ព័ត៌មានអន្ដរជាតិ

ការគំរាមបំផ្ទុះគ្រាប់បែក ជំរុញវិបត្តិទេសចរណ៍នៅខេត្តភូកេត របស់ថៃ

បានផុស

១១ ខែ មុន

នៅ

ថ្ងៃអង្គារ ១៥ កក្កដា ២០២៥

ដោយ

ព័ត៌មានជុំវិញការគំរាមកំហែងបំផ្ទុះគ្រាប់បែកនៅលើយន្តហោះ រួមទាំងសកម្មភាពសង្ស័យពាក់ព័ន្ធនឹងភេរវកម្មថ្មីៗនេះនៅភាគខាងត្បូងនៃប្រទេសថៃ កំពុងជួញជំរុញវិបត្តិទេសចរណ៍នៅខេត្តភូកេត របស់ថៃ ដែលប្រឈមនឹងបញ្ហាផ្សេងៗរួចហើយ។ នេះបើតាមការចុះផ្សាយរបស់កាសែត Khaosod ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការគំរាមកំហែងភេរវកម្ម ជម្លោះអ៊ីស្រាអែល-ហាម៉ាស និងការព្រមានពីរលកស៊ូណាមិ បង្កជារលកនៃការលុបគម្រោងដំណើរកម្សាន្តលើកោះគូកេត ទាំងពីសំណាក់ភ្ញៀវទេសចរថៃ និងអន្តរជាតិ នៅរដូវទាបឆ្នាំនេះ។ ការណ៍នេះ បណ្ដាលឱ្យអត្រាស្នាក់នៅសណ្ធាគារធ្លាក់ចុះជាគំហុក ធ្ងន់ធ្ងរបំផុតក្នុងរយៈពេលមួយទសវត្សរ៍ បើមិនរាប់សម័យកូវីដ១៩ចូល។

កម្សោយនៃចំនួនភ្ញៀវ ធ្វើឱ្យសណ្ឋាគារជួបការលំបាកក្នុងការបើកដំណើរ ដោយសណ្ឋាគារលំដាប់ផ្កាយ ៤ មួយចំនួន កំពុងកាត់បន្ថយតម្លៃ ដើម្បីប្រកួតប្រជែងជាមួយសណ្ឋាគារលំដាប់ផ្កាយ ៣ ហើយមួយចំនួនទៀត ថែមទាំងផ្អាកការងារបុគ្គលិកបណ្ដោះអាសន្នដោយមិនបានប្រាក់ខែ។

ប្រភពពីម្ចាស់សណ្ឋាគារដ៏ធំមួយនៅភូកេត បានប្រាប់កាសែត «Prachachat Business» ថា ប្រតិបត្តិករសណ្ឋាគារជាច្រើននៅភូកេតបច្ចុប្បន្ន កំពុងប្រឈមមុខនឹងបញ្ហាធ្ងន់ធ្ងរ ខណៈមានភ្ញៀវជាច្រើនលុបចោលការកក់បន្ទប់ទុកមុន នៅ ១-៤ សប្ដាហ៍ខាងមុខ ។

សណ្ឋាគារមួយកត់ត្រាពីការធ្លាក់ចុះនៃការកក់បន្ទប់ពី ២០-៣០ ភាគរយ ដែលនេះជាការធ្លាក់ចុះគំហុកបំផុតក្នុងរយៈពេល ១០ ឆ្នាំចុងក្រោយ ដោយមិនរាប់បញ្ចូលវិបត្តិកូវីដ១៩ ដែលធ្វើឱ្យសកម្មភាពទេសចរណ៍ធ្លាក់ចុះទូទាំងពិភពលោក។

មូលហេតុសំខាន់ៗរួមមានសង្រ្គាមនៅមជ្ឈិមបូព៌ា ដែលនាំឱ្យមានការថយចុះនៃអ្នកទេសចរពីក្នុងតំបន់នេះ ការគំរាមកំហែងគ្រាប់បែកតាមបណ្ដាខេត្តជាប់សមុទ្រអង់ដាម៉ង់មួយចំនួន ដែលបណ្តាលឱ្យមានការលុបចោលដំណើរកម្សាន្តទៅកោះភូកេតបន្ថែមទៀត ខណៈមានការព្រមានពីប្រទេសផ្សេងៗដូចជាកាណាដា និងអូស្រ្តាលី ឱ្យពលរដ្ឋខ្លួនប្រុងប្រយ័ត្នពីភេរវកម្មក្នុងប្រទេសថៃ ជាពិសេសភាគខាងត្បូងប្រទេសនេះ។ បន្ថែមពីលើនោះ កាលថ្មីៗ ព័ត៌មានអំពីហានិភ័យរលកយក្សស៊ូណាមិ ក៏ជួយកាត់បន្ថយការកក់បន្ទប់ទុកជាមុនបន្ថែមទៀត៕

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា