កីឡា

ព្រះខ័នរាជស្វាយរៀង ប្រកួតជាមួយ Terengganu នៅម៉ាឡេស៊ី ម៉ោង ៤ រសៀលនេះ

បានផុស

១១ ខែ មុន

នៅ

ថ្ងៃអង្គារ ១៥ កក្កដា ២០២៥

ដោយ

ក្លិបបាល់ទាត់ ព្រះខ័នរាជស្វាយរៀង ត្រូវប្រកួតមិត្តភាពកម្តៅសាច់ដុំជាមួយក្រុម Terengganu FC នៅប្រទសម៉ាឡេស៊ី (ម៉ោង ៤ រសៀល នៅកម្ពុជា) ថ្ងៃទី១៥ ខែកក្កដា ឆ្នាំ២០២៥ បន្ទាប់ពីធ្វើដំណើរទៅកាលពីម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការប្រកួតមិត្តភាពអន្តរជាតិលើកដំបូងរបស់ ក្លិប ព្រះខ័នរាជស្វាយរៀង ក្រោមការដឹកនាំរបស់លោក Mattew McConkey ដែលទើបត្រូវបានតែងតាំងបន្តពីលោក Pep Munoz ដែលបានចាកចេញកាលពីចុងបញ្ចប់រដូវកាល។ ព្រះខ័នរាជស្វាយរៀង បានធ្វើការដោះដូរកីឡាករជាច្រើនសម្រាប់ត្រៀមរដូវកាលថ្មី ទាំងការនាំចូលកីឡាករក្នុងស្រុក និងកីឡាករបរទេស។ ការប្រកួតនេះគឺជាការសាកល្បងសមត្ថភាពរបស់កីឡាករម្នាក់ៗដើម្បីរៀបចំឲ្យកាន់តែល្អប្រសើរឡើង។

លោក Mattew McConkey គ្រូបង្គោលក្លិបព្រះខ័នរាជស្វាយរៀង បានប្រាប់ថា ៖«ពីរប្រកួតនេះល្អ។ វាជាអ្វីម្យ៉ាងដែលខ្ញុំចង់ឲ្យក្លិបធ្វើ។ យើងមិនអាចរៀបចំព្រឹត្តិការណ៍ប្រកួតត្រៀមរដូវកាលដូចឆ្នាំមុនទេ ពីព្រោះយើងជាប់នៅពានរង្វាន់ Shopee Cup រួចហើយ ប៉ុន្តែខ្ញុំគិតថា ពីរប្រកួតនេះក៏ល្អសម្រាប់យើង។ ជាពិសេសយើងបានចេញទៅក្រៅប្រទេសប្រកួតជាមួយក្រុមផ្សេងដើម្បីតេស្តកីឡាករនៅក្នុងបរិយាកាសផ្សេងគ្នា»៕

ព្រះខ័នរាជស្វាយរៀង ត្រូវលេងតទល់នឹងអតីតសមាជិករបស់ខ្លួនគឺកីឡាករ Gabi ដែលបានចាកចេញកាលពីចុងរដូវកាល និងបានចូលរួមជាមួយ Terengganu។ ក្រុមទាំងពីរធ្លាប់បានជួបគ្នាម្តងក្នុងពានរង្វាន់ AFC Challenge League កាលពីរដូវកាលមុននៅទឹកដីម៉ាឡេស៊ី ដោយក្លិបកម្ពុជាទទួលបានជ័យជម្នះដោយលទ្ធផល ៤-៣។ ពេលពួកគេបានជួបគ្នាជាថ្មីនៅលើទឹកដីម៉ាឡេស៊ីទៀត៕