ព័ត៌មានអន្ដរជាតិ
ត្រាំ គំរាមតម្លើងពន្ធ «២០០ ឬ ៥០០ ភាគរយ» លើរថយន្តនាំចូលពីម៉ិកស៊ិក បើលោកជាប់ឆ្នោត
បេក្ខជនឈរឈ្មោះបោះឆ្នោតប្រធានាធិបតីអាមេរិកមកពីគណបក្សសាធារណរដ្ឋ លោក ដូណាល់ ត្រាំ បានបង្កើនវោហាសាស្រ្តរបស់ខ្លួនជាថ្មីលើគោលនយោបាយការពារនិយម ដោយលើកឡើងថា លោកនឹងតម្លើងពន្ធលើសពី ២០០ ភាគរយ ប្រសិនបើជាប់ឆ្នោតកាន់អំណាចជាថ្មីនាខែវិច្ឆិកាខាងមុខ។ នេះបើតាមការចុះផ្សាយបន្តរបស់ទីភ្នាក់ងារសារព័ត៌មានរ៉យទ័រ។
អតីតប្រធានាធិបតីរូបនេះ បានថ្លែងក្នុងបទសម្ភាសន៍ជាមួយទូរទស្សន៍ Fox News ដែលចាក់ផ្សាយកាលពីថ្ងៃអាទិត្យថា៖ «អ្វីដែលខ្ញុំនឹងធ្វើ គឺថា «ខ្ញុំនឹងដាក់ពន្ធ ២០០ (ភាគរយ) ឬ ៥០០។ ខ្ញុំមិនខ្វល់ទេ។ ខ្ញុំនឹងកំណត់លេខ(ពន្ធ) ដើម្បីកុំឱ្យពួកគេអាចលក់ឡានបានសូម្បីតែមួយគ្រឿង»។ លោកបន្តថា៖ «ខ្ញុំមិនចង់ឱ្យពួកគេ បង្កការខូចខាតដល់ក្រុមហ៊ុនរថយន្តក្នុងស្រុករបស់យើងនោះទេ»។
គេមើលឃើញថា គោលនយោបាយតម្លើងពន្ធលើផលិតផលនាំចូលបរទេស ជាពិសេសចិន និងម៉ិកស៊ិក គឺជាស្នូលវោហាសាស្រ្តមួយរបស់លោក ត្រាំ ដែលកំពុងរងការប្រកួតប្រជែងយកដំណែងកំពូលយ៉ាងស្វិតស្វាញពីអនុប្រធានាធិបតីបច្ចុប្បន្ន លោកស្រី កាម៉ាឡា ហារីស ។
នាពេលកន្លងមក អ្នកនយោបាយវ័យ ៧៨ ឆ្នាំរូបនេះ បានសន្យាដាក់ពន្ធ ១០០ ភាគរយ លើរថយន្តនាំចូល និងរថយន្តដឹកទំនិញ ដើម្បី «ការពារឧស្សាហកម្មរថយន្តក្នុងស្រុក»។ ក្នុងអំឡុងការប្រមូលផ្តុំជាមួយអ្នកគាំទ្រកាលពីសប្តាហ៍មុននៅទីក្រុង Juneau រដ្ឋ Wisconsin លោក ត្រាំ បានបង្កើនទ្វេដងនូវតួលេខដែលលោកធ្លាប់បានសន្យានេះ។
ជាថ្មីម្ដងទៀត លោកប្រាប់ Fox News បន្តថា៖ «២០០ ភាគរយ ខ្ញុំនឹងប្រើវាជាតួលេខ។ ខ្ញុំមិនចង់បានរថយន្តរបស់ពួកគេ។ ពួកគេនឹងមិនអាចលក់រថយន្តក្នុងស្រុកយើងបានទេ។ ខ្ញុំនឹងមិនឱ្យពួកគេសាងសង់រោងចក្រនៅក្រៅស្រុក ហើយលក់រថយន្តរាប់លានគ្រឿងក្នុងទឹកដីសហរដ្ឋអាមេរិកនោះទេ»។
លោក ត្រាំ ធ្លាប់បានគំរាមយកពន្ធដ៏ធំលើរថយន្តពីម៉ិកស៊ិកពេលលោកក្លាយជាប្រធានាធិបតី និងជាបេក្ខជនឈរឈ្មោះ ក្រោយពេល និងមុនពេលការបោះឆ្នោតឆ្នាំ ២០១៦។ ជុំវិញបញ្ហានេះ ក្រុមហ៊ុនផលិតរថយន្តជាច្រើន ធ្លាប់បាននិយាយថា ការដាក់ពន្ធរហូតដល់ ២៥ ភាគរយ លើរថយន្ត និងគ្រឿងបន្លាស់ពីម៉ិកស៊ិក អាចជះឥទ្ធិពលយ៉ាងធ្ងន់ធ្ងរដល់ឧស្សាហកម្ម និងតម្លើងថ្លៃរថយន្ត៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន