កម្ពុជា-អូស្ត្រាលី ចុះអនុស្សារណៈនៃការយោគយល់គ្នា ជំរុញការនាំចេញអង្ករ និងគ្រាប់ស្វាយចន្ទី

វិស័យឯកជនកម្ពុជា និងអូស្ត្រាលី នៅថ្ងៃទី ១៦ ខែកុម្ភៈ ឆ្នាំ ២០២៥ បានចុះហត្ថលេខាលើអនុស្សរណៈនៃការយោគយល់គ្នាចំនួន ៥ ដើម្បីជំរុញទីផ្សារនាំចេញផលិតផលកម្ពុជាទៅអូស្ត្រាលី ដោយផ្តោតជាពិសេសលើការនាំចេញអង្ករ និងគ្រាប់ស្វាយចន្ទី។

អនុស្សរណៈនៃការយោគយល់គ្នា (MoU) ស្តីពីកិច្ចសហប្រតិបត្តិការកម្ពុជា-អូស្ត្រាលី ដើម្បីលើកកម្ពស់ផលិតផលកម្ពុជា ត្រូវបានចុះហត្ថលេខានៅទីក្រុងស៊ីដនី ប្រទេសអូស្ត្រាលី ក្រោមអធិបតីភាពលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ដោយមានការចូលរួមពីមន្រ្តីក្រសួងកិច្ចការបរទេស និងពាណិជ្ជកម្មអូស្ត្រាលី តំណាងក្រុមហ៊ុនកម្ពុជា។

MoUs ត្រូវបានចុះហត្ថលេខារវាងក្រុមហ៊ុនរួមមាន ១.ក្រុមហ៊ុន Amru Rice Cambodia Co., Ltd និង Green Group Pty. Ltd ២. ក្រុមហ៊ុន Khmer Foods Group Co., Ltd និង MarketPlace Fresh Pty Ltd ៣. ក្រុមហ៊ុន Mirarth Agri Tech និង MarketPlace Fresh Pty Ltd ៤. ក្រុមហ៊ុន Mirarth Agri Tech និង Omara Import & Export និង៥.​ Mirarth Agri Tech និង Balha Sweets៕