ព័ត៌មានអន្ដរជាតិ
តម្លៃម្រេចនាំចេញវៀតណាមកើនឡើងខ្ពស់ ទោះបរិមាណនាំចេញថយចុះ
ទិន្នន័យពីសមាគមម្រេច និងគ្រឿងទេសវៀតណាម (VPSA) បានបង្ហាញថា ទំហំនៃតម្លៃម្រេចនាំចេញរបស់ប្រទេសបានកើនឡើងដ៏ខ្ពស់គួរឱ្យកត់សម្គាល់ បើទោះបីជាបរិមាណនៃការនាំចេញទៅទីផ្សារអន្តរជាតិទាំងមូលធ្លាក់ចុះក៏ដោយ។ នេះបើតាមការចុះផ្សាយរបស់កាសែត Viet Nam News នាថ្ងៃពុធនេះ។
ក្នុងសមាសទី១នៃឆ្នាំ ២០២៤ វៀតណាមបាននាំចេញម្រេចប្រមាណ ១៤២ ៥៨៦ តោន ក្នុងតម្លៃសរុប ៦៣៤,២ លានដុល្លារ ដែលនេះបង្ហាញពីការធ្លាក់ចុះ ៦,៨ ភាគរយនៃបរិមាណ និងការកើនឡើង ៣០,៥ ភាគរយនៃតម្លៃ។ ក្នុងចំនួនសរុប ការនាំចេញម្រេចខ្មៅបានកើនដល់ ៥៣៩,៩ លានដុល្លារ ខណៈម្រេចសកើនដល់ ៩៤,៣លានដុល្លារ។
ក្នុងអំឡុងរយៈពេល៦ខែដដែល ម្រេចខ្មៅត្រូវបាននាំចេញក្នុងតម្លៃមធ្យម ៤ ៣៦៥ ដុល្លារ/តោន ដោយកើនឡើង ៩២២ ដុល្លារ/តោន ខណៈម្រេចសត្រូវបាននាំចេញក្នុងតម្លៃ ៥ ៩៨៣ ដុល្លារ/តោន ដោយកើនឡើងប្រមាណ ១ ០៨២ ដុល្លារ/តោន បើធៀបនឹងរយៈពេលដូចគ្នាកាលពីឆ្នាំមុន។
អ្នកជំនាញបានកត់សម្គាល់ថា វៀតណាមកំពុងទទួលបាននូវផលចំណេញ ពីកង្វះការផ្គត់ផ្គង់ម្រេចនៅក្នុងទីផ្សារពិភពលោក ដោយសារតែបាតុភូតអាកាសធាតុសកលអ៊ែលនីណូ (El Nino) ដែលបង្កគ្រោះរាំងស្ងួត។ អ្នកជំនាញបានព្យាករថា ផលិតកម្មម្រេចនឹងខ្សត់ខ្សោយដើម្បីបំពេញតម្រូវការពិភពលោកក្នុងរយៈពេលវែង ជាពិសេសចន្លោះរយៈពេលពី ៣ ទៅ ៥ ឆ្នាំខាងមុខ ដែលធ្វើឱ្យតម្លៃម្រេចកាន់តែថ្លៃ។
បើតាមការចុះផ្សាយរបស់សារព័ត៌មានក្នុងស្រុកវៀតណាម តម្លៃម្រេចសម្រាប់ការជួញដូរលើទីផ្សារក្នុងប្រទេស ក៏កើនឡើងគួរឱ្យកត់សម្គាល់ផងដែរ។ កាសែតអនឡាញ nongnghiep.vn បានស្រង់សម្ដីកសិករដាំម្រេចម្នាក់នៅខេត្ត Đồng Nai ដែលបានឱ្យដឹងថា មានពេលខ្លះ តម្លៃម្រេចបានហក់ឡើងដល់ ១៨០ ០០០ ដុង (៧,០៩ ដុល្លារ) /គីឡូក្រាម ដែលនេះជាកម្រិតដ៏ខ្ពស់មួយមិនធ្លាប់មានក្នុងរយៈពេលជាច្រើនឆ្នាំមកហើយ។ កសិករដដែលបន្តថា តម្លៃបានធ្លាក់ចុះជាបន្តបន្ទាប់ ប៉ុន្តែនៅស្ថិតក្នុងកម្រិតខ្ពស់ ដោយឡើងដល់ ១៥០ ០០០ ដុង/គីឡូក្រាម កាលពីដើមខែកក្កដា ដែលនេះខ្ពស់ជាងទ្វេដង បើធៀបនឹងរយៈពេលដូចគ្នាកាលពីឆ្នាំមុន។
អ្នកជំនាញខាងម្រេចវៀតណាម បានឈប់ស្របនឹងព័ត៌មាននេះ ដោយថា តម្លៃម្រេចអតិបរិមាដែលលក់លើទីផ្សារក្នុងស្រុកគឺ ១៨០ ០០០ ដុង/គីឡូក្រាម អំឡុងឆ្នាំបង្កបង្កើនផលឆ្នាំ ២០២៣-២៤។ នៅតាមតំបន់មួយចំនួន តម្លៃនេះ បានហក់ឡើងចន្លោះពី ២០០ ០០០ ដុង ទៅ ២១០ ០០០ ដុង/គីឡូក្រាម។
យ៉ាងណាមិញ អ្នកជំនាញថា ការកើនឡើងដ៏ខ្ពស់នេះស្ថិតក្នុងរយៈពេលខ្លីៗ ពោលគឺនៅពេលក្រុមហ៊ុនមួយចំនួនត្រូវការទិញម្រេច សម្រាប់ការនាំចេញ។
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៥ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ