លោក ដូណាល់ ត្រាំ បាននិយាយថា លោកមានផែនការដែល «ធានា» បាននូវការបញ្ចប់សង្រ្គាមនៅអ៊ុយក្រែន ប៉ុន្តែនឹងបង្ហាញឲ្យដឹង ប្រសិនបើ...
កាលពីថ្ងៃអង្គារ តម្លៃរបស់ Brent បានធ្លាក់ចុះប្រមាណ ៤,៩ ភាគរយ ខណៈតម្លៃ WTI បានធ្លាក់ចុះប្រមាណ ៤,៤ ភាគរយ។
អ៊ុយក្រែនមិនទាន់បាត់សោកសៅចំពោះការបាញ់មីស៊ីលដ៏សាហាវនៅទីក្រុង Poltava ដែលបណ្តាលឲ្យមនុស្សស្លាប់និងរបួសជាង៣០០នាក់ផង ស្រាប់តែរុស្ស៊ី...
លោក នីកូឡាស ម៉ាឌូរ៉ូ (Nicolas Maduro) បានប្រកាសថា លោកនឹងចេញក្រឹត្យផ្លាស់ប្តូរបុណ្យណូអែលទៅរៀបចំ...
ក្រោយផ្ទុះបាតុកម្មទ្រង់ទ្រាយធំរាប់សប្តាហ៍ទាមទាររកយុត្តិធម៌សម្រាប់គ្រូពេទ្យម្នាក់ដែលត្រូវគេរំលោភសម្លាប់ ពេលនេះ រដ្ឋ West Bengal របស់ប្រទេសឥណ្ឌា បានអនុម័តច្បាប់មួយ ដែលអាចឈានដល់ការប្រហារជីវិតជនល្មើសរំលោភសេពសន្ថវៈ។ ត្បិតតែរដ្ឋ West Bengal អនុម័តច្បាប់នេះរួចហើយក៏ពិតមែន ប៉ុន្តែវាក៏ត្រូវទទួលការយល់ព្រមពីសំណាក់ប្រធានាធិបតីឥណ្ឌាដែរ ទើបអាចក្លាយជាច្បាប់ពេញលេញ។ តាមការចុះផ្សាយរបស់ CNA កាលពីថ្ងៃអង្គារទី៣ខែកញ្ញាឆ្នាំ២០២៤, ច្បាប់នេះគឺបង្ហាញពីកំហឹងរបស់ប្រជាជនចំពោះបញ្ហាអំពើហិង្សាដ៏រ៉ាំរ៉ៃលើស្រ្តី ដែលរាប់ឆ្នាំមកហើយនៅតែមិនអាចដោះស្រាយបាន។ តាមពិតទៅ តាមច្បាប់បច្ចុប្បន្ន ជនល្មើសរំលោភសេពសន្ថវៈ ត្រូវទទួលទោសជាប់ពន្ធនាគារយ៉ាងតិច១០ឆ្នាំ ប៉ុន្តែក្នុងច្បាប់ថ្មីនេះ មានការស្នើឲ្យដំឡើងការជាប់ពន្ធនាគារមួយជាតិឬត្រូវប្រហារជីវិតតែម្តង។ សូមបញ្ជាក់ថា បាតុកម្មបានផ្ទុះឡើងក្នុងរដ្ឋ West Bengal បន្ទាប់ពីគ្រូពេទ្យអាយុ៣១ឆ្នាំ ត្រូវគេរំលោភសម្លាប់ ហើយគេរកឃើញសាកសពប្រឡាក់ដោយឈាមនៅក្នុងមន្ទីរពេទ្យក្រុង Kolkata កាលពីថ្ងៃទី៩ខែសីហា។ បទល្មើសរំលោភសេពសន្ថវៈបានក្លាយជាបញ្ហាចាក់ស្រេះនៅក្នុងប្រទេសឥណ្ឌា ហើយករណីថ្មីនេះ បានធ្វើឲ្យគេនឹកឃើញដល់ករណីរំលោភបូកដ៏ព្រៃផ្សៃកាលពីឆ្នាំ២០១២។ កាលនោះ បុរសមួយក្រុមបានរំលោភបូកនិងសម្លាប់យុវតីម្នាក់នៅលើរថយន្តក្រុង ហើយក្រោយមកក៏ផ្ទុះការខឹងសម្បាមិនមែនត្រឹមក្នុងប្រទេសឥណ្ឌាទេ ពោលគឺពេញពិភពលោកតែម្តង៕ អត្ថបទ៖ សុខ សុវណ្ណ ចុចអាន៖ បាតុករឥណ្ឌាដាក់សម្ពាធកាន់តែខ្លាំងលើប្រព័ន្ធយុត្តិធម៌ ក្រោយការរំលោភសម្លាប់អ្នកគ្រូពេទ្យ
ចំនួនអ្នកស្លាប់ដោយសារទឹកជំនន់នៅក្នុងប្រទេសបង់ក្លាដែសបានកើនឡើងដល់៧១នាក់កាលពីថ្ងៃអង្គារ ខណៈមនុស្សរាប់លាននាក់នៅតែជាប់គាំងនៅក្នុងតំបន់ដែលត្រូវ...
បុរសអាមេរិកម្នាក់ត្រូវបានកាត់ទោសឲ្យជាប់ពន្ធនាគាររយៈពេល ១៣ ខែពីបទធ្វើការយាយី និងគំរាមកំហែងតាមរយៈការខលទូរស័ព្ទទៅការិយាល័យ...