំផុតមួយសម្រាប់សេដ្ឋកិច្ចសហរដ្ឋអាមេរិក។ នៅខែមិថុនា ឆ្នាំ ២0២២ សន្ទស្សន៍តម្លៃអ្នកប្រើប្រាស់ (CPI) ដែលគេប្រើដើម្បីវាស់វែងអត្រាអតិផរណា បានហក់ឡើងដល់ ៩,១ ភាគរយ ប៉ុន្តែនៅខែមិថុនាឆ្នាំនេះ វាថយចុះមកនៅត្រឹមកំណើន ៣ ភាគរយវិញ។
ការថយចុះនេះ ទោះបីជាវាមិនទាន់ដល់កម្រិតអតិផរណាគោលដៅ ២ ភាគរយរបស់ធនាគារកណ្ដាលអាមេរិកក្ដី ប៉ុន្តែវាបង្ហាញពីភាពប្រសើរឡើងគួរឱ្យកត់សម្គាល់ ដែលអាចនឹងបើកផ្លូវ ក៏ដូចជាជំរុញឱ្យធនាគារកណ្ដាល កាត់បន្ថយអត្រាការប្រាក់ដ៏តឹងរ៉ឹងរបស់ខ្លួន ដែលបច្ចុប្បន្នស្ថិតនៅចន្លោះអត្រា ៥,២៥-៥,៥០ ភាគរយ។
យ៉ាងណាមិញ អ្នកវិភាគមើលឃើញថា ខណៈអតិផរណាបន្ថយសម្ពាធអវិជ្ជមានលើកំណើនសេដ្ឋកិច្ចអាមេរិក ការគំរាមកំហែងថ្មីមួយផ្សេងទៀតក៏ចាប់ផ្ដើមលេចត្រដែតឡើង ដែលនោះគឺ ការអត់ការងារធ្វើ។
ទោះបីជាទីផ្សារការងារនៅអាមេរិកស្ថិតក្នុងស្ថានភាពរឹងមាំនៅឡើយក្ដី អ្នកជំនាញបានលើកឡើងថា កំណើនអត្រាអត់ការងារធ្វើនៅអាមេរិក ៤,១ ភាគរយកាលពីខែមិថុនា គឺជារឿងគួរឱ្យព្រួយបារម្ភ ដែលបង្ហាញថា សេដ្ឋកិច្ចអាមេរិកកំពុងតែបង្ហាញពីសញ្ញានៃដំណើរយឺតយ៉ាវ។
ដោយស្រដៀងនឹងឥទ្ធិពលនៃអតិផរណាដែរ អ្នកជំនាញបានពន្យល់ថា ពេលមនុស្សកាន់តែច្រើនគ្មានការងារធ្វើ នោះតម្រូវការប្រើប្រាស់ក្នុងស្រុកនឹងបន្តចុះខ្សោយ។ ការណ៍នេះ ទាមទារឱ្យធនាគារកណ្ដាលអាមេរិក ត្រូវថ្លឹងថ្លែងកាត់បន្ថយអត្រាការប្រាក់ខ្ពស់របស់ខ្លួន ដើម្បីជំរុញការវិនិយោគ និងបង្កើនការងារ និងការចំណាយរបស់ប្រជាជន ដែលរួមចំណែក ៧០ ភាគរយនៃកំណើនសេដ្ឋកិច្ចអាមេរិក។
ប្រធានសេដ្ឋវិទូនៅក្រុមហ៊ុនប្រឹក្សាយោបល់ផ្នែកអាជីវកម្ម RSM លោក Joe Brusuelas បាននិយាយប្រាប់បណ្ដាញព័ត៌មាន CNN ថា៖ «វាដល់ពេលដែលត្រូវកាត់បន្ថយអត្រាការប្រាក់ហើយ»។ លោកបន្តថា៖ «អតិផរណាកំពុងធ្លាក់ចុះ និងលែងជាចំណុចសំខាន់នៃការព្រួយបារម្ភទៀតហើយ។ ភាពអត់ការងារធ្វើកាន់តែខ្ពស់ កំពុងក្លាយជាហានិភ័យស្នូលវិញម្ដង»។
ចំណែកឯប្រធានសេដ្ឋវិទូ នៅក្រុមហ៊ុនស្រាវជ្រាវហិរញ្ញវត្ថុ Moody’s Analytics លោក Mark Zandi វិញ បានលើកឡើងថា ទីផ្សារការងារនៅសហរដ្ឋអាមេរិក កំពុងមានភាពតានតឹង ដោយសារតែតម្លៃកម្ចី ឬអត្រាការប្រាក់ខ្ពស់ ។
លោក Zandi បានប្រាប់ CNN ថា៖ «គ្រោះថ្នាក់ដ៏ធំបំផុត គឺកំហុសគោលនយោបាយ។ ធនាគារកណ្ដាលរក្សាអត្រាខ្ពស់ពេកយូរពេក»។ លោកបន្តថា៖ «ឥឡូវនេះ ធនាគារកណ្ដាលកំពុងផ្តល់សញ្ញាអំពីការកាត់បន្ថយអត្រានៅខែកញ្ញា។ ខ្ញុំគិតថាមិនអីទេ ដរាបណាវាមិនយូរជាងនេះ»។
សូម្បីតែប្រធានធនាគារកណ្ដាលខ្លួនឯង លោក Jerome Powell ក៏យល់ស្របលើបញ្ហាស្ដីពីហានិភ័យនៃការគណនាខុសផងដែរ ដោយលោកបានប្រាប់ទៅសមាជិកសភាអាមេរិកកាលពីថ្ងៃអង្គារថា៖ «អតិផរណាកើនឡើងមិនមែនជាហានិភ័យតែមួយគត់ដែលយើងប្រឈមមុខនោះទេ»។ យ៉ាងណាមិញ លោកបានចង្អុលបង្ហាញទៅលើការថយចុះនៃអតិផរណា ក៏ដូចជាការចុះខ្សោយនៃទីផ្សារការងារលើសលុប។
តាមពិតទៅ ទីផ្សារការងារអាមេរិកមិនទាន់ធ្លាក់ចុះដុនដាបនៅឡើយទេ ដោយអត្រាការងារថ្មីស្ថិតនៅក្នុងស្ថានភាពមាំទាំនៅឡើយ។ CNN ផ្សាយថា បើមើលទៅ អត្រា ៤,១ ភាគរយកាលពីខែមិថុនា នៅតែទាបជាងកម្រិតក្នុងកំណត់ត្រាជាប្រវត្តិសាស្រ្ត។ យ៉ាងណាមិញ បញ្ហានោះគឺថា វាបានហក់ឡើងខ្ពស់គួរឱ្យកត់សម្គាល់ ក្នុងរយៈពេល ៣ ខែជាប់ៗគ្នា ហើយសម្រាប់អ្នកវិភាគ ស្ថានភាពបែបនេះគឺជាសញ្ញាដែលថា ទីផ្សារការងារកំពុងបត់ក្បាលទៅរកបញ្ហា។
ការជ្រើសរើសកម្មករថ្មី ស្ថិតនៅកម្រិតស្ដួចស្ដើង ជាពិសេសក្នុងវិស័យសេវាកម្ម និងបដិសណ្ឋារកិច្ច ដែលជាវិស័យសំខាន់ដំណើរការទៅបានដោយសារតែការចំណាយរបស់អ្នកប្រើប្រាស់។ យ៉ាងណាមិញ ទាំងអត្រាកម្មករឈប់ពីការងារ និងអត្រាជ្រើសរើសកម្មករថ្មី សុទ្ធតែធ្លាក់ចុះគួរឱ្យកត់សម្គាល់ដូចគ្នា។
ដោយមើលឃើញពីការផ្លាស់ប្ដូរទាំងនេះ លោក Powell បានគូសបញ្ជាក់ប្រាប់សមាជិកសភាថា សូចនាករថ្មីៗផ្ដល់សញ្ញាយ៉ាងច្បាស់ថា លក្ខខណ្ឌទីផ្សារការងារលើសលុប បានធូរស្បើយហើយ បើធៀបនឹង ២ ឆ្នាំមុន។
គួររំឭកថា ការភ័យខ្លាចក្នុងឆ្នាំ ២០២២ គឺថា ទីផ្សារការងារលើសលុប នឹងបន្ថែមកម្ដៅដល់កំណើនអតិផរណាខ្ពស់កប់ពពក ហើយធ្វើឱ្យតម្លៃខ្ពស់នៅកម្រិតគ្រោះថ្នាក់ ដែលបង្ខំឱ្យធនាគារកណ្ដាលតម្លើងការប្រាក់ ដើម្បីបន្ថយអតិផរណា។
យ៉ាងណាមិញ អ្នកជំនាញលើកឡើងថា បច្ចុប្បន្នធនាគារកណ្ដាលកំពុងបន្តជាមួយនឹងគោលនយោបាយអត្រាការប្រាក់តឹងតែង ស្របពេលដែលអតិផរណានៅទាប។ ការណ៍នេះ អាចធ្វើបង្កឱ្យទីផ្សារការងារដែលចុះខ្សោយ ធ្លាក់ចុះទៅជាដុនដាបវិញ។
យោងតាមទិន្នន័យពីរដ្ឋាភិបាលអាមេរិកកាលពីថ្ងៃសុក្រសប្ដាហ៍មុន ទីផ្សារការងារបានបន្ថែមការងារថ្មីប្រមាណ ២០៦ ០០០ កន្លែងកាលពីខែមិថុនា ដែលចំនួននេះ មិនលើសលុប ហើយក៏មិនខ្សោយ។ លោក Powell និយាយថា តួលេខនេះបង្ហាញពីតុល្យភាព។
ប៉ុន្តែអ្នកវិភាគលើកឡើងថា តុល្យភាពនេះនឹងមិននៅយូរនោះទេ ប្រសិនបើអត្រាការប្រាក់នៅតែខ្ពស់។ ហើយជាមួយគ្នានោះផងដែរ អ្នកជំនាញខ្លះលើកឡើងថា អតិផរណាមិនទាន់ទៅណាបាត់ឆ្ងាយទេ។
អ្នកវិភាគថា ទោះបីជាអតិផរណាថយចុះពីអត្រាខែមិថុនាឆ្នាំ ២០២២ ក្ដី តម្លៃនៃការចំណាយប្រចាំថ្ងៃខ្ពស់នៅតែជាបញ្ហាធំមួយសម្រាប់ពលរដ្ឋអាមេរិកាំង ដោយចង្អុលបង្ហាញថា ពួកគេត្រូវចំណាយច្រើនសម្រាប់គ្រឿងហូបចុកប្រចាំថ្ងៃ ការជួលផ្ទុះ និងការធានារ៉ាប់រងច្រើនជាងមុនវិបត្តិកូវីដទៅទៀត។ បញ្ហានេះ បង្កឡើងដោយជម្លោះផ្សេងៗ រួមទាំងជម្លោះភូមិសាស្រ្តនយោបាយ ខណៈបច្ចុប្បន្ន ការបោះឆ្នោតអាមេរិកនាពេលខាងមុខ កំពុងបង្កើតស្ថានភាពមិនប្រាកដប្រជាផ្សេងៗ ដោយអ្នកខ្លះព្រួយបារម្ភថា អតិផរណានឹងហក់ឡើងខ្ពស់ ប្រសិនបើអតីតប្រធានាធិបតី ដូណាល់ ត្រាំ ជាប់ឆ្នោតជាថ្មី ហើយអនុវត្តរបៀបវារៈសេដ្ឋកិច្ចរបស់លោក៕
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ